यर्मिया 25:31 - नेवाः बाइबल

³¹ हल्‍लाया लिथ्‍वः पृथ्‍वीया ताताःपाःगु थासय् तक ताये दइ। छाय्‌धाःसा पृथ्‍वीया फुक्‍क जातितलिसें परमप्रभुया मुद्दा दु, वय्‌कलं फुक्‍क मनूतय्‌गु न्‍याय यानादी। दुष्‍टतय्‌त धाःसा वय्‌कलं तरवारं पालादी,’” परमप्रभुं धयादी।

यर्मिया 25:31 ပူးပေါင်းရင်းမြစ်များ

यशैया 33:3

छि तसकं हाःगु सः तायाः मनूत बिस्‍युं वनी। छि दनादीबलय् जाति जातित छ्यालब्‍याल जुइ।

यशैया 34:2

परमप्रभु फुक्‍क देशयापिं मनूतनापं तंपिकयादीगु दु। वय्‌कःया तं इमि फुक्‍क सिपाइँतय्‌त लाःगु दु। वय्‌कलं इमित धात्‍थें हे भज्‍यंक नाश यानादी। वय्‌कलं इमित मनू स्‍याइपिनिगु ल्‍हातय् तयादीगु दु।

यशैया 34:8

परमप्रभुं सियोनया पंलिनाः बदला कायेगु छगू दिं दु व सजाँय बीगु छगू दँ दु।

यशैया 66:16

मि व तरवारपाखें परमप्रभुं फुक्‍क मनूतय्‌गु न्‍याय यानादी, अले परमप्रभुपाखें सीपिं यक्‍व हे दइ।

यर्मिया 2:35

छं थथे धाल, ‘जि निर्दोषम्‍ह खः, वय्‌कः जिलिसें तंचायादी मखु।’ तर जिं पाप यानागु मदु धकाः छं धाःगुलिं जिं थःम्‍हं हे छंगु न्‍याय याये।

यर्मिया 23:19

स्‍व, तम्‍वय् परमप्रभुयागु ग्‍वःफय् मुयावइ, दुष्‍टतय्‌गु छेनय् व न्‍याइ।

यर्मिया 45:5

तर न्‍यँ! छं थःगु निंतिं ततःधंगु खँ माला च्‍वनागु ला? अथे माले मते! जिं थःम्‍हं हे फुक्‍क मनूतय्‌के विपत्ति हये, परमप्रभुं धयादी, तर छ न्‍ह्याथाय् वंसां जिं अन छंगु ज्‍यान बचय् यानाः छन्‍त म्‍वाकातये।’”

इजकिएल 30:3

छाय्‌धाःसा व दिं लिक्‍क हे दु, व सुपाँय्‌या दिं जुइ, व जाति जातिया लागि नाशया दिं जुइ।

इजकिएल 38:22

जिं महामारी व हिबाःपाखें वयागु न्‍याय याये। जिं वयाके, वयागु सेनायाके व वलिसें दुगु जाति जातिया भीडयाके तसकं वाफय् वय्‌काबी, प्‍वँ गाय्‌काबी, च्‍यानाच्‍वंगु गन्‍धक गाय्‌काबी।

होशे 12:2

यहूदाया विरोधय् परमप्रभुयाके छगू द्वपं दु। अले याकूबयात वं याःगु व्‍यवहारया कारणं वय्‌कलं सजाँय बियादी, वं याःगु ज्‍याकथं वय्‌कलं वयात पलेसा बियादी।

होशे 4:1

अय् इस्राएलीत, परमप्रभुया वचन न्‍यँ! छाय्‌धाःसा थ्‍व देशय् च्‍वंपिन्‍त परमप्रभुया द्वपं दु – “थ्‍व देशय् विश्‍वास याये बहसू मदु। सदां दइगु दयामाया मदु, व परमेश्‍वरया बारे ज्ञान नं मदु।

योएल 3:2

उबले जिं सकल जातितय्‌त छथाय् मुंकाः यहोशापातया बेँसीइ यंके। अन हे जिं उपिं जातितय्‌त न्‍याय याये, छाय्‌धाःसा इमिसं जिमि प्रजा, जिगु उत्तराधिकारी इस्राएलयात जाति जातितय् दथुइ छ्यालब्‍याल यानाबिल, अले जिगु देशयात ब्‍वथला बिल।

मीका 6:2

“हे पर्वतत, हे पृथ्‍वीया बल्‍लाःगु जग परमप्रभुयागु द्वपं ध्‍यान बियाः न्‍यँ। छाय्‌धाःसा थः प्रजालिसे वय्‌कःया छगू मुद्दा दु, वय्‌कलं इस्राएलयात छगू अपराधया द्वपं बियादीगु दु।