यर्मिया 25:27 - नेवाः बाइबल

²⁷ “अले छं इमित धा, ‘दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी – त्‍वँ, लगे जुइकि, ल्‍ह्व, ग्‍वतु अले हाकनं गुबलें दने मते। छाय्‌धाःसा थ्‍व जिं छिमिगु दथुइ चले यायेगु तरवारया कारणं जुइ।’

यर्मिया 25:27 ပူးပေါင်းရင်းမြစ်များ

यशैया 51:21

अथे जुयाः जिगु खँ न्‍यँ, छ दुःख सियाच्‍वंगु व अय्‌लाखं काःम्‍ह थें च्‍वं तर दाखमद्यं काःगु मखु।

यशैया 63:6

तमं जिं जाति जातितय्‌त न्‍हुत्तुन्‍हुया। जिगु तमं इमित काय्‌का बिया, अले जिं इमिगु जीवनया हि बँय् प्‍वंकाबिया।”

यर्मिया 12:12

मरुभूमियागु फुक्‍क नांगा डाँडाय् नाश याइपिं थाहां वःगु दु। परमप्रभुयागु तरवारं देशयागु छगू कुन्‍चांनिसें मेगु कुन्‍चा तक नाश याइ, अले सुं नं सुरक्षित जुइ मखु।

यर्मिया 13:13

छं इमित धा, ‘परमप्रभुं थथे धयादी – जिं थःम्‍हं हे थ्‍व देशय् च्‍वंपिं सकसितं, दाऊदया वंशया राजगद्दीइ च्‍वंपिं जुजुपिं, पुजाहारीत, अगमवक्तात व यरूशलेमय् च्‍वंपिं सकसितं दाखमद्यं काय्‌काबी।

यर्मिया 22:10

सी धुंकूम्‍ह जुजुया लागि ख्‍वये मते वा वयागु लागि नुगः मछिंके मते। बरु ज्‍वनायंकूम्‍ह मनूया लागि ह्वाँय्‌ह्वाँय् ख्‍व, छाय्‌धाःसा व हाकनं लिहां वइ मखु। वं थः जन्‍म जूगु देश हाकनं खनी मखु।

यर्मिया 25:16

जिं इमिथाय् छ्वयागु तरवारं यानाः थ्‍व त्‍वनाः इपिं धेधे चुइ अले वें जुइ।”

यर्मिया 46:10

तर व दिं प्रभु, दक्‍व शक्ति दुम्‍ह परमप्रभुया दिं खः, बदला काइगु दिं, थः शत्रुतय्‌त बदला काइगु दिं। लुमधंतले तरवारं नाश याइ, हि त्‍वनाः वं प्‍याःचाः लंकी। छाय्‌धाःसा उत्तरयागु देशय्, यूफ्रेटिस खुसि सिथय्, प्रभु, दक्‍व शक्ति दुम्‍ह परमप्रभुं बलि छानादी।

यर्मिया 46:14

“मिश्र देशय् सुचं ब्‍यु! मिग्‍दोलय् घोषणा या, नोप व तहपनेसय् नं घोषणा या, ‘तयार जुयाः थथःगु थाय् कयाः दँ, छाय्‌धाःसा तरवारं छिमिगु प्‍यखेरं क्‍वापक्‍वाप नयाच्‍वंगु दु।’

यर्मिया 50:35

“बेबिलोनीतय्‌गु विरोधय् छपु तरवार!” परमप्रभुं धयादी, “बेबिलोनय् च्‍वंपिनिगु विरोधय् अले वया हाकिमत व बुद्धि दुपिं मनूतय्‌गु विरोधय्।

यर्मिया 51:39

इपिं दने धुंकाः जिं इमिगु निंतिं छगू भ्‍वय् तयार याये। अले इमित काय्‌के, अले इपिं न्‍हिलाः चिल्‍लाय् दनाः हाली अले सदांयात द्यनी। इपिं गुबलें दनी मखु,” परमप्रभुं धयादी।

यर्मिया 51:57

जिं इमि हाकिमत, अले बुद्धि दुपिं मनूतय्‌त काय्‌काबी, वया बडा-हाकिमत, हाकिमत व सिपाइँतय्‌त नं। इपिं न्‍ह्याबलेंया निंतिं द्यनी अले दनी मखु,” परमप्रभुं धयादी गुम्‍हय्‌सिगु नां दक्‍व शक्ति दुम्‍ह परमप्रभु खः।

विलाप 4:21

हे ऊजय् च्‍वंम्‍ह म्‍ह्याय् एदोम, लसता हँ! अले न्‍ह्यइपुकि, तर व ख्‍वल्‍चा छन्‍त नं बी। छन्‍त लगय् जुइ, अले छन्‍त नाङ्‌गा याइ।

आमोस 8:14

सामरियाया मूर्तितय्‌गु नामं पाफइपिं वा ‘दानया द्यःत व बेर्शेबाया द्यःतय्‌गु’ नामं पाफइपिं दक्‍वं क्‍वदली, अले हाकनं गुबलें दने फइ मखु।”

नहूम 3:11

अय् निनवे! छ नं अय्‌लाःगुलुत थें जुइ, छ नं सुलाच्‍वनी, अले शत्रुतपाखें बिस्‍युं वनेत छं शरण कायेगु थाय् माली।

हबकूक 2:16

थथे याइम्‍हय्‌सित मान व इज्‍जतया थासय् मछालापूं जाइ। आः छंगु पा वःगु दु! छं नं मद्य त्‍वँ अले छंगु नांगांसू खनेदयेमा! परमप्रभुया जःपा ल्‍हाःया ख्‍वला छन्‍थाय् वःगु दु, अले छंगु मान व इज्‍जत मछासुं त्‍वःपुइ।

व्‍यवस्‍था 32:42

जिगु वाणतय्‌त हि त्‍वंके बी, अले जिगु तरवारं ला नइ। जिं फुक्‍क शत्रुतय्‌त स्‍यानाबी, कैदीतय्‌त तकं नं अले शत्रुतय् नायःतय्‌गु छ्यं ध्‍यनाबी।”

प्रकाश 14:10

अज्‍याःपिन्‍सं परमेश्‍वरयागु तःधंगु तं छुनं ल्‍वाकछ्याना मतःगु ख्‍वल्‍चां त्‍वने माली। अज्‍याःपिन्‍सं मि व गन्‍धक दुथाय् पवित्रपिं स्‍वर्गदूततय्‌गु व चीधिकःम्‍ह भ्‍याःचायागु न्‍ह्यःने च्‍वनाः सास्‍ती नया च्‍वनेमाली।