यर्मिया 25:13 - नेवाः बाइबल

¹³ “अले जिं व देशय् जिं व देशया बारे धयागु फुक्‍क खँ, अर्थात थ्‍व सफुलिइ च्‍वयातःगु फुक्‍क खँ पूवंके, गुगु खँ यर्मियां फुक्‍क जातिया विरोधय् अगमवाणी ल्‍हाःगु दु।

यर्मिया 25:13 ပူးပေါင်းရင်းမြစ်များ

यशैया 55:11

जिगु म्‍हुतुं पिहां वःगु वचन अथे हे जुइ। व सितिकं जिथाय् लिहां वइ मखु, तर उकिं जिं मतिइ तयागु ज्‍या पूवंके, अले छु ज्‍याया निंतिं जिं वयात छ्वयाहयागु खः, उकी व ताःलाइ।

यर्मिया 1:10

स्‍व, थौं जिं छन्‍त जाति जाति व राज्‍य राज्‍यया अधिकार बी, इमित लेहें थनेगु व स्‍यंकेगु, नाश यायेगु व वांछ्वयेगु, दय्‌केगु व पीगु अधिकार छन्‍त बी।”

यर्मिया 1:5

“जिं छन्‍त छिमि मांया प्‍वाथय् दय्‌के न्‍ह्यः हे म्‍हस्‍यू। छ बुइ न्‍ह्यः हे जिं छन्‍त अलग याना। जिं छन्‍त जाति जातितय्‌त अगमवाणी न्‍यंकेत ल्‍यया।”

यर्मिया 30:2

“परमप्रभु, इस्राएलया परमेश्‍वरं थथे धयादी, ‘जिं छन्‍त धयागु फुक्‍क खँ छगू सफुलिइ च्‍व।

यर्मिया 36:2

“छथू थूतुलातःगु भ्‍वँ कयाः उकी इस्राएल, यहूदा व मेगु फुक्‍क जातिया बारे जिं छन्‍त धयागु फुक्‍क खँ च्‍व। योशियाह जुजुया पालय् जिं छलिसें खँ ल्‍हानागु दिनंनिसें थौं तक जिं छु छु धया, व फुक्‍क खँ च्‍व।

यर्मिया 36:29

यहूदायाम्‍ह जुजु यहोयाकीमयात थथे नं धा, ‘परमप्रभुं थथे धयादी – छं व भ्‍वंया थू छ्वय्‌काः थथे धाल, “छाय् छं व भ्‍वंया थूलय् बेबिलोनयाम्‍ह जुजु धात्‍थें वइ, अले थ्‍व देशयात नाश यानाः थनयापिं मनूत व पशुतय्‌त स्‍याइ धकाः च्‍वयागु?”

यर्मिया 36:4

उकिं यर्मियां नेरियाहया काय् बारूकयात सःतल अले बारूकं परमप्रभुं यर्मियायात धयादीगु फुक्‍क खँ यर्मियायागु म्‍हुतुं न्‍यनाः भ्‍वँतय् च्‍वल।

दानिएल 5:28

“पर्सिन – छःपिनिगु राज्‍य ब्‍वथलाः मादी व फारसीतय्‌त ब्‍यूगु दु।”

दानिएल 5:31

अले खुइनिदँ दुम्‍ह मादी दारां व देश त्‍याका काल।

प्रकाश 10:11

अले वं जितः धाल – “हानं छकः यक्‍व देश देशयापिं मनूतय्‌त, जात जातियापिं मनूतय्‌त, थीथी भाषां नवाइपिं मनूतय्‌त व जुजु जुजुपिन्‍त नं छं अगमवाणी कने मानि।”