यर्मिया 24:6 - नेवाः बाइबल

⁶ जिं इमित दया याये अले इमित हाकनं थ्‍व देशय् लित हये, जिं इमित नाश याये मखु तर जिं इमित दय्‌के, जिं इमित लिनाकाये मखु तर तयातये।

यर्मिया 24:6 ပူးပေါင်းရင်းမြစ်များ

उत्‍पत्ति 44:21

“अले छिं जिमित, ‘वयात जिथाय् हिँ, जिं वयात स्‍वये’ धयादिल।

२ इतिहास 16:9

छाय्‌धाःसा गुम्‍हय्‌सिगु नुगः परमप्रभुया निंतिं विश्‍वास यायेबहः जू, इमिगु निंतिं थःत बल्‍लाःम्‍ह क्‍यनेत वय्‌कलं थःगु मिखा पृथ्‍वीया फुक्‍क थासय् थुखे उखे ब्‍वय्‌का च्‍वनादी। थुकी छिं मूर्ख ज्‍या यानादिल। उकिं आवंलि छिगु निंतिं लडाइँ हे लडाइँ जुइ।”

नहेम्‍याह 5:19

“हे जिमि परमेश्‍वर, जिं थ्‍व जातिया निंतिं यानागु फुक्‍क ज्‍या जिगु भिंया निंतिं लुमंका तयादिसँ।”

भजनसंग्रहया सफू 34:15

भिंगु ज्‍या याइपिन्‍त परमप्रभुं स्‍वयाच्‍वंगु दु, अले इमिगु प्रार्थना न्‍यनेत वय्‌कलं न्‍हाय्‌पं बियाच्‍वंगु दु।

भजनसंग्रहया सफू 44:2

छिं थःगु हे शक्तिं जाति जातियापिं मनूतय्‌त पितिनाः इमिगु थासय् जिमि पुर्खातय्‌त तयादिल। छिं इमि शत्रुतय्‌त क्‍वत्‍यलाः इमित ब्‍वलंकादिल।

यशैया 14:1

परमप्रभुं याकूबया घरानायात दया यानादी, वय्‌कलं इस्राएलयात हाकनं छकः थः मनूकथं ल्‍ययाः इमिगु थःगु हे देशय् पलिस्‍था यानादी, अन पिने वःपिं मनूत इपिंनापं मिलय् जू वइ अले याकूबया घरानानापं मिलय् जुयाच्‍वनी।

यशैया 60:21

अनंलि छिमि फुक्‍क प्रजात धर्मी जुइ, इमिसं सदांया निंतिं देशय् अधिकार याइ। जिगु गौरव क्‍यनेत इपिं जिं पिनागु माचा थें खः, अले इपिं जिगु ल्‍हाःया ज्‍या खः।

यर्मिया 1:10

स्‍व, थौं जिं छन्‍त जाति जाति व राज्‍य राज्‍यया अधिकार बी, इमित लेहें थनेगु व स्‍यंकेगु, नाश यायेगु व वांछ्वयेगु, दय्‌केगु व पीगु अधिकार छन्‍त बी।”

यर्मिया 12:15

तर इमित जिं लिनाकाये धुंकाः हाकनं जि लिहां वये अले इपिं सकसितं दया याये। जिं इमित इमि पुर्खाया देशय् लित हये।

यर्मिया 16:15

तर इमिसं धाइ, ‘इस्राएलीतय्‌त उत्तरयागु देश व मेगु फुक्‍क देशं गन गन वय्‌कलं इमित पितिना छ्वयादीगु खः, व फुक्‍क देशं पित हयादीम्‍ह गथे परमप्रभु धात्‍थें म्‍वाःम्‍ह खः।’ छाय्‌धाःसा जिं इमि तापाःबाज्‍यापिन्‍त बियागु देशय् जिं इमित हाकनं हये।

यर्मिया 21:10

जिं थ्‍व शहरयात स्‍यंकेगु क्‍वःछीधुन, भिं यायेगु मखु, जि, परमप्रभुं धाये। थ्‍व शहरयात बेबिलोनयाम्‍ह जुजुया ल्‍हातय् बीगु जुइ। अले वं थ्‍व शहरयात मिं भस्‍म याइ।’

यर्मिया 23:3

“जिगु बथांया ल्‍यनाच्‍वंपिन्‍त जिं इमित लिनाछ्वयागु फुक्‍क देशं मुंकाः जिं थःम्‍हं हे इमित इमिगु थःगु हे ख्‍यलय् लित हये। अले हानं इपिं च्‍वन्‍ह्याइ अले इमिगु ल्‍याः अप्‍वयावनी।

यर्मिया 29:10

परमप्रभुं थथे धयादी, “बेबिलोनया न्‍हयेदँ पूवने धुंकाः जि छिमिथाय् वये, अले छिमित थ्‍व थासय् लित हये धयागु जिगु बचं पूवंके।

यर्मिया 31:28

गथे जिं इमित कुतः यानाः लिनाकया, क्‍वथलाबिया, वांछ्वयाबिया, नाश याना व ध्‍वस्‍त याना, अथे हे कुतः यानाः पी, सुसाःकुसाः याये अले ब्‍वलंके।” परमप्रभुं धयादी।

यर्मिया 31:4

हाकनं छकः जिं छिमित दय्‌के, हे कुमारी इस्राएल, छन्‍त हाकनं दय्‌कीगु जुइ। छ हाकनं भुस्‍या ज्‍वनाः लसता हनीपिंनापं प्‍याखं हुहुं पिहां वइ।

यर्मिया 32:37

स्‍व! जिं थःम्‍हं हे इमित छु छु देशय् तंमय्‌ जबरजस्‍ती पित छ्वयागु खः अनं इमित लित हयाः थ्‍व हे शहरय् मुंके। जिं इमित याउँक च्‍वनेबी।

यर्मिया 32:41

इमिगु भिं यायेगुलिइ हे जि लय्‌ताये, धात्‍थें हे जिं दुनुगलंनिसें न्‍ह्याबलेंयात इमित थ्‍व देशय् तये।

यर्मिया 33:7

जिं यहूदा व इस्राएलयात कैदं लित हये। जिं इमित हाकनं न्‍हापा थें हे दय्‌के।

यर्मिया 33:9

अले थुकिया निंतिं जिं यानागु फुक्‍क भिंगु भिंगु ज्‍याया बारे न्‍यनीपिं थ्‍व संसारया फुक्‍क जातितय्‌गु न्‍ह्यःने थ्‍व शहरं जितः नां, लसता व हनाबना हयाबी। जिं थुकिया लागि यानागु फुक्‍क भिंगु ज्‍याया बारे उपिं जातितय्‌सं न्‍यनी, अले जिं थुकियात बियागु गाक्‍क सुख शान्‍तिया कारणं इपिं ग्‍यानाः थुरथुर खाइ।’

यर्मिया 39:12

“थ्‍वयात धाःसा यंकाः बांलाक सुसाकुसा या। थ्‍वयागु छुं नं स्‍यंके मते। थ्‍वं छन्‍त धाःथें थ्‍वयागु लागि या।”

यर्मिया 42:10

‘छिपिं थ्‍व हे देशय् च्‍वन धाःसा जिं छिमित नाश याये मखु तर छिमित तयातये, जिं छिमित लिनाकाये मखु तर पी, छाय्‌धाःसा जिं छिमिगु छु स्‍यंकागु खः उकिया निंतिं जिगु नुगः ख्‍वः।

इजकिएल 36:24

“‘जिं जाति जातितपाखें छिमित पित हये। फुक्‍क देशं छिमित मुंके, अले छिमित छिमिगु थःगु हे देशय् लित हये।

आमोस 9:14

जिं थः मनू इस्राएलीतय्‌त ज्‍वना यंकूगु थासं लित हये। “भज्‍यंक नाश जुइ धुंकूगु शहरयात हाकनं इमिसं दय्‌कीतिनि, अले अन च्‍वनी। इमिसं दाखक्‍यबय् दाखमा पी अले दाखमद्य त्‍वनी। इमिसं क्‍यबय् फलया सिमात पी अले यक्‍व फलफुल नइ।

व्‍यवस्‍था 11:12

व देशयात परमप्रभु परमेश्‍वरं हे बिचाःसंचाः यानादी। दँया शुरुंनिसें लिपाथ्‍यंक हे परमप्रभु छिमि परमेश्‍वरं उकियात मदिक्‍क हे स्‍वयाच्‍वनादी।

१ पत्रुस 3:12

भिंगु ज्‍या याइपिन्‍त परमप्रभुं स्‍वयाच्‍वंगु दु, अले इमिगु प्रार्थना न्‍यनेत वय्‌कलं न्‍हाय्‌पं बियाच्‍वंगु दु, मभिंगु ज्‍या याइपिनिपाखें धाःसा वय्‌कः फस्‍वयादी।”