यर्मिया 24:3 - नेवाः बाइबल

³ परमप्रभुं जितः न्‍यनादिल, “अय् यर्मिया, छं छु खना?” जिं लिसः बिया, “जिं यःमरि खना, बांलाःगु यःमरि ला तसकं बांलाः, बांमलाःगु यःमरि धाःसा थुलि बांमलाः कि नये तक नं मज्‍यू थें च्‍वं।”

यर्मिया 24:3 ပူးပေါင်းရင်းမြစ်များ

यर्मिया 24:4

अले परमप्रभुया थ्‍व वचन जिथाय् वल,

यर्मिया 29:17

खः, दक्‍व शक्ति दुम्‍ह परमप्रभुं थथे धयादी, “जिं थःम्‍हं हे इमिथाय् तरवार, अनिकाल व महामारी छ्वये, अले जिं इमित नये तकं मज्‍यूगु ध्‍वग्‍गीगु यःमरि थें यानाबी।

आमोस 7:8

परमप्रभुं जितः धयादिल, “आमोस, छं छु खनाच्‍वना?” जिं लिसः बिया, “छगू का दुगु गँचा।” अले परमप्रभुं धयादिल, “स्‍व, जिं थः मनू इस्राएलीतय्‌गु दथुइ छगू का दुगु गँचा तयाबी। आः जिं इमित बाकि तये मखुत।

आमोस 8:2

वय्‌कलं जितः न्‍यनादिल, “आमोस, छं छु खनाच्‍वना?” जिं लिसः बिया, “पाके जूगु फलं जाःगु छगः दाला नयेत तयार दु।” अले परमप्रभुं जितः धयादिल, “जि थः प्रजा इस्राएलयात सजाँय बीत तयार दु। जिं इमिगु पापयात हाकनं मखंछु याये मखुत।”

जकरिया 4:2

वं जितः न्‍यन, “छं छु खना?” जिं लिसः बिया, “जिं छगू सेल्‍लाःगु लुँयागु त्‍वाःदेवा खना। उकिया च्‍वकाय् चिकं तइगु छगू तग्‍वःगु ख्‍वला दु। व ख्‍वलाया क्‍वय् चाकःछिं न्‍हय्‌गः पाल्‍चात दु। पाल्‍चातय् च्‍वय् मतया निंतिं न्‍हय्‌पु चिकं वइगु नली तयातःगु दु।

जकरिया 5:2

स्‍वर्गदूतं जितः न्‍यन, “छं छु खना?” जिं लिसः बिया, “जिं छगू थूतुलातःगु भ्‍वं खना। उकियागु हाकः ९ मिटर व ब्‍या ४.५ मिटर ति दु।”

१ शमूएल 9:9

(न्‍हापा न्‍हापा परमेश्‍वरनापं सल्‍लाह कायेमाल धाःसा इस्राएलय् थथे धायेगु चलन दु, “झीपिं लिपा जुइगु खँ धायेफुम्‍ह मनूयाथाय् वनेनु।” छाय्‌धाःसा थौंकन्‍हय्‌यापिं अगमवक्तायात उबलय् लिपा जुइगु खँ धायेफुम्‍ह मनू धकाः धाइगु खः।)