यर्मिया 23:9 - नेवाः बाइबल

⁹ अगमवक्तातय्‌गु बारे धाःसा जिगु नुगः पिच्‍याःगु दु। जिगु फुक्‍क क्‍वँय् थुरथुर खानाच्‍वंगु दु। परमप्रभु व वय्‌कःया पवित्र वचनया कारणं जि अय्‌लाखं काःम्‍ह मनू थें जूगु दु। दाखमद्यं काःम्‍ह मनू थें।

यर्मिया 23:9 ပူးပေါင်းရင်းမြစ်များ

भजनसंग्रहया सफू 60:3

छिं थः मनूतय्‌त तःधंगु दुःखकष्‍ट बियादिल अले जिमित अय्‌लाःगुलुत थें लिगिलिगि संकाबिल।

भजनसंग्रहया सफू 69:20

हेलां जिगु नुगः तज्‍यायेधुंकल। छम्‍हय्‌सिनं धकाः जितः हःपाः व लिधंसा ब्‍यू मवः।

यशैया 28:1

धिक्‍कार, एफ्राइमया अय्‌लाःगुलुतय्‌गु घमण्‍डया श्रीपेचयात! धिक्‍कार, सुकूगनावनीगु स्‍वांया श्रीपेचयात गुगु छकः तसकं बांलाःगु खः! थ्‍व शहर दाखमद्यं काःपिनिगु छगू यक्‍व सइगु ब्‍यासिया च्‍वय् पाखे लाः।

यशैया 29:9

अजू चा अले छक्‍क जु, मिखां मखनाः कां जु। त्‍वना हे जु तर दाखमद्यं मखु, धेधेचू तर अय्‌लाखं मखु।

यशैया 51:21

अथे जुयाः जिगु खँ न्‍यँ, छ दुःख सियाच्‍वंगु व अय्‌लाखं काःम्‍ह थें च्‍वं तर दाखमद्यं काःगु मखु।

यशैया 6:5

अले जिं धया, “धिक्‍कार जितः! जि नाश जुइन। छाय्‌धाःसा जिगु म्‍हुतुं पिहां वःगु फुक्‍क खँ अशुद्ध खः। अले जि अशुद्ध म्‍हुतु दुपिं मनूतलिसें च्‍वंच्‍वनागु दु। तर जिं थःगु हे मिखां दक्‍व शक्ति दुम्‍ह परमप्रभु जुजुयात खनागु दु।”

यर्मिया 20:9

तर “जिं वय्‌कःया खँ पिकाये मखु, जिं हाकनं गुबलें वय्‌कःया नामय् नवाये मखु” धकाः जिं धाल धाःसा वय्‌कःया वचन जिगु नुगलय् च्‍यानाच्‍वंगु व जिगु क्‍वँचय् कुनाच्‍वंगु मि थें जुइ। उकियात पँपं जितः त्‍यानुसे च्‍वनी। धात्‍थें जिं व सह याये मफु।

यर्मिया 36:16

वं व ब्‍वने धुंकाः इमिसं ग्‍यानाः छम्‍हय्‌सिनं मेम्‍हय्‌सित स्‍वल अले बारूकयात धाल, “थ्‍व खँ झीसं जुजुयात कने हे माः।”

यर्मिया 5:31

अगमवक्तातय्‌सं मखुगु अगमवाणी यानाच्‍वंगु दु, पुजाहारीतय्‌सं इमिगु थःगु हे अधिकारं शासन यानाच्‍वंगु दु, जिमि मनूतय्‌सं थथे जुइगु हे यय्‌की। तर लिपतय् छिमिसं छु यायेगु?”

यर्मिया 8:18

हे जितः दुःखबलय् सान्‍त्‍वना ब्‍यूपिं, जिगु नुगः दुने कमजोर जुयावंगु दु।

यर्मिया 9:1

जिगु छ्यं बुँगाःचा व जिगु मिखा ख्‍वबिया मुहान जूगु जूसा, स्‍याःपिं जिमि मनूतय्‌गु निंतिं जि चान्‍हि ख्‍वयाच्‍वनेगु।

विलाप 3:15

वय्‌कलं जितः खायुगु वासलं जाय्‌कादिल, अले पित्त त्‍वंकादिल।

इजकिएल 13:3

परमप्रभु परमेश्‍वरं थथे धयादी – छुं दर्शन मखंसां थःगु हे आत्‍माया खँया ल्‍यू वनीपिं मूर्ख अगमवक्तातय्‌त धिक्‍कार दु।

इजकिएल 9:4

अले वयात धयादिल, “यरूशलेम शहरया फुक्‍क थासय् वनाः अन याःगु फुक्‍क घच्‍चाइपुगु ज्‍याया निंतिं नुगः मछिंकुपिं व बिलाप याःपिं सकलें मनूतय्‌गु कपालय् छगू चिं ति!”

इजकिएल 9:6

बुरापिं मनूत, ल्‍याय्‌म्‍हपिं ल्‍यासेपिं, मिस्‍त व मस्‍त सकसितं स्‍यानाछ्व! तर कपालय् व चिं दुपिं सुयातं नं थी मते! जिगु पवित्रगु थासं हे शुरु या।” उकिं इमिसं देगःया न्‍ह्यःने दुपिं धर्म गुरुतपाखें हे थ्‍व ज्‍या शुरु यात।

दानिएल 8:27

अनंलि जितः तसकं त्‍यानुल, छुं न्‍हि तक जितः ल्‍वचं कयाच्‍वन। अनंलि जि दनाः जुजुया ज्‍याय् वना। अय्‌नं जिं खनागु दर्शनं यानाः जि छु याये छु याये जुल। थ्‍व जिं थुइके मफुत।

हबकूक 3:16

थ्‍व खँ जिं न्‍यनाबलय् जिगु नुगः तसकं थुरथुर खात, थ्‍व खँ जिं न्‍यनाबलय् जिगु म्‍हुतुसि थुरथुर खात, जिगु क्‍वँय्‌त दुने दुने मर्कय् जुल, अले जिगु तुति फ्‍यारर खात। अय्‌जूसां जिमित हमला याः वइपिं जात जातितय्‌त वइगु दुःखया दिंयात जिं धैर्य यानाः पियाच्‍वने।

रोमी 7:9

जि छकः ला व्‍यवस्‍था मसीकं म्‍वानाच्‍वने धुंकूम्‍ह मनू खः। गुबलय् आज्ञा सिल अबलय् पाप म्‍वात।