यर्मिया 23:39 - नेवाः बाइबल

³⁹ अथे जुयाः जिं धात्‍थें हे छिमित ल्‍वःमंके। अले जिं छिमित व छिमि पुर्खातय्‌त बियागु शहरनापं छिमित नं जिगु न्‍ह्यःनं पितिनाछ्वये।

यर्मिया 23:39 ပူးပေါင်းရင်းမြစ်များ

उत्‍पत्ति 4:16

अले व परमप्रभुया थासं पिहां वनाः अदनया पुर्बपाखे च्‍वंगु नोद धयागु देशय् च्‍वंवन।

उत्‍पत्ति 6:17

“छाय्‌धाःसा जिं पृथ्‍वीइ च्‍वंपिं फुक्‍कसित न्‍हंकेत खुसिबाः वय्‌के त्‍यनागु दु। पृथ्‍वीइ च्‍वंपिं फुक्‍कं सी।

२ राजा 23:27

परमप्रभुं धयादिल, “गथे जिं इस्राएलयात पितिनाछ्वया, अथे हे यहूदायात नं जिं जिगु न्‍ह्यःनं पितिनाछ्वये। अले जिं ल्‍ययागु यरूशलेम शहर अले उगु देगः, गुकियागु बारे जिं अन ‘जिगु नां दइ धकाः धयागु खः,’ उकिया विरोधय् जिं ल्‍हाः ल्‍ह्वने।”

भजनसंग्रहया सफू 51:11

जितः छिगु न्‍ह्यःनं तापाक तयादी मते, अले थःगु पवित्र आत्‍मायात जिपाखें लित यंकादी मते।

हितोपदेश 13:13

भिंगु सल्‍लाह मन्‍यंम्‍हय्‌सिनं दुःख सी माली, अले न्‍यंम्‍हय्‌सिनं सिरपाः कायेखनी।

यशैया 48:15

खः, धात्‍थें हे जिं थ्‍व धयागु खः। जिं वयात सःतागु दु। जिं वयात हये, अले व थःगु ज्‍याय् ताःलाइ।

यशैया 51:12

“छिमित सान्‍त्‍वना बीम्‍ह जि हे खः। सीनावनीपिं मनूतपाखें, घाँय् थें गनावनीपिं मनूतय् सन्‍तान खनाः छ छाय् ग्‍याये माःगु?

यर्मिया 12:7

“जिं जिमि मनूत इस्राएलयात त्‍वःताबी। जिगु सर्बय जिं वांछ्वयाबी। जितः यःम्‍हय्‌सित जिं वया शत्रुतय्‌गु ल्‍हातय् बी।

यर्मिया 23:33

“यर्मिया, थुपिं मनूतय्‌सं अथवा सुं अगमवक्ता वा सुं पुजाहारीं ‘परमप्रभुं आः छु अगमवाणी छिमित क्‍वबिकादीगु दु?’ धकाः छन्‍त न्‍यन धाःसा छं इमित थथे धा, ‘छ हे बोझ खः?’ परमप्रभुं धयादी, ‘वं छिमित त्‍वःताबी।’

यर्मिया 23:38

छं ‘परमप्रभुया अगमवाणी थ्‍व खः’ धकाः दाबी याःसां परमप्रभुं थथे धयादी – छिमिसं थ्‍व परमप्रभुया अगमवाणी खः धकाः दाबी याये मते धकाः जिं छिमित धाःसां छिमिसं ‘थ्‍व परमप्रभुया अगमवाणी’ धाल।

यर्मिया 35:17

“उकिं दक्‍व शक्ति दुम्‍ह परमप्रभु परमेश्‍वर, इस्राएलयाम्‍ह परमेश्‍वरं थथे धयादी, ‘स्‍व! जिं थम्‍हं हे यरूशलेम व यरूशलेमय् च्‍वंपिं सकसिके जिं धयागु विपत्ति हयेत्‍यनागु दु। जिं इमित धया, तर इमिसं मन्‍यन, जिं इमित सःता, तर इमिसं लिसः मब्‍यू।’”

यर्मिया 36:31

जिं वयात, वया सन्‍तान व वया भारदारतय्‌त इमिगु पापया लागि सजाँय बी। जिं इमिके व यरूशलेम व यहूदाय् च्‍वंपिन्‍के जिं इमिगु विरोधय् हये धयागु फुक्‍क नाश हये, छाय्‌धाःसा थ्‍व खँय् इमिसं ध्‍यान हे मब्‍यू।’”

यर्मिया 52:3

यरूशलेम व यहूदाय् जूगु घटनां परमप्रभुयात तंचाय्‌कूगुलिं वय्‌कलं इमित थःगु न्‍ह्यःनं पितिनाछ्वयादिल। सिदकियाहं बेबिलोनयाम्‍ह जुजुया विरोधय् विद्रोह यात।

यर्मिया 7:14

उकिं जिगु नां दुगु देगः, गुकी छिमिसं भलसा काःगु दु, गुगु जिं छिमित व छिमि पुर्खातय्‌त बियागु खः, थ्‍व थाय्‌यात आः जिं शीलोयात यानागु थें याये।

यर्मिया 7:15

जिं छिमि थःथितिपिं इस्राएलया मनूतय्‌त पितिनाछ्वयागु थें छिमित जिगु न्‍ह्यःनं पितिनाछ्वये।’”

विलाप 5:20

छाय् छिं जिमित ल्‍वमंकाः च्‍वनादियागु? छाय् छिं थुलिमछि ई तक जिमित त्‍वतादियागु?

इजकिएल 34:11

“‘परमप्रभु परमेश्‍वरं थथे धयादी – आः जिं थःम्‍हं हे जिम्‍ह फैतय्‌त मालाः इमित स्‍वये।

इजकिएल 34:20

“‘उकिं जि परमप्रभु परमेश्‍वरं इमित थथे धाये – स्‍व! जिं थःम्‍हं हे ल्‍ह्वंपिं ल्‍ह्वंपिं व गंसि गंसिपिं फैतय्‌गु दथुइ न्‍याय याये।

इजकिएल 5:8

“उकिं जि, परमप्रभु परमेश्‍वरं थथे धाये – हे यरूशलेम, जि हे छंगु विरोधय् दु, अले मेगु जातितय्‌गु न्‍ह्यःने हे जिं थःम्‍हं छन्‍त सजाँय बी।

इजकिएल 6:3

अले धा, ‘हे इस्राएलया पर्वतत, परमप्रभु परमेश्‍वरयागु थ्‍व वचन न्‍यँ! पर्वतत व डाँडात, खुसिचा व बेँसीतय्‌त परमप्रभु परमेश्‍वरं थथे धयादी – स्‍व, जिं थःम्‍हं हे छिमिथाय् लडाइँ हयेत्‍यनागु दु, अले जिं छिमि पुजा याइगु थाय्‌यात नाश याये।

इजकिएल 8:18

उकिं जिं नं इपिंलिसें तंमय्‌ ज्‍या याये। जिं इमित भचा नं दया याये मखु, त्‍वःते नं मखु। जिगु न्‍हाय्‌पनय् चिल्‍लाय् दनाः हाःसां जिं इमिगु खँ न्‍यने मखु।”

इजकिएल 9:6

बुरापिं मनूत, ल्‍याय्‌म्‍हपिं ल्‍यासेपिं, मिस्‍त व मस्‍त सकसितं स्‍यानाछ्व! तर कपालय् व चिं दुपिं सुयातं नं थी मते! जिगु पवित्रगु थासं हे शुरु या।” उकिं इमिसं देगःया न्‍ह्यःने दुपिं धर्म गुरुतपाखें हे थ्‍व ज्‍या शुरु यात।

होशे 4:6

जिमि प्रजा जिगु ज्ञान मदुगुलिं नाश जुल। “छिमिसं ज्ञानयात हेला याःगुलिं जिं नं छिमित थः पुजाहारीया ज्‍याय् तये मखु। छिमिसं थः परमेश्‍वरया ब्‍यवस्‍थायात त्‍वःतूगुलिं, जिं नं छिमि काय् म्‍ह्याय्‌पिन्‍त त्‍वःताबी।

होशे 5:14

छाय्‌धाःसा जि सिंहनं थें इस्राएल व यहूदाया मनूतय्‌त हय्‌काये। इमित कुचा कुचा यानाः जि थःगु लँय् वने, जिं इमित लुया यने, इमित बचय् याइपिं सुं नं दइ मखु।

लेवी 26:28

जि तंचायाः छिमिगु विरोधय् वने, अले छिमिगु पापया लागिं जिं छिमित हानं न्‍हय्‌दुगं अप्‍वः सजाँय बी।

मत्ती 25:41

“अले वं थःगु खव ल्‍हाःपाखे च्‍वंपिन्‍त थथे धाइ – ‘सराः बियातःपिं, छिपिं जिथाय् वये मते। शैतान व वया दूततय्‌त धकाः च्‍याकातःगु गुबलें मसीगु मिइ क्‍वब्‍वाः हुँ।

व्‍यवस्‍था 32:39

“जि छम्‍ह हे जक परमेश्‍वर खः। जि बाहेक मेम्‍ह सुं द्यः मदु। जिं हे मृत्‍यु बी, जिं हे जीवन बी। जिं घाः याये, जिं हे लाय्‌काबी, जिं यानागु ज्‍यायात सुनानं पने फइ मखु।

२ थेसलोनिकी 1:9

थुपिं प्रभुयागु तसकं बल्‍लाःगु जलं तापाक व प्रभुयागु ख्‍वाः तकं स्‍वये मखंक च्‍वनाच्‍वने माली। अले थुपिं सदांयात नाश जुयावनी।