यर्मिया 23:30 - नेवाः बाइबल

³⁰ “अथे जुया,” परमप्रभुं धयादी, “जि छम्‍हय्‌सिनं मेम्‍हय्‌सिगु वचन खुयाः जिगु वचन खः धकाः धयाजुइपिं अगमवक्तातय्‌गु विरोधय् दु।”

यर्मिया 23:30 ပူးပေါင်းရင်းမြစ်များ

भजनसंग्रहया सफू 34:16

मभिंगु ज्‍या याइपिनिपाखें धाःसा वय्‌कः फस्‍वयादी, अले इमिगु नां तक हे मल्‍यंक नाश यानादी।

यर्मिया 21:13

जि थः हे छंगु विरोधय् दु, अय् यरूशलेम, अय् थ्‍व ब्‍यासिया च्‍वय् च्‍वंपिं, ल्‍वहंया ल्‍वहं दुगु तज्‍जाःगु माथंवंगु थासय् च्‍वंपिं, जि, परमप्रभुं धाये, छिमिसं धाइ “सुनां जिमित हमला याये फइ? वा जिपिं च्‍वनेगु थासय् सु दुहां वये फइ?”

यर्मिया 23:31

परमप्रभुं धयादी, “स्‍व, जि थःगु खँयात ‘प्रभुं धयादीगु खः’ धकाः धाइपिं अगमवक्तातय्‌गु विरोधय् दु।

यर्मिया 44:11

“उकिं दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी – स्‍व, जि थः हे छिमिगु विरोधय् वनाः छिमित स्‍यंके, अले यहूदाय् मनूत छम्‍ह नं मदय्‌काबी।

यर्मिया 44:29

“परमप्रभुं धयादी, ‘छिमिगु विरोधय् स्‍यंकेगु जिगु वचन धात्‍थें हे पूरा जुइ धकाः छिमिसं सीमा धकाः जिं छिमित थ्‍व थासय् सजाँय बी। अले व हे छिमित चिं जुइ।’

इजकिएल 13:20

“‘उकिं परमप्रभु परमेश्‍वरं थथे धयादी – जि छिमिसं मनूतय्‌त झंगःतय्‌त थें जालय् लाकीगु छिमिगु जादुयागु जन्‍तरया विरोधय् दु। जिं छिमिगु ल्‍हातं व लाकाकाये। छिमिसं झंगःयात थें जालय् लाकूपिं मनूतय्‌त जिं त्‍वःतके।

इजकिएल 13:8

“‘उकिं परमप्रभु परमेश्‍वरं छिमित थथे धयादी – छिमिसं मखुगु खँ ल्‍हाःगुलिं व मखुगु दर्शन खंगुलिं जि छिमिगु विरोधय् दु, परमप्रभु परमेश्‍वरं धयादी।

इजकिएल 15:7

अले जिं थःगु ख्‍वाः इमिगु विरोधय् तये, इपिं मिं पिहां वःसां इमित मिं हे भस्‍म यानाबी। जिं थःगु ख्‍वाः इमिगु विरोधय् स्‍वय्‌केबलय् छिमिसं जि हे परमप्रभु खः धकाः सी।

लेवी 20:3

वं थः मचा मोलोखयात छाइबलय् जिगु पवित्र पालयात अशुद्ध याइ अले जिगु पवित्र नांयात क्‍वह्यंकी, अथे जुयाः जि थः हे वयागु विरोधय् वनाः वयात थः मनूतपाखें पितिनाछ्वये।

लेवी 26:17

जिं थःगु ख्‍वाः फस्‍वय्‌के। गुकें यानाः छिपिं शत्रुतय्‌गु ल्‍हातिं बुइ। छिमित हेपय् याइपिन्‍सं छिमित शासन याइ, सुनानं लिनाच्‍वंगु मदुसां छिपिं बिस्‍युं वनाच्‍वनी।

व्‍यवस्‍था 18:20

अय्‌नं जिं आज्ञा मबियागु वचन जिगु नामय् न्‍ववाइम्‍ह वा मेपिं द्यःतय्‌गु नामय् न्‍ववाइम्‍ह अगमवक्तायात स्‍याना छ्वयेमाः।”

व्‍यवस्‍था 29:20

परमप्रभुं वयात क्षमा बीत गुबलें यय्‌कादी मखु। वय्‌कःया तं व डाहा व मनूयाके लाइ। थ्‍व सफुलिइ च्‍वयातःगु फुक्‍क सराः वयात लाइ। अले परमप्रभुं वयागु नां पृथ्‍वीं हुयाछ्‌वयादी।

१ पत्रुस 3:12

भिंगु ज्‍या याइपिन्‍त परमप्रभुं स्‍वयाच्‍वंगु दु, अले इमिगु प्रार्थना न्‍यनेत वय्‌कलं न्‍हाय्‌पं बियाच्‍वंगु दु, मभिंगु ज्‍या याइपिनिपाखें धाःसा वय्‌कः फस्‍वयादी।”