यर्मिया 23:17 - नेवाः बाइबल

¹⁷ जितः हेला याइपिन्‍त इमिसं थथे धयाच्‍वनीगु, ‘छिमित शान्‍ति दइ धकाः परमप्रभुं धयादीगु दु,’ अले थःगु हे मनयागु बिचाःकथं जुइपिं सकसितं थुमिसं थथे धाइगु, ‘छिमित छुं जुइ मखु।’”

यर्मिया 23:17 ပူးပေါင်းရင်းမြစ်များ

२ शमूएल 12:10

छं जितः क्‍वह्यंकूगुलिं व हित्ती उरियाहया कलाःयात छं थः कलाः यायेत यंकूगुलिं छिमि परिवारं गुबलय् नं तरवारपाखें आराम कायेखनि मखु।’”

यशैया 30:10

दर्शन खनीपिन्‍त इमिसं धाइ, “आः थनिंनिसें दर्शन मखनेमा!” इमिसं अगमवक्तातय्‌त धाइ, “जिमित खःगु खँया दर्शन कने मते!” “जिमित यःगु खँ जक धा, मखुगु अगमवाणी कँ!

यशैया 57:21

“मभिंपिन्‍त शान्‍ति दइ मखु” धकाः जिमि परमेश्‍वरं धयादी।

यर्मिया 13:10

थुपिं जिगु खँ न्‍यनी मखुपिं व थथःगु नुगलय् जिराहा जुयाः मेपिं द्यःतय्‌गु सेवा व पुजा याइपिं मभिंपिं मनूत खः। थुपिं थ्‍व ज्‍यालगय् मजुइधुंकूगु जनी थें जुइ।

यर्मिया 18:12

अय्‌नं इमिसं धाइ, ‘जिमित मतलब मदु! जिपिं ला थःगु हे मनसुवाः कथं वनाच्‍वने, जिपिं सकलें थःगु जिराहा मनया ल्‍यू वना हे च्‍वने।’”

यर्मिया 18:18

अले इमिसं धाल, “वा! झीसं यर्मियाया विरोधय् ग्‍वसाः ग्‍वयेनु। झीत स्‍यनीपिं पुजाहारी, सल्‍लाह बीपिं बुद्धि दुपिं मनूत व पमेश्‍वरया वचन न्‍यंकीपिं अगमवक्तात कम जुइ मखु। झीसं थःगु वचनं यर्मियायात हमला यायेनु अले वं धाःगु छुं नं खँय् ध्‍यान बी मते।”

यर्मिया 3:17

उबलय् यरूशलेमयात ‘परमप्रभुया सिंहासन’ धाइ। अले फुक्‍क जातित व हे यरूशलेमय् जिगु नांयात इज्‍जत यायेत मुनेगु याइ। अले इपिं जिराहा जुयाः थःगु मनया मभिंगु खँया ल्‍यू गुबलें जुइ मखु।

यर्मिया 4:10

अले जिं धया, “हाय! परमप्रभु परमेश्‍वर, छिं छन्‍त शान्‍ति दइ धकाः धयाः यरूशलेमयापिं मनूतय्‌त ध्‍वंलाःगु दु। छाय्‌धाःसा जिमिगु गःपतय् तरवार तःगु दु।”

यर्मिया 5:12

इमिसं परमप्रभुया बारे मखुगु खँ धाःगु दु। इमिसं धाल, “वय्‌कलं छुं यानादी मखु। झीत छुं जुइ मखु। झीसं गुबलें तरवार व अनिकाल खनी मखु।

यर्मिया 6:14

जि प्रजाया घालय् इमिसं तच्‍वःगु घाः मखु थें यानाः पट्टी चिनाब्‍यूगु दु। शान्‍ति ला द हे मदुसां इमिसं ‘शान्‍ति, शान्‍ति’ धाइगु।

यर्मिया 7:24

“तर इमिसं जिगु खँ मन्‍यं, उकी ध्‍यान मब्‍यू। उकिया पलेसा इमिसं थःगु जिराहा व मभिंगु इच्‍छा कथं ज्‍या याना जुल। इपिं लिज्‍यात, न्‍ह्यमज्‍याः।

यर्मिया 8:11

जि प्रजाया घालय् इमिसं तच्‍वःगु घाः मखु थें यानाः पट्टी चिनाब्‍यूगु दु। शान्‍ति ला द हे मदुसां इमिसं “शान्‍ति, शान्‍ति” धाइगु।

यर्मिया 9:14

उकिया पलेसा इपिं जिराहा जुयाः इमि पुर्खातय्‌सं स्‍यं थें बालद्यःया ल्‍यूल्‍यू वंगु दु।”

विलाप 2:14

छंगु अगमवक्तातय्‌सं खंगु दर्शनत सत्‍य मखुगु व छुं हे मूं मवंगु खः। इमिसं छंगु अधर्म क्‍यना मब्‍यू, मखुसा छन्‍त ज्‍वनाः बेबिलोनय् मयंकीगु। इमिसं छंगु निंतिं खंगु दर्शन सत्‍य मखुगु व अलमल यायेत जक खः।

इजकिएल 13:10

“‘छाय्‌धाःसा शान्‍ति मदुबलय् नं जिमि मनूतय्‌त “शान्‍ति दु” धकाः धयाः इमिसं मखुगु लँय् यंकूगु दु। अले मनूतय्‌सं तसकं बमलाःगु पःखाः दय्‌कूबलय् थुपिं अगमवक्तातय्‌सं उकियात सख्‍वाः पानाः त्‍वपुयाब्‍यूगु दु।

इजकिएल 13:19

छिमिसं छम्‍हू निम्‍हु तछ्व व छपा निपा मरिया निंतिं जिमि प्रजाया न्‍ह्यःने जितः हेला यात। मखुगु खँ न्‍यनीपिं जिमि प्रजायात मखुगु खँ ल्‍हानाः सीम्‍वाःपिं मनूतय्‌त छिमिसं स्‍यात। म्‍वायेम्‍वाःपिं मनूतय्‌त धाःसा छिमिसं बचय् याना तल।

इजकिएल 13:22

छिमिसं मखुगु खँ ल्‍हानाः धर्मीतय्‌त निराश यात, तर जितः इपिं निराश जूगु मयः। छिमिसं दुष्‍टतय्‌त थःगु मभिंगु पहःचहः मत्‍वःतेत हःपाः बिल, इमिसं मभिंगु पहःचहः त्‍वःतूगु जूसा इमिगु प्राण बचय् जुइगु।

आमोस 9:10

दुःखकष्‍ट जिमिथाय् वइ मखु, ‘जिमित छुं मभिं जुइ मखु’ धाइपिं जि प्रजा मध्‍येयापिं फुक्‍क पापीतय्‌त तरवारं स्‍याइ।

मीका 2:11

सुं मखुगु खँ ल्‍हाइम्‍ह व ध्‍वंलाइम्‍ह मनुखं ‘जिं छंगु लागि यक्‍व दाखमद्य व अय्‌लाःया लागि अगमवाणी याये’ धकाः धाल धाःसा अज्‍याःम्‍ह अगमवक्तायात हे थुपिं मनूतय्‌सं यय्‌की।

मीका 3:11

अनच्‍वंपिं नायःतय्‌सं घुस कयाः न्‍याय याइ। अन च्‍वंपिं पुजाहारीतय्‌सं ज्‍याला कयाः स्‍यनी। अले अगमवक्तातय्‌सं धिबाया लागि अगमवाणी याइ। अथे जूसां इमिसं परमप्रभुयाके भलसा कयाः थथे धाइ “परमप्रभु झीगु दथुइ च्‍वनादीगु दु, झीत मभिं जुइ मखु।”

मीका 3:5

परमप्रभुं थथे धयादी, “जिमि प्रजायात मभिंगु लँपुइ यंकीपिं अगमवक्तातय्‌त सुनानं नयेत ब्‍यूसा इमिसं ‘शान्‍ति शान्‍ति’ धकाः हाला हइ। वं नयेत मबिल धाःसा वयागु विरोधय् ल्‍वाःवनेत इपिं तयार जुइ।

सपन्‍याह 1:12

उबले मत च्‍याकाः जिं यरूशलेमयात माले, अले याउँक च्‍वनाच्‍वंपिन्‍त, कः जुयाच्‍वंगु दाखमद्य थें जुयाच्‍वंपिन्‍त सजाँय बी, अले ‘परमप्रभुं भिं व मभिं छुं नं याइ मखु’ धकाः बिचाः याइपिन्‍त जिं सजाँय बी।

जकरिया 10:2

मूर्तितय्‌सं ध्‍वंलाइगु खँ ल्‍हाइ, तन्‍त्रमन्‍त्र याइपिन्‍सं मखुगु दर्शन खनी। म्‍हगसया अर्थ कनीपिन्‍सं सान्‍त्‍वना मबीगु मखुगु खँ ल्‍हाइ। उकिं जिमि मनूत तंपिं फैत थें उखेलाः थुखेलाः मदइ। जवाः मदयाः इमिसं दुःख सी।

मलाकी 1:6

“काय्‌नं बौयात व दासं थः मालिकयात इज्‍जत याइ। जि छिमि बौ खःसा छिमिसं छाय् जितः इज्‍जत मयानागु? जि छिमि मालिक खःसा छाय् जितः हनाबना मयानागु?” दक्‍व शक्ति दुम्‍ह परमप्रभुं छिमित थ्‍व खँ धयादी, “हे पुजाहारीत, छिमिसं जिगु नांयात क्‍वह्यंकूगु दु। “छिमिसं धाःसा थथे धाइ, ‘जिमिसं गुकथं छिगु नांयात क्‍वह्यंकागु दु?’

गन्‍ती 11:20

अले छिमिगु न्‍हासं पिहां मवतले व छिपिं वाक्‍क मजुतले लच्‍छि यंकं नइ। छाय्‌धाःसा छिमिसं थःपिनि दथुइ दुम्‍ह परमप्रभुयात त्‍वःताः वय्‌कःया न्‍ह्यःने “जिपिं मिश्र त्‍वःताः मवःसां ज्‍यूगु” धकाः ख्‍वयाजुल।’”

लूका 10:16

थुलि धयादी धुंकाः वय्‌कलं चेलातय्‌त धयादिल – “छिमिगु खँ न्‍यंपिन्‍सं जिगु हे खँ न्‍यंगुति ग्‍यनी। अले छिमित मयःगु जितः मयःगुति हे ग्‍यनी। अले जितः मयःगु ला जितः छ्वया हःम्‍हय्‌सित मयःगुति हे ग्‍यनी।”

व्‍यवस्‍था 29:18

परमप्रभु झी परमेश्‍वरपाखें फहिलाः उपिं जातिया द्यःतय्‌त पुजा यायेगु मनदुपिं सुं मिजं वा मिसा, वंश वा कुल छिमिगु दथुइ मदु धइगु खँ पक्‍का या। होश या! थज्‍याःगु खायुगु बिख दय्‌कीगु छुं हा छिमिगु दथुइ मदयेमाः।

व्‍यवस्‍था 29:19

थ्‍व बाचाया वचन व सुवाः न्‍यंपिं मनूतय् दथुइ “जि जिद्दी जुयाः थःगु हे लँपुइ वनाच्‍वंसां नं बचय् जुयाच्‍वनी” धकाः बिचाः याइम्‍ह सुं मनू मदयेमाः। थज्‍याःगु बिचारं लखं लाःगु जमिनय् व गंगु जमिनय् विपत्ति हइ।

१ थेसलोनिकी 4:8

उकिं सुनां थ्‍व खँ न्‍यनी मखु वं मनूयागु मखु, बरु छिमित पवित्र आत्‍मा बियादीम्‍ह परमेश्‍वरयागु हे खँ मन्‍यंगु जुइ।

१ शमूएल 2:30

“अथे जुयाः इस्राएलया परमप्रभु परमेश्‍वरं धयादी, ‘छिमि पुर्खां व छिमि परिवारं न्‍ह्याबलें जिगु न्‍ह्यःने सेवा यायेमा धकाः धयागु खः। तर परमप्रभुं थथे धयादी, थथे जुइ हे मज्‍यूगु खः। जितः हनाबना याइपिन्‍त जिं हनाबना याये अले जितः हेला याइपिन्‍त जिं नं हेला याये।