यर्मिया 23:15 - नेवाः बाइबल

¹⁵ उकिं उपिं अगमवक्तातय्‌गु बारे दक्‍व शक्ति दुम्‍ह परमप्रभुं थथे धयादी, “जिं थःम्‍हं हे इमित खायुगु नसा नके अले त्‍वनेत बिख दुगु लः बी। छाय्‌धाःसा यरूशलेमयापिं अगमवक्तातय्‌सं यानाः देश न्‍यंकयापिं मनूत दुष्‍ट जूगु दु।”

यर्मिया 23:15 ပူးပေါင်းရင်းမြစ်များ

भजनसंग्रहया सफू 69:21

नये पित्‍याःबलय् इमिसं जितः बिख नकेहल। प्‍याःचाःबलय् इमिसं जितः चुपाउँ त्‍वंकेहल।

यर्मिया 14:15

उकिं, जिगु नामय् अगमवाणी याइपिं अगमवक्तातय्‌गु बारे जि परमप्रभुं थथे धाये – जिं इमित छ्वयागु मखु। अय्‌नं इमिसं, ‘थ्‍व देशयात गुगुं तरवार वा अनिकालं थी मखु,’ धकाः धयाच्‍वंगु दु। उपिं अगमवक्तात हे तरवार व अनिकालं नाश जुइ।

यर्मिया 8:14

यहूदाया मनूतय्‌सं थथे धाइ, झीपिं थन छाय् सुम्‍क च्‍वंच्‍वनागु? छथाय् मुनेनु। झीपिं छचाःखेरं पःखाः ग्‍वयातःगु शहरय् दुहां वनेनु, अले अन नाश जुयेनु। छाय्‌धाःसा परमप्रभु झी परमेश्‍वरं झी नाश जुइ धकाः धयादीगु दु। अले त्‍वनेत झीत बिख दुगु लः बियादीगु दु। छाय्‌धाःसा झीसं वय्‌कःया विरोधय् पाप यानागु दु।

यर्मिया 9:14

उकिया पलेसा इपिं जिराहा जुयाः इमि पुर्खातय्‌सं स्‍यं थें बालद्यःया ल्‍यूल्‍यू वंगु दु।”

यर्मिया 9:15

उकिं दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, “स्‍व, जिं थःम्‍हं हे जिमि प्रजायात नयेत खायुगु नसा व त्‍वनेत बिख बी।

विलाप 3:15

वय्‌कलं जितः खायुगु वासलं जाय्‌कादिल, अले पित्त त्‍वंकादिल।

विलाप 3:19

खाइसेच्‍वंगु व पित्त, जिगु दुःख व थुखे उखे चाचाःहिला जुयागु जिं लुमंका च्‍वना।

विलाप 3:5

वय्‌कलं जितः दुःख व कष्‍टं घेरय् यानाः कुनादीगु दु।

जकरिया 13:2

“उखुन्‍हु हे जिं देशं मूर्तितय्‌गु नां तक हे ल्‍यं मदय्‌क हुयाछ्वये। अले इमिगु लुमन्‍ति तक हे दइ मखु। फताहा अगमवक्तातय्‌त व अशुद्ध आत्‍मायात नं जिं देशं पितिनाछ्वये धकाः दक्‍व शक्ति दुम्‍ह परमप्रभुं धयादी।

मत्ती 27:34

अन थ्‍यंकाः इमिसं वय्‌कःयात स्‍याःमचाइगु वासः ल्‍वाकछ्यानाः दाखमद्य त्‍वंकल। वय्‌कलं उकियागु सवाः जक कयाः त्‍वना मदी।

व्‍यवस्‍था 29:18

परमप्रभु झी परमेश्‍वरपाखें फहिलाः उपिं जातिया द्यःतय्‌त पुजा यायेगु मनदुपिं सुं मिजं वा मिसा, वंश वा कुल छिमिगु दथुइ मदु धइगु खँ पक्‍का या। होश या! थज्‍याःगु खायुगु बिख दय्‌कीगु छुं हा छिमिगु दथुइ मदयेमाः।

प्रकाश 8:11

थ्‍व नगुयागु नां “खायु” खः। अले थुकिं यानाः स्‍वब्‍वय् छब्‍व लः खाइसे च्‍वना वन। थथे लः खाइसे च्‍वना वंगुलिं व लखं यानाः यक्‍व हे मनूत सित।