यर्मिया 23:13 - नेवाः बाइबल

¹³ “सामरियायापिं अगमवक्तातय्‌के जिं छगू घच्‍चाइपुगु खँ खना। इमिसं बालद्यःया नामय् अगमवाणी ल्‍हात अले जि प्रजायात मखुगु लँय् यंकल।

यर्मिया 23:13 ပူးပေါင်းရင်းမြစ်များ

१ राजा 18:40

एलियां इमित धाल, “बालया अगमवक्तातय्‌त ज्‍वँ, इपिं छम्‍हय्‌सित नं त्‍वःते मते।” मनूतय्‌सं इमित ज्‍वन। अले एलियां इमित क्‍वय् कीशोन खुसिइ यंकाः स्‍यात।

२ इतिहास 33:9

अथेजूसां मनश्‍शें यहूदायापिं मनूतय्‌त ततःधंगु पाप याकल। उपिं पाप परमप्रभुं इस्राएलीतय् न्‍ह्यःनं लिनाछ्वःपिं जातितय्‌गु पाप स्‍वयाः तःधं।

यशैया 9:16

थुपिं मनूतय् नायःतय्‌सं इमित मखुगु लँय् यंकूगु दु अले इमित इतिमिति कंका ब्‍यूगु दु।

यर्मिया 2:8

‘परमप्रभु गन दी?’ धकाः पुजाहारीतय्‌सं मन्‍यं। व्‍यवस्‍था स्‍यनीपिन्‍सं नं जितः म्‍हमसील। शासकतय्‌सं नं जिलिसें विद्रोह यात, अगमवक्तातय्‌सं बालद्यःया नामय् अगमवाणी ल्‍हात अले ज्‍यालगे मजूपिं मूर्तितय्‌त पुजा यात।

यर्मिया 23:32

परमप्रभुं धयादी, स्‍व, जि मखुगु म्‍हगसयात कनाजुइपिं अगमवक्तातय्‌गु विरोधय् दु। इमित जिं छ्वयाहयागु नं मखु, ल्‍ययागु नं मखु। अय्‌नं इमिसं व म्‍हगस जि प्रजायात धयाः इमित अलमलय् यानाबी। इमिसं थुपिं मनूतय्‌त भचा नं फाइदा बी मखु,” परमप्रभुं धयादी।

यर्मिया 36:2

“छथू थूतुलातःगु भ्‍वँ कयाः उकी इस्राएल, यहूदा व मेगु फुक्‍क जातिया बारे जिं छन्‍त धयागु फुक्‍क खँ च्‍व। योशियाह जुजुया पालय् जिं छलिसें खँ ल्‍हानागु दिनंनिसें थौं तक जिं छु छु धया, व फुक्‍क खँ च्‍व।

होशे 4:11

वेश्‍या ज्‍याय् मन बीत, दाखमद्य व न्‍हूगु दाखमद्यं यानाः जिमि मनूतय्‌गु दुग्‍यां मदया वःगु दु।

होशे 4:12

इमिसं थःगु सिँया मूर्तिनापं सल्‍लाह काइ, इमिसं सिँया कथिं लिसः काइ, वेश्‍या ज्‍या याइगु आत्‍मां मखुगु लँय् यंकी, अले इपिं परमेश्‍वर प्रति विश्‍वास यायेबहः जुइ मखु।

मीका 1:5

थुपिं फुक्‍व याकूबया अपराध व इस्राएलया घरानाया पापया कारणं जूगु खः। याकूबया अपराध छु खः लय्? छु व सामरिया मखु ला? यहूदाया द्यःपुजा याइगु थाय् गन दु? छु व यरूशलेम मखु ला?