यर्मिया 23:11 - नेवाः बाइबल

¹¹ “अगमवक्तात व पुजाहारीत तक नं परमेश्‍वरयात मानय् मयाइपिं जूगु दु। जिगु थःगु हे देगलय् नं इमिसं मभिंगु ज्‍या याःगु जिं लुइकागु दु,” परमप्रभुं धयादी।

यर्मिया 23:11 ပူးပေါင်းရင်းမြစ်များ

२ इतिहास 33:5

देगःया निगुलिं चुकय् वं आकाशया सूर्य, तिमिला, नगु व ग्रहयात पुजा याइगु वेदीत दय्‌कल।

२ इतिहास 33:7

वं देगलय् छगू मूर्ति तल, उगु देगःया बारे परमप्रभुं दाऊद व वया काय् सोलोमनयात थथे धयादीगु खः, “जिं इस्राएलया फुक्‍क कुलपाखें ल्‍ययागु थ्‍व देगः व यरूशलेमय् जिं न्‍ह्याबलेंया निंतिं जिगु नां तये।

२ इतिहास 36:14

पुजाहारीतय् फुक्‍क नायःत व मनूतय्‌सं नं मेमेगु जातिं याःगु थें घच्‍चायापुगु ज्‍या यानाः झन विश्‍वासघात यात। इमिसं परमप्रभुं थःम्‍हं हे यरूशलेमय् शुद्ध यानादीगु देगःयात अशुद्ध यात।

एज्रा 10:18

विदेशी मिस्‍त ब्‍याहा याःपिं पुजाहारी परिवारं – योसादाकया काय् येशूअ व वया दाजुकिजापिनि परिवारं – मासेयाह, एजीएजर, यारीब व गदल्‍याह खः।

यर्मिया 11:15

“जिम्‍ह प्रियया जिगु देगलय् छु ज्‍या दु? वं ला यक्‍वनापं याये मत्‍यःगु ज्‍या याःगु दु। छु भाकल व बलिदानया लां छिमिगु सजाँययात तापाक तये फइ ला? छिमिसं मभिंगु ज्‍या याइबलय् छिपिं लय्‌ताइ।”

यर्मिया 23:15

उकिं उपिं अगमवक्तातय्‌गु बारे दक्‍व शक्ति दुम्‍ह परमप्रभुं थथे धयादी, “जिं थःम्‍हं हे इमित खायुगु नसा नके अले त्‍वनेत बिख दुगु लः बी। छाय्‌धाःसा यरूशलेमयापिं अगमवक्तातय्‌सं यानाः देश न्‍यंकयापिं मनूत दुष्‍ट जूगु दु।”

यर्मिया 32:34

इमिसं जिगु नां दुगु देगलय् थःगु घच्‍चाइपुगु मूर्तित थनाः उकियात अपवित्र यात।

यर्मिया 5:31

अगमवक्तातय्‌सं मखुगु अगमवाणी यानाच्‍वंगु दु, पुजाहारीतय्‌सं इमिगु थःगु हे अधिकारं शासन यानाच्‍वंगु दु, जिमि मनूतय्‌सं थथे जुइगु हे यय्‌की। तर लिपतय् छिमिसं छु यायेगु?”

यर्मिया 50:6

“जिम्‍ह प्रजा तंपिं फैत थें जूगु दु। इमि जवाःतय्‌सं इमित मखुगु लँय् यंकूगु दु। अले पहाड पहाडय् मखुगु लँय् वंके ब्‍यूगु दु। डाँडा डाँडाय् व पहाड पहाडय् चाःह्यु वँवं इमिसं थः च्‍वनीगु थाय्‌यात ल्‍वःमंकल।

यर्मिया 6:13

“दक्‍कलय् चिधंम्‍हंनिसें दक्‍कलय् तःधंम्‍ह तक फुक्‍कं लोभी जूगु दु। अगमवक्तात व पुजाहारीत सकसिनं ध्‍वंलायेगु ज्‍या याइगु।

यर्मिया 7:30

“यहूदायापिं मनूतय्‌सं जिगु मिखाय् मभिंगु ज्‍या याःगु दु, परमप्रभुं धयादी। जितः तसकं मयःगु मूर्तित इमिसं जिगु नां दुगु देगलय् तयातःगु दु अले देगःयात अशुद्ध यानाब्‍यूगु दु।

यर्मिया 8:10

छाय्‌धाःसा जिं इमि कलाःपिं मेपिं मनूतय्‌त व इमिगु बुँ न्‍हूपिं मालिकतय्‌त बी। दक्‍कलय् चिधंम्‍हंनिसें दक्‍कलय् तःधंम्‍ह तक फुक्‍कं लोभी जूगु दु। अगमवक्तात व पुजाहारीत सकसिनं ध्‍वंलायेगु ज्‍या याइगु।

विलाप 2:20

“स्‍वयादिसँ! हे परमप्रभु, बिचाः यानादिसँ! सुयात छिं थज्‍याःगु दुःखकष्‍ट बियादीगु दु धकाः? छु मिसातय्‌सं थःगु गर्भया फल, व थःम्‍हं बुइका तःपिं मस्‍तय्‌गु ला नयेगु ला? छु पुजाहारीत व अगमवक्तात परमप्रभुया पवित्र देगलय् हे स्‍याइगु?

इजकिएल 23:39

इमिसं थःकाय् म्‍ह्याय्‌पिन्‍त इमिगु मूर्तितय्‌गु निंतिं बलि छाःगु दिनय् हे इपिं जिगु पवित्रथाय् दुने दुहां वल, अले उकियात अपवित्र यात। इमिसं जिगु देगलय् थज्‍याःगु हे ज्‍या यात।

इजकिएल 44:10

“‘इस्राएलीत मखुगु लँय् वंगु दिनंनिसें जिपाखें तापाना वंपिं लेवीतय्‌सं व जितः त्‍वःताः थःगु मूर्तिया ल्‍यूल्‍यू जुया जूपिं लेवीतय्‌सं थःगु पापया सजाँय फये हे माः।

इजकिएल 7:20

इपिं थःगु बांबांलाःगु तिसाय् तःधं छुल अले उकिं इमिसं घच्‍चाइपुगु मूर्तित व क्‍वह्यंगु झ्‍वातात दय्‌कल। अथे जुयाः जिं थुपिं चिजयात इमिगु निंतिं घच्‍चाइपुगु यानाबी।

इजकिएल 8:11

अन मूर्तितय्‌गु न्‍ह्यःने इस्राएलयापिं न्‍हयेम्‍ह धर्मगुरुत दनाच्‍वंगु दु। शापानया काय् याजन्‍याह नं इमिगु दथुइ दनाच्‍वंगु दु। थुपिं सकलें धर्म गुरुतय्‌गु ल्‍हातय् छगः छगः गुँगू मकः दु। गुँगूया मकलं गुँगूया नस्‍वाःगु कुँत्‍याः च्‍वय् थाहां वयाच्‍वंगु दु।

इजकिएल 8:16

अले वय्‌कलं जितः परमप्रभुया देगःयागु दुनेया चुकय् हयादिल। अन वेदी व दलानया दथुइ देगःया ध्‍वाखाय् नीन्‍याम्‍ह ति मनू दु। थःगु जँधू परमप्रभुया देगःपाखे व ख्‍वाः धाःसा पुर्बपाखे स्‍वय्‌काः इमिसं पुर्बपाखे दुगु सूर्ययात भागि यानाच्‍वंगु दु।

सपन्‍याह 3:3

वया नायःतय्‌त गर्जे जुइपिं सिंहत खः। वया न्‍यायकर्तात गुँखिचात खः गुपिन्‍सं कन्‍हय् सुथय् तक छुं ल्‍यं तइ मखु।

सपन्‍याह 3:4

इमि अगमवक्तात तःधंछुया जुइपिं व विश्‍वास याये बहःमजूपिं खः। इपिं पुजाहारीतय्‌सं पवित्रगु थाय्‌यात अशुद्ध याःगु दु। इमिसं परमेश्‍वरया व्‍यवस्‍थायात उल्‍टापाल्‍टा यानाः ब्‍यूगु दु।