यर्मिया 22:9 - नेवाः बाइबल

⁹ अले मनूतय्‌सं धाइ, ‘इमिसं थः परमप्रभु परमेश्‍वरया बाचा त्‍वाथुलाः मेपिं द्यःतय्‌त पुजा व सेवा याःगुलिं थथे जूगु खः।’”

यर्मिया 22:9 ပူးပေါင်းရင်းမြစ်များ

१ राजा 9:8

आः थ्‍व देगः ल्‍वहंया द्वं जुइ, थ्‍व देगःयागु न्‍ह्यःनें वनीपिं सकलें थ्‍व खनाः थारान्‍हुइ अले इमिसं थथे धाइ, ‘छाय् परमप्रभुं थ्‍व देशयात व थ्‍व देगःयात थथे यानादीगु जुइ?’

२ राजा 22:17

इमिसं जितः त्‍वःतूगु दु, मेपिं द्यःतय्‌गु न्‍ह्यःने धुपाँय् च्‍याकूगु दु। अले थःगु हे ल्‍हातं दय्‌कूगु मूर्तितपाखें जितः तंचाय्‌कूगु दु। उकिं थ्‍व थाय्‌या विरोधय् जितः तं पिहां वःगु दु। अले व क्‍वलाइ मखु।’

२ इतिहास 34:25

इमिसं जितः त्‍वःतूगु दु, मेपिं द्यःतय्‌गु निंतिं धुपाँय् च्‍याकल, इमिसं थःगु हे ल्‍हातं दय्‌कूगु मूर्तितपाखें जितः तंचाय्‌कूगु दु। उकिं जिं थ्‍व थासय् जिगु तं प्‍वंके। व क्‍वलाइ मखु।’”

यर्मिया 11:10

जिं धयागु खँ मन्‍यंपिं इमि तापाःबाज्‍यापिन्‍सं थें पाप यानाः इमिसं मेपिं द्यःत पुजा याःगु दु अले इमिगु ल्‍यू वंगु दु। इस्राएल व यहूदाया मनूतय्‌सं जिं इमि तापाःबाज्‍यापिंलिसें चिनागु बाचायात त्‍वथूगु दु।

यर्मिया 11:3

छं इमित धा, परमप्रभु इस्राएलयाम्‍ह परमेश्‍वरं थथे धयादी – ‘थ्‍व बाचाया शर्त मानय् मयाइपिं मनूतय्‌त सराः लायेमा।

यर्मिया 16:11

अबलय् छं इमित थथे धा, ‘छिमि तापाःबाज्‍यापिन्‍सं जितः त्‍वःताः मेपिं द्यःतय्‌त पुजा यात अले सेवा यात,’ परमप्रभुं धयादी। ‘इमिसं जिगु व्‍यवस्‍था पालन मयाः।

यर्मिया 50:7

इमित नापलाकूपिन्‍सं इमित नयाबिल। इमि शत्रुतय्‌सं धाल, ‘थुकी जिमिगु छुं दोष मदु, छाय्‌धाःसा इमिसं इमिगु खःगु च्‍वनेगु थाय् परमप्रभु, इमि पुर्खातय्‌गु आशा, परमप्रभुया विरोधय् पापयात।’

यर्मिया 9:13

परमप्रभुं धयादिल, “छाय्‌धाःसा इमिसं जिं इमिगु न्‍ह्यःने तयाबियागु जिगु व्‍यवस्‍थायात त्‍वःतल। इमिसं जिगु खँ न्‍यंगु मदु अले इपिं जिगु व्‍यवस्‍थाकथं जूगु मदु।

इजकिएल 12:16

तर जिं इपिं मध्‍ये गुलिंसित तरवार, अनिकाल व महामारीपाखें बचय् याये, अले इपिं गन गन वनी अनया जात जातितय्‌गु दथुइ इमिसं थःम्‍हं यानागु ज्‍या घच्‍चाइपुगु खः धकाः स्‍वीकार याइ, अले इमिसं जि हे परमप्रभु खः धकाः सी।”

इजकिएल 14:23

इमिगु पहः व ज्‍या खनाः छिमित सान्‍त्‍वना दइ, छाय्‌धाःसा जिं अन छु छु याना, जिं अथें याःगु मखु धकाः छिमिसं सी, परमप्रभु परमेश्‍वरं धयादी।”

इजकिएल 39:23

अले जात जातितय्‌सं इस्राएलयापिं मनूतय्‌त इमिगु थःगु पापं यानाः ज्‍वना यंकूगु खः धकाः सी, छाय्‌धाःसा इमिसं जितः विश्‍वासघात यात। उकिं जिं इपिंपाखें थःगु ख्‍वाः फस्‍वय्‌का, इमित इमि शत्रुतय्‌गु ल्‍हातय् लःल्‍हानाबिया, इपिं सकलें लडाइँलय् सित।

इजकिएल 5:15

जिगु तं व झ्‍वँक छंके लाइबलय् अले जिं छन्‍त सजाँय बीबलय् छिमि प्‍यखेरं च्‍वंपिं जातित ग्‍याइ। इमिसं छन्‍त बेक्‍वः मिखां स्‍वइ, अले छन्‍त हेस्‍याइ। जि परमप्रभुं हे थ्‍व धयागु खः।

व्‍यवस्‍था 29:24

फुक्‍क जातितय्‌सं धाइ, “परमप्रभुं थ्‍व देशयात थथे छाय् यानादीगु? थ्‍व मि थें जाःगु तं छाय्?”