यर्मिया 22:30 - नेवाः बाइबल

³⁰ परमप्रभुं थथे धयादी, “थ्‍व मनूया नां मस्‍त मदुम्‍ह धकाः च्‍व, छम्‍ह मनू गुम्‍ह थःगु जीवनकालय् ताःलाइ मखु। छाय्‌धाःसा वया सन्‍तान मध्‍ये सुं नं ताःलाइ मखु, वया सुं सन्‍तान दाऊदया सिंहासनय् च्‍वने खनी मखु अथवा यहूदाय् शासक जुइ खनी मखु।”

यर्मिया 22:30 ပူးပေါင်းရင်းမြစ်များ

अय्‍यूब 18:19

थःमनूतय्‌गु दथुइ वया थः सुं सन्‍तान मदु। थः छकः च्‍वंगु थासय् वया म्‍वानाच्‍वंपिं सुं मदु।

भजनसंग्रहया सफू 94:20

छु दुष्‍ट शासकत छिनापं मिलय् जुइ फइ ला? इमिसं थःगु कानूनयात छ्यलाः स्‍यंकेगु ग्‍वसाः ग्‍वइगु।

यर्मिया 10:21

फैजवाःत मूर्ख जुल, इमिसं परमप्रभुयात न्‍यनेकने मयाः, उकिं इपिं ताःलाइ मखु, इमि फुक्‍क फै उखेलाः थुखेलाः जूगु दु।

यर्मिया 2:37

अनं नं लज्‍या चायाः छ छेनय् ल्‍हाः तयाः अथें लिहां वइ। छाय्‌धाःसा छं सुयात सुयात भलसा यात, इमित परमप्रभुं इन्‍कार यानादीगु दु। इपिंपाखें छन्‍त ग्‍वाहालि दइ मखु।

यर्मिया 22:2

‘हे दाऊदया सिंहासनय् च्‍वनादीम्‍ह यहूदाया जुजु, छि, छिकपिनि भारदारत व ध्‍वाखां दुहां वइपिं छिकपिनि सकलें मनूत, परमप्रभुया थ्‍व वचन न्‍यँ!

यर्मिया 29:32

उकिं जिं थःम्‍हं हे नेहेलामय् च्‍वंम्‍ह शमायाह व वया वंशयात सजाँय बी। थ्‍व प्रजाया दथुइ वया सुं नं मनू म्‍वानाच्‍वनी मखु। जिं थः प्रजायात यायेगु भिंगु ज्‍या वं स्‍वये खनी मखु। छाय्‌धाःसा वं मनूतय्‌त जिगु विरोधय् विद्रोह यायेत हपाः ब्‍यूगु दु। जि परमप्रभुं धयागु दु।’”

यर्मिया 36:30

उकिं यहूदाया जुजु यहोयाकीमया बारे परमप्रभुं थथे धयादी – दाऊदया गद्दीइ च्‍वनीम्‍ह वया सुं सन्‍तान दइ मखु। वयागु सीम्‍ह पिने वांछ्वइ अले न्‍हिनय् निभालय् व चान्‍हय् सुतिलखय् लानाच्‍वनी।

यर्मिया 52:10

अन रिब्‍लाय् हे बेबिलोनयाम्‍ह जुजुं सिदकियाहया काय्‌पिन्‍त वयागु मिखाया न्‍ह्यःने हे स्‍याकेबिल, अले यहूदाया फुक्‍क हाकिमतय्‌त नं स्‍याकेबिल।