यर्मिया 22:3 - नेवाः बाइबल

³ परमप्रभुं थथे धयादी – खःगु व पाय्‌छिगु ज्‍या या! लुतय् याकाच्‍वंम्‍ह मनूयात अत्‍याचारीया ल्‍हातं बचय् या! परदेशी, मांबौ मदुपिं व भाःत मदुपिन्‍त क्‍वत्‍यके बी मते! थ्‍व थासय् दोष मदुपिनिगु हिबाः वय्‌केबी मते!

यर्मिया 22:3 ပူးပေါင်းရင်းမြစ်များ

२ शमूएल 23:3

इस्राएलया परमेश्‍वर नवानादिल, इस्राएलयात ल्‍वहंधी थें रक्षा यानादीम्‍हं जितः धयादिल, “गुम्‍हय्‌सिनं धार्मिकताकथं न्‍याय याइ, अले परमेश्‍वरया भय कयाः शासन याइ,

२ राजा 24:4

मनश्‍शें निर्दोष मनूतय्‌गु हिं यरूशलेमयात जाय्‌काब्‍यूगु खः। अले परमप्रभुं क्षमा बी मास्‍ति वयेकामदी।

अय्‍यूब 22:9

छिं भाःत मदुपिन्‍त खालि ल्‍हातं लितछ्वयादिल। मांबौ मदुपिं मस्‍तय्‌गु ल्‍हाः त्‍वथुलादिल।

अय्‍यूब 24:9

दुष्‍टतय्‌सं मांम्‍हं बुया तःपिं बौ मदुपिं मस्‍तय्‌त लाकायंकी, अले गरीब मनूया दुरुत्‍वंम्‍ह मचायात इमिसं त्‍यासाया पलेसा यंकी।

भजनसंग्रहया सफू 68:5

पवित्र देगलय् च्‍वनीम्‍ह परमेश्‍वर मांबौ मदुपिनि बौ खः अले भाःत मदुपिन्‍त रक्षा यानादीम्‍ह खः।

भजनसंग्रहया सफू 82:4

बमल्‍लाः व मगाःमचाःपिन्‍त बचय् या, इमित दुष्‍टतय्‌गु ल्‍हातं त्‍वःतकि।

भजनसंग्रहया सफू 94:21

इपिं धर्मी मनूतय्‌गु विरोधय् छप्‍पँ जुयाजुइ, अले छुं मस्‍यूपिन्‍त द्वपं बियाः स्‍यानाजुइ।

भजनसंग्रहया सफू 94:6

इमिसं भाःत मदुपिं मिस्‍त, मां-बौ मदुपिं मस्‍त व परदेशीतय्‌त स्‍यानाबीगु।

प्रस्‍थान 22:21

“पिनेंवःपिन्‍त बांमलाःगु व्‍यवहार याये मते, इमित क्‍वत्‍यले मते, छाय्‌धाःसा छिपिं नं मिश्र देशय् अथे हे जुयाः च्‍वनेधुंकूपिं खः।

प्रस्‍थान 22:22

“भाःत सीम्‍ह मिसा व मांबौ मदुम्‍ह मचापाखें लबः कायेगु ज्‍या याये मते।

हितोपदेश 23:10

थः पुर्खां तयाथकूगु लागाया चिं चीके मते, हाःनाः मदुपिनिगु जग त्‍यलाः काये मते।

हितोपदेश 6:17

घमण्‍ड याइगु मिखा मखुगु खँ ल्‍हाइगु मे निर्दोषपिन्‍त स्‍याइगु ल्‍हाः

यशैया 1:23

छिमि न्‍ह्यलुवाःत विद्रोही व खुँतय् पासापिं जुइ धुंकूगु दु। इमिसं न्‍ह्याबलें कोस्‍यालि व घुस नयेत माला जुइ। न्‍याय जुइबलय् इमिसं मांबौ मदुपिनिगु पँली मखु। भाःत मदुपिनिगु मुद्दा इमिथाय् थ्‍यनी मखु।

यशैया 58:6

“अन्‍याय यानाः कुनातःपिन्‍त त्‍वःतकेगु व क्‍वत्‍यलातःपिन्‍त छुत्‍कारा यायेगु फुक्‍क जुवा त्‍वाःथलाबीगु जिं ल्‍ययागु अपसं थ्‍व हे मखु ला?

यशैया 58:7

थःगु नसा नये मखंपिन्‍त इनाबीगु, अले छेँ मदुपिं मगाःमचाःपिन्‍त शरण बीगु व पचिनांगापिं खनाः लं फिकाबिगु अले थः थःथितिपिन्‍त ग्‍वाहालि बीगु, थ्‍व हे मखु ला?

यर्मिया 19:4

छाय्‌धाःसा इमिसं जितः त्‍वःतूगु दु, अले थ्‍व थाय् विदेशी द्यःतय्‌गु थाय् दय्‌कूगु दु। इमिसं थःपिन्‍सं, इमि पुर्खातय्‌सं व यहूदाया जुजुपिन्‍सं म्‍हमस्‍यूपिं मेपिं द्यःतय्‌गु लागि धुपाँय् च्‍याकाः इमिसं थ्‍व थाय्‌यात द्वं मदुपिं मनूतय्‌गु हिं जाय्‌कूगु दु।

यर्मिया 21:12

अय् दाऊदया घराना, परमप्रभुं थथे धयादी, “‘सुथ पतिकं न्‍याय या, सुयातं लुतय् याःगु खः वयात अत्‍याचार याःम्‍हय्‌सिगु ल्‍हातं त्‍वःतकि। मखुसा छिमिगु मभिंगु ज्‍यां यानाः जिगु तं मि थें ह्वानाह्वाना च्‍याइ। सुनानं उकियात क्‍वलाके फइ मखु।

यर्मिया 22:17

“तर छंगु मिखा व नुगः ला बेइमान यानाः कमय् यायेगुपाखे, व दोष मदुपिनिगु हिबाः वय्‌केगु, अत्‍याचारया ज्‍या यायेगु व लुतय् यायेगुपाखे हे वनाच्‍वंगु दु।”

यर्मिया 26:16

अले हाकिमत व फुक्‍क मनूतय्‌सं पुजाहारीत व अगमवक्तातय्‌त धाल, “थ्‍व मनू ज्‍यान सजाँय बीमाःम्‍ह मखु। थ्‍वं जिमित परमप्रभुं झी परमेश्‍वरया नामय् थ्‍व खँ धाःगु खः।”

यर्मिया 5:28

इपिं यक्‍व नयाः ल्‍ह्वंगु दु। इमिसं मभिंगु ज्‍या यायेगु गुबलें त्‍वःती मखु। इमिसं मांबौ मदुपिनिगु हक लाका काइ, मगाःमचाःपिनिगु न्‍याय याइ मखु।

यर्मिया 7:23

तर जिं इमित थ्‍व आज्ञा बियागु खः, ‘जिगु खँ न्‍यँ, अले जि छिमि परमेश्‍वर जुये, छिपिं जिमि प्रजा जुइ, जिं धाःथें फुक्‍क यात धाःसा छिमित भिं जुइ।’

यर्मिया 9:24

तर सुयां तःधंछुइ मास्‍ति वःसा, वं जितः म्‍हमस्‍यूगु व थूगु खँय् तःधंछुइमाः। पृथ्‍वीइ सदां दयाच्‍वनीगु दयामाया, न्‍याय व धार्मिकतायागु ज्‍या याइम्‍ह परमप्रभु जि हे खः। छाय्‌धाःसा थ्‍व खँय् हे जि लय्‌ताः,” परमप्रभुं धयादी।

विलाप 3:36

सुं मनूयात अन्‍याय यायेगु खँयात परमप्रभुं स्‍वयामदी ला?

इजकिएल 18:12

गरीब व मगाःमचाःपिन्‍त क्‍वत्‍यलीगु, खुइगु, बरः तयातःगु सामान लित मबीगु, मूर्तितपाखे स्‍वइगु व घच्‍चाइपुस्‍से च्‍वंगु ज्‍या याइगु।

इजकिएल 18:7

वं सुयातं क्‍वत्‍यली मखु तर त्‍यासा काःम्‍हय्‌सित वयागु बर लितबी। वं खुया काइ मखु, तर नये पित्‍याःम्‍हसित थःगु नयेगु नसा बी, नांगायात थःगु वसः फिका बी।

इजकिएल 22:7

छंके हे इमिसं थः मां बौयात हेला यात, विदेशीतय्‌त अत्‍याचार यात, अले मांबौ मदुपिं मस्‍त व भाःत मदुपिं मिस्‍तय्‌त बांमलाःगु व्‍यवहार यात।

इजकिएल 45:9

“‘परमप्रभु परमेश्‍वरं थथे धयादी, हे इस्राएलया शासकत, गात! छिमिसं यक्‍व हे यात। ल्‍वापुख्‍यापु व अत्‍याचार त्‍वःताब्‍यु! खःगु व बांलाःगु ज्‍या जक या! जिगु प्रजायात पितिनाछ्वयेगु ज्‍या बन्‍द या! परमप्रभु परमेश्‍वरं धयादी।

योएल 3:19

तर यहूदाय् च्‍वंपिं मनूतय्‌त अत्‍याचार याःगुलिं व द्वंमदुपिनिगु हि बाः वय्‌कूगुलिं, मिश्र देश उजाड जुइ व एदोम छुं बुया मवइगु मरुभूमि जुयावनी।

लेवी 19:15

“‘छिमिसं अन्‍याय याये मते। तःधंम्‍ह जूसां वा चिधीम्‍ह जूसां, मनूया ख्‍वाः स्‍वयाः मखु, तर सकलें मनूतय्‌गु पाय्‌छिकथं न्‍याय यायेमाः।

आमोस 5:15

मभिंगु फुक्‍क त्‍वःताछ्व, छु छु भिंगु खः व हे जक यय्‌की। अदालतय् न्‍याय ल्‍यंकाः तयाति, सके दक्‍व शक्ति दुम्‍ह परमप्रभु परमेश्‍वरं योसेफया ल्‍यंदनिपिं मनूतय्‌त दया यानादी ला।

आमोस 5:24

तर न्‍याय धाःसा खुसि थें अले धार्मिकता गुब्‍सं मसुइगु खुसि थें न्‍ह्याना च्‍वनेमा।

मीका 3:11

अनच्‍वंपिं नायःतय्‌सं घुस कयाः न्‍याय याइ। अन च्‍वंपिं पुजाहारीतय्‌सं ज्‍याला कयाः स्‍यनी। अले अगमवक्तातय्‌सं धिबाया लागि अगमवाणी याइ। अथे जूसां इमिसं परमप्रभुयाके भलसा कयाः थथे धाइ “परमप्रभु झीगु दथुइ च्‍वनादीगु दु, झीत मभिं जुइ मखु।”

मीका 6:8

हे मनू, बांलाःगु अले भिंगु खँ वय्‌कलं छन्‍त क्‍यनादीगु दु। छपाखें परमप्रभुं छु यय्‌कादी? खःकथं ज्‍या यायेगु, मायायात यय्‌केगु, थः परमेश्‍वरलिसें क्‍वमिलु जुयाः जुयेगु।

मलाकी 3:5

दक्‍व शक्ति दुम्‍ह परमप्रभुं धयादी, “अबलय् जि न्‍याय यायेत छिमिथाय् वये। अले तन्‍त्रमन्‍त्र याइपिं, व्‍यभिचारीत, मखुगु साक्षी बीपिं, ज्‍यामितय्‌त ज्‍यालाय् स्‍याइपिं अले भाःत मदुपिं मिस्‍त, मां-बौ मदुपिं मस्‍तय्‌त क्‍वत्‍यलातःपिं, परदेशीतय्‌गु न्‍याय लाका काइपिं, जि खनाः मग्‍याइपिं थुपिं सकसिगु विरोधय् जिं हथासं साक्षी बी।”

मत्ती 23:23

“शास्‍त्री व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिमिसं नवःघाँय्, सोँप व जीया झिब्‍वय् छब्‍व परमेश्‍वरयात छाये हइ। अथेसां छिमिसं न्‍याय, दया व विश्‍वास थें ज्‍याःगु व्‍यवस्‍थाया मू खँय् च्‍यूताः मतः। छिमिसं थ्‍व नं मत्‍वःते माःगु खः।

व्‍यवस्‍था 10:18

वय्‌कलं मांबौ मदुपिं मस्‍त व भाःत सी धुंकूपिन्‍त रक्षा यानादी अले परदेशीतय्‌त माया यानाः नयेगु नसा व वसः बियादी।

व्‍यवस्‍था 24:17

परदेशी व मांबौ मदुपिं मस्‍तय्‌गु न्‍याय स्‍यंके मते। भाःत सी धुंकूम्‍हय्‌सिगु गा बरः काये मते।

व्‍यवस्‍था 24:7

सुं इस्राएलीं मेम्‍ह इस्राएलीयात जबरजस्‍ती यंकाः दास दय्‌कल धाःसा वा दास दय्‌काः मिल धाःसा वयात स्‍याना छ्वयेमाः। छिमिसं थज्‍याःगु मभिंगु ज्‍या छिमिगु दथुं चीकाः छ्वयेमाः।

व्‍यवस्‍था 25:1

मनूतय्‌गु दथुइ ल्‍वापुख्‍यापु जुयाः इपिं अदालतय् वनीबलय् न्‍यायाधीशतय्‌सं द्वं दुम्‍ह सु खः द्वं मदुम्‍ह सु खः व फैसला यानाबी।

व्‍यवस्‍था 27:19

“परदेशी, मांबौ मदुम्‍ह व भाःत सी धुंकूम्‍हय्‌सित बीमाःगु न्‍याय स्‍यंकूम्‍ह मनूयात सराः लायेमाः।” अले फुक्‍कसिनं “आमेन” धायेमाः।

याकूब 1:27

परमेश्‍वर बाःयात यःगु भिंगु बांलाःगु धर्म ला मांबौ मदुपिं मस्‍तय्‌त व भाःत मदय्‌ धुंकूपिं मिसातय्‌त दुःख जुइबलय् ग्‍वाहालि यायेगु, अले थ्‍व संसारय् मभिंगु ज्‍याखँ मयासें पवित्र जुयाच्‍वनेगु खः।