हे जात-जातियापिं मनूत, जिगु न्ह्यःने वा अले बांलाक न्यँ। हे मनूत, ध्यान ब्यु! पृथ्वी व अन च्वंपिं फुक्कसिनं तायेमा। संसार व उकी दयावःगु फुक्कसिनं तायेमा।
हे जात जातियापिं सकलें मनूत, थ्व खँ न्यँ। हे पृथ्वी व अन च्वंपिं फुक्क मनूत, ध्यान बियाः न्यँ। परमप्रभु परमेश्वरं छिमिगु विरोधय् साक्षी बियादी। न्यँ, वय्कलं थःगु पवित्र देगलं न्ववानादी।
थौं जिं स्वर्ग व पृथ्वीयात छिमिगु विरोधय् साक्षी तये। छिपिं देशयात अधिकार यायेत यर्दनया उखे वनेत्यंगु दु। अय्नं छिमिसं जिगु आज्ञा त्वाथुल धाःसा यक्व दँ तक अन च्वने दइ मखु। तर छिपिं भज्यंक नाश जुयावनी।
