यर्मिया 22:27 - नेवाः बाइबल

²⁷ छिमिसं लिहां वये मास्‍तिवय्‌कूगु देशय् छिपिं गुबलें लिहां वइ मखु।”

यर्मिया 22:27 ပူးပေါင်းရင်းမြစ်များ

भजनसंग्रहया सफू 86:4

थः दासयात लय्‌ताय्‌कादिसँ। छाय्‌धाःसा हे परमप्रभु, जिं थःगु मन छिपाखे हे ल्‍ह्वने।

यर्मिया 22:10

सी धुंकूम्‍ह जुजुया लागि ख्‍वये मते वा वयागु लागि नुगः मछिंके मते। बरु ज्‍वनायंकूम्‍ह मनूया लागि ह्वाँय्‌ह्वाँय् ख्‍व, छाय्‌धाःसा व हाकनं लिहां वइ मखु। वं थः जन्‍म जूगु देश हाकनं खनी मखु।

यर्मिया 22:11

छाय्‌धाःसा योशियाहया काय् यहोआहाज, थः अबुया थासय् यहूदाया जुजु जुल। थ्‍व हे यहोआहाज थनं वंम्‍ह खः। वयागु बारे परमप्रभुं थथे धयादी, “व हाकनं गुबलें थन लिहां वइ मखु।

यर्मिया 22:12

तर वयात ज्‍वनायंका तयातःगु थासय् हे व सी, वं थ्‍व देश हाकनं गुबलें स्‍वये खनी मखु।”

यर्मिया 22:26

जिं छन्‍त व छन्‍त बुइकूम्‍ह छिमि मांयात छिपिं मबूगु देशय् ज्‍वनायंकेबी। अले छिपिं निम्‍हं अन हे सी।

यर्मिया 22:28

छु! थ्‍व मनू यहोयाकीन छगः सुनां वास्‍ता मयाःगु वांछ्वयातःगु तज्‍याःगु थल खः ला? छाय् वयात वया काय्‌म्‍ह्याय्‌पिंनापं इमिसं म्‍हमस्‍यूगु देशय् वांछ्वयाबीगु?

यर्मिया 28:4

जिं यहोयाकीमया काय् यहूदाया जुजु यहोयाकीन व यहूदां ज्‍वनाः बेबिलोनय् यंकूपिं मेपिं सकसित नं हाकनं थ्‍व थासय् लित हये,’ परमप्रभुं धयादी, ‘छाय्‌धाःसा जिं बेबिलोनयाम्‍ह जुजुया जुवा त्‍वथुलाबी।’”

यर्मिया 42:18

परमप्रभु, दक्‍व शक्ति दुम्‍ह इस्राएलया परमेश्‍वरं थथे धयादी, ‘गथे जिं जिगु तं यरूशलेमय् च्‍वंपिं मनूतय्‌के प्‍वंकागु खः, अथे हे छिपिं मिश्रय् वन धाःसा जिगु तं छिमिके प्‍वंके। जिं छिमित लिनाछ्वयागु फुक्‍क जातितय्‌गु दथुइ जिं छिमित सराः, भय, गिल्‍ला व निन्‍दाया पात्र दय्‌के। थ्‍व देश छिमिसं हाकनं खनी मखु।’

यर्मिया 44:14

मिश्र देशय् च्‍वंवंपिं यहूदाया ल्‍यनाच्‍वंपिं छम्‍ह नं म्‍वानाच्‍वनी मखु, न बचय् जुइ। इमिसं यहूदा देशय् हे लिहां वयाः अन च्‍वने मास्‍ति वय्‌कूसां छुं शरण काःवपिं बाहेक इपिं छम्‍ह नं लिहां वयेखनी मखु।”