यर्मिया 22:24 - नेवाः बाइबल

²⁴ “जि धात्‍थें म्‍वाःम्‍ह खः थें,” परमप्रभुं धयादी, “यहूदाया जुजु यहोयाकीमया काय् यहोयाकीन जिगु जव ल्‍हाःया अंगू जूसां नं जिं वयात त्‍वयाः वांछ्वयेगु।

यर्मिया 22:24 ပူးပေါင်းရင်းမြစ်များ

२ राजा 24:12

यहूदाया जुजु यहोयाकीन, वया मां, वयात सल्‍लाहबीपिं, वया भारदारत सकसिनं थःपिन्‍त वयागु ल्‍हातय् लःल्‍हाना बिल। बेबिलोनयाम्‍ह जुजुं थः जुजु जूगु च्‍यागूगु दँय् यहोयाकीनयात ज्‍वनाः कुन।

२ राजा 24:15

नबूकदनेसरं यहोयाकीनयात ज्‍वनाः बेबिलोनय् यंकल। वं यरूशलेमं रानीमां, वया कलाःपिं, वया हाकिमत व देशयापिं नांजाःपिं मनूतय्‌त यरूशलेमं बेबिलोनय् यंकल।

१ इतिहास 3:16

यहोयाकीमया काय्‌पिं यहोयाकीन व सिदकियाह खः।

२ इतिहास 36:9

यहोयाकीन झिंच्‍यादँ दुबलय् जुजु जूगु खः। वं यरूशलेमय् स्‍वला व झिन्‍हु राज्‍य यात। वं परमप्रभुया मिखाय् मभिंगु ज्‍या यात।

श्रेष्‍ठगीत 8:6

जितः छिगु नुगलय् छाप थें तयादिसँ, छिसं जि बाहेक मेपिं सुयातं घय्‌पुनादीमते। छाय्‌धाःसा माया मृत्‍यु थें तसकं बल्‍लाः, प्‍याःचाः पाताल थें जिद्दी। व मिप्‍वाः थें जुयाः पिहां वइ, अले च्‍यानाच्‍वंगु मि थें ह्वानाः ह्वानाः च्‍याइ।

यशैया 49:16

स्‍व! जिं छन्‍त जिगु ल्‍हातय् कियातयागु दु। छंगु पःखाःत जिं बिचाः यानाच्‍वनागु दु, अय् यरूशलेम!

यर्मिया 13:18

जुजु व राजमातायात धा, “सिंहासनं कुहां वा, छाय्‌धाःसा छिमिगु छेनं गौरवं जाःगु मुकुट कुतुं वनी।”

यर्मिया 22:28

छु! थ्‍व मनू यहोयाकीन छगः सुनां वास्‍ता मयाःगु वांछ्वयातःगु तज्‍याःगु थल खः ला? छाय् वयात वया काय्‌म्‍ह्याय्‌पिंनापं इमिसं म्‍हमस्‍यूगु देशय् वांछ्वयाबीगु?

यर्मिया 22:6

यहूदाया जुजुया दरबारया बारे परमप्रभुं थथे धयादी, “छ जिगु लागि गिलाद देश व लेबनानया गुँया च्‍वका थें तसकं बांला। अय्‌नं जिं धात्‍थें हे छन्‍त मरुभूमि व मनू मदुगु शहर यानाबी।

यर्मिया 24:1

बेबिलोनया जुजु नबूकदनेसरं यहूदाया जुजु यहोयाकीमया काय् यहोयाकीन व यहूदाया भारदारत, कारिगरत व नँकःमिततय्‌त ज्‍वनाः यरूशलेमं बेबिलोनय् यंके धुंकाः परमप्रभुं जितः परमप्रभुया देगःया न्‍ह्यःने तयातःगु यःमरिया निगः दाला क्‍यनादिल।

यर्मिया 28:4

जिं यहोयाकीमया काय् यहूदाया जुजु यहोयाकीन व यहूदां ज्‍वनाः बेबिलोनय् यंकूपिं मेपिं सकसित नं हाकनं थ्‍व थासय् लित हये,’ परमप्रभुं धयादी, ‘छाय्‌धाःसा जिं बेबिलोनयाम्‍ह जुजुया जुवा त्‍वथुलाबी।’”

यर्मिया 29:2

(जुजु यहोयाकीन, राजमाता, दरबारयापिं हाकिमत, यहूदा व यरूशलेमयापिं नायःत, कारिगरत व सःपिं मिस्‍त्रीतय्‌त यरूशलेमं ज्‍वना यंके धुंकाः थ्‍व पौ च्‍वःगु खः।)

यर्मिया 37:1

योशियाहया काय् सिदकियाहयात बेबिलोनयाम्‍ह जुजु नबूकदनेसरं यहूदायाम्‍ह जुजु ल्‍यःगु खः। वं यहोयाकीमया काय् यहोयाकीनया पलेसा राज्‍य यात।

हाग्‍गै 2:23

“ ‘उखुन्‍हु, हे शालतिएलया काय् जिम्‍ह दास यरूबाबेल, जिं छन्‍त कयाः अंगूयात थें तये, छाय्‌धाःसा जिं छन्‍त ल्‍ययागु दु’ धकाः दक्‍व शक्ति दुम्‍ह परमप्रभुं धयादी।”