यर्मिया 22:23 - नेवाः बाइबल

²³ छिपिं लेबनानय् च्‍वनीपिं, छिपिं देवदारुया दथुइ थःत याउँक तइपिं, छिमित मचाबू ब्‍यथा थें सास्‍ती जुइबलय् छिपिं गुलि पिच्‍यानाः हाली।”

यर्मिया 22:23 ပူးပေါင်းရင်းမြစ်များ

यर्मिया 21:13

जि थः हे छंगु विरोधय् दु, अय् यरूशलेम, अय् थ्‍व ब्‍यासिया च्‍वय् च्‍वंपिं, ल्‍वहंया ल्‍वहं दुगु तज्‍जाःगु माथंवंगु थासय् च्‍वंपिं, जि, परमप्रभुं धाये, छिमिसं धाइ “सुनां जिमित हमला याये फइ? वा जिपिं च्‍वनेगु थासय् सु दुहां वये फइ?”

यर्मिया 22:6

यहूदाया जुजुया दरबारया बारे परमप्रभुं थथे धयादी, “छ जिगु लागि गिलाद देश व लेबनानया गुँया च्‍वका थें तसकं बांला। अय्‌नं जिं धात्‍थें हे छन्‍त मरुभूमि व मनू मदुगु शहर यानाबी।

यर्मिया 3:21

नांगा डाँडा डाँडाय् इस्राएलीतय्‌गु ख्‍वःसः व इनाप यानाच्‍वंगु सः ताये दयाच्‍वंगु दु। छाय्‌धाःसा इपिं मखुगु लँय् वंगु दु, अले इमिसं थः परमप्रभु परमेश्‍वरयात ल्‍वःमंकूगु दु।

यर्मिया 48:28

हे मोआबय् च्‍वंपिं, छिपिं थथःगु शहरत त्‍वःताः ल्‍वहंधिकय् च्‍वंहुँ! छिपिं गुफाया त्‍वाःया लिक्‍क स्‍वँ दय्‌कीपिं सुकुभत्तु थें जु!

यर्मिया 49:16

छं हःपाः ब्‍यूगु भय व छंगु नुगःया घमण्‍डं छन्‍त ध्‍वंलाःगु दु। हे ल्‍वहंधीया कापिचाय् च्‍वनीपिं, हे डाँडाया च्‍वका च्‍वकाय् ढुक्‍क जुयाः च्‍वनीपिं, तर छ इमा थें च्‍वय् च्‍वय् ब्‍वःसां, अले नगुतय्‌गु दथुइ छेँ दय्‌का च्‍वंसां अनं जिं छन्‍त बँय् कुर्काबी,” परमप्रभुं धयादी।

यर्मिया 6:24

थ्‍व खँ न्‍यनेवं जिमिगु ल्‍हाः याग्‍लाप्‍याग्‍ला जुल। जिमित तसकं कष्‍ट जुल। जिपिं मचाबू ब्‍यथा जूम्‍ह मिसा थें जुल।

इजकिएल 17:3

इमित धा, ‘परमप्रभु परमेश्‍वरं थथे धयादी – बल्‍लाःगु पपू व ताहाकःगु रंगिबिरंगी पा दुम्‍ह छम्‍ह तःधीम्‍ह इमा लेबनानय् ब्‍वयाः वल, अले वं छपु देवदारुया दकलय् च्‍वय्‌च्‍वंगु च्‍वका ज्‍वन।

होशे 5:15

इमिसं थःगु पाप स्‍वीकार मयातले जि लिहां वनाः थःगु थासय् च्‍वने, इमिसं जिगु ख्‍वाः स्‍वयेत माला जुइ। इमित दुःखकष्‍ट जुइबलय् इमिसं जितः तसकं माली।”

होशे 7:14

इमिसं दुनुगलंनिसें जितः प्रार्थना याइ मखु, तर थःगु लासाय् बिलाप याइ। अन्‍न व न्‍हूगु दाखमद्यया निंतिं इपिं मुनाच्‍वनी, तर जिपाखें धाःसा ख्‍वाः फस्‍वय्‌की।

आमोस 9:2

गाः म्‍हुयाः इपिं पातालय् क्‍वय् वंसां इमित जिं साला हये। इपिं आकाशय् हे थाहां वंसां जिं इमित साला क्‍वकाये।

ओबदिया 1:4

तर छ इमा थें च्‍वय् च्‍वय् ब्‍वःसां, अले नगुतय्‌गु दथुइ स्‍वँ दय्‌का च्‍वंसां अनं जिं छन्‍त बँय् कुर्काबी,” परमप्रभुं धयादी।

हबकूक 2:9

“धिक्‍कार दु वयात, गुम्‍हं अन्‍याय यानाः कमय् याःगुलिं थःगु छेँ दय्‌की। वयागु छेँ तःजाःगु थासय् दय्‌की गुकिं यानाः नाश जुइगुपाखें सुरक्षा जुइ।

गन्‍ती 24:21

अले वं केनीतपाखे स्‍वयाः थुकथं वचन नवात, “छिपिं बल्‍लाक च्‍वनाच्‍वंगु दु, छिमिगु स्‍वँ ल्‍वहँतय् दय्‌कातःगु दु।