यर्मिया 22:18 - नेवाः बाइबल

¹⁸ अथे जुयाः यहूदाया जुजु योशियाहया काय् यहोयाकीमया बारे परमप्रभुं थथे धयादी, “‘हाय, जिमि किजा! हाय, जिमि केहेँ!’ धयाः इपिं वयागु निंतिं ख्‍वइ मखु। ‘हाय, जिमि मालिक! हाय, वय्‌कःया गौरव!’ धयाः इपिं वयागु लागि ख्‍वइ मखु।

यर्मिया 22:18 ပူးပေါင်းရင်းမြစ်များ

२ शमूएल 1:26

हे जोनाथन, जिमि किजा, छंगु निंतिं जिं विलाप याये, छ जिगु निंतिं तसकं यःम्‍ह व माया वंम्‍ह खः। छंगु माया जिगु निंतिं तसकं अजू चायापुसे च्‍वं, छंगु माया मिसातय्‌गु स्‍वयाः नं बांलाः।”

१ राजा 13:30

वं वयागु सीम्‍ह थःगु हे चिहानय् तल, अले इमिसं थथे धयाः व सीगुलिं नुगः मछिंकल, “यः जिमि किजा!”

२ राजा 23:36

यहोयाकीम निइन्‍यादँ दुबलय् जुजु जुल, वं यरूशलेमय् झिंछदँ राज्‍य यात। वया मांया नां पदायाहया म्‍ह्याय् जबीदा खः। व रूमायाम्‍ह खः।

२ राजा 23:6

वं परमप्रभुया देगलं अशेरा द्यःमय्‌जुया थां लिकयाः यरूशलेमया पिने किद्रोन ब्‍यासिइ यंकाः अन हे छ्वयेकाबिल। अले उकियात चुंचुं यानाः साधारण मनूतय्‌गु चिहानय् ह्वलाबिल।

२ राजा 24:6

यहोयाकीम थः पुर्खात थें सित। वया लिपा वया काय् यहोयाकीन जुजु जुल।

१ इतिहास 3:15

योशियाहया काय्‌पिं तःधिकःम्‍ह योहानान, माइलाम्‍ह येहोयाकीम, साइँलाम्‍ह सिदकियाह, व चिधिकःम्‍ह शल्‍लूम खः।

२ इतिहास 35:25

अगमवक्ता यर्मियां नं योशियाहया निंतिं सीम्‍येत च्‍वल। म्‍ये हालीपिं फुक्‍क मिजं व मिस्‍तय्‌सं थौं तक नं थुपिं सीम्‍येलय् योशियाहयात लुमंकी। थुपिं सीम्‍येत इस्राएलय् छगू परम्‍परा जूगु दु। थुपिं सीम्‍येत बिलापया म्‍येलय् नं च्‍वयातःगु दु।

२ इतिहास 36:5

यहोयाकीम निइन्‍यादँ दुबलय् जुजु जूगु खः, वं यरूशलेमय् झिंछदँ राज्‍य यात। वं परमप्रभु थः परमेश्‍वरया मिखाय् मभिंगु ज्‍या यात।

यर्मिया 16:4

“इपिं ग्‍यानापुगु ल्‍वचं सी। इमिगु लागिं सुं नं ख्‍वइ मखु वा सुनानं इमित थुनी मखु। इपिं बँय् फोहर थें लानाच्‍वनी। इपिं तरवार व अनिकालं नाश जुइ, इमिगु सीम्‍ह आकाशयापिं झंगःपन्छित व पृथ्‍वीयापिं पशुतय्‌गु नयेगु नसा जुइ।”

यर्मिया 16:6

“अथे जुयाः तःधंपिं व चिधंपिं निखलः हे थ्‍व देशय् सी। इमित सुनानं थुनी मखु। सुं नं इमिगु निंतिं ख्‍वइ मखु, सुनानं थःगु म्‍हय् घाः याइ मखु, सुनानं छ्यंयागु सँ खाइ मखु।

यर्मिया 21:11

“अले यहूदाया जुजुया घरानायात थथे धा, ‘परमप्रभुया वचन न्‍यँ,

यर्मिया 22:10

सी धुंकूम्‍ह जुजुया लागि ख्‍वये मते वा वयागु लागि नुगः मछिंके मते। बरु ज्‍वनायंकूम्‍ह मनूया लागि ह्वाँय्‌ह्वाँय् ख्‍व, छाय्‌धाःसा व हाकनं लिहां वइ मखु। वं थः जन्‍म जूगु देश हाकनं खनी मखु।

यर्मिया 22:12

तर वयात ज्‍वनायंका तयातःगु थासय् हे व सी, वं थ्‍व देश हाकनं गुबलें स्‍वये खनी मखु।”

यर्मिया 34:5

छ याउँक सी। गथे छ स्‍वयाः न्‍ह्यःयापिं छिमि पुर्खा जुजुपिं सीबलय् इमिगु इज्‍जतया निंतिं मनूतय्‌सं मि च्‍याकूगु खः, अथे हे छंगु इज्‍जतया निंतिं नं इमिसं मि च्‍याकाः “हाय, मालिक” धाधां छंगु लागि नुगः मछिंकी। जिं थःम्‍हं नं थ्‍व बचं बी, परमप्रभुं धयादी।’”

यर्मिया 36:30

उकिं यहूदाया जुजु यहोयाकीमया बारे परमप्रभुं थथे धयादी – दाऊदया गद्दीइ च्‍वनीम्‍ह वया सुं सन्‍तान दइ मखु। वयागु सीम्‍ह पिने वांछ्वइ अले न्‍हिनय् निभालय् व चान्‍हय् सुतिलखय् लानाच्‍वनी।