यर्मिया 22:17 - नेवाः बाइबल

¹⁷ “तर छंगु मिखा व नुगः ला बेइमान यानाः कमय् यायेगुपाखे, व दोष मदुपिनिगु हिबाः वय्‌केगु, अत्‍याचारया ज्‍या यायेगु व लुतय् यायेगुपाखे हे वनाच्‍वंगु दु।”

यर्मिया 22:17 ပူးပေါင်းရင်းမြစ်များ

१ राजा 21:19

आहाबयात जिं थथे धाःगु दु धकाः धा, परमप्रभुं थथे धयादी- ‘आहाब नाबोत धाःम्‍ह मनूयात स्‍यानाः छं वयागु दाखक्‍यब नं थःगु यानाः कायेत्‍यंगु दु। नाबोतया हि खिचातय्‌सं फ्‍यःगु थासय् हे छंगु हि नं खिचातय्‌सं फ्‍यइ।’”

२ राजा 23:37

वं थः पुर्खातय्‌सं याःगु थें परमप्रभुयात मयःगु मभिंगु ज्‍या यात।

२ राजा 24:4

मनश्‍शें निर्दोष मनूतय्‌गु हिं यरूशलेमयात जाय्‌काब्‍यूगु खः। अले परमप्रभुं क्षमा बी मास्‍ति वयेकामदी।

२ इतिहास 36:8

यहोयाकीम जुजु जुयाच्‍वंबलय् जूगु फुक्‍क खँ, वं याःगु घच्‍चायापुगु खँ अले वयाके दुगु मभिंगु खँ फुक्‍क इस्राएल व यहूदाया जुजुपिनिगु इतिहासया सफुलिइ च्‍वयातःगु दु। वया लिपा वया काय् यहोयाकीन जुजु जुल।

अय्‍यूब 31:7

जिगु पलाः मखुगु लँय् वंगु दुसा, जिगु मनं मिखाया इच्‍छा कथं याःगु दुसा, अथवा जिगु ल्‍हातय् दाग प्‍यपुनाच्‍वंगु दुसा,

भजनसंग्रहया सफू 10:3

दुष्‍टतय्‌सं थःपिनिगु मभिंगु इच्‍छाय् हे थःपिन्‍त तःधं ताय्‌काजुइ। इमिसं लोभीतय्‌त तःधंकाः खँ ल्‍हाइ, अले परमप्रभुयात क्‍वह्यंकी।

प्रस्‍थान 18:21

उकिं परमेश्‍वरया ग्‍याःभय काइपिं, मभिंगु ज्‍याखं लबः मकाइपिं, पत्‍याः यायेबहःपिं मनूतय्‌त ल्‍ययाः इमित झिम्‍ह, नेय्‌म्‍ह, सछिम्‍ह, द्वःछिम्‍हय्‌सिया नायः यानाब्‍यु।

हितोपदेश 24:2

छाय्‌धाःसा इमिगु नुगलय् ल्‍वायेगु व स्‍यायेगु खँ जक दइ, अले दुःख बीगु जक खँ ल्‍हाना जुइ।

यशैया 56:11

इपिं नये पित्‍याःपिं खिचात थें खः। इपिं गुबलें नये लुमधंपिं खः। इपिं मथूपिं जवाःत खः। इपिं फुक्‍क थथःगु हे लँपुइ जुयाच्‍वंगु दु। इमिसं थःत जक भिं यायेत स्‍वयाच्‍वनी।

यर्मिया 17:11

मखुकथं धन कमय् याःम्‍ह मनू, मेपिनिगु खेँचं मचा थ्‍वय्‌कीम्‍ह झंगः थें खः। बच्‍छि आयु वनीबलय् हे उगु धनं वयात त्‍वःताः वनी। लिपतय् व मूर्ख ठहरय् जुइ।

यर्मिया 19:4

छाय्‌धाःसा इमिसं जितः त्‍वःतूगु दु, अले थ्‍व थाय् विदेशी द्यःतय्‌गु थाय् दय्‌कूगु दु। इमिसं थःपिन्‍सं, इमि पुर्खातय्‌सं व यहूदाया जुजुपिन्‍सं म्‍हमस्‍यूपिं मेपिं द्यःतय्‌गु लागि धुपाँय् च्‍याकाः इमिसं थ्‍व थाय्‌यात द्वं मदुपिं मनूतय्‌गु हिं जाय्‌कूगु दु।

यर्मिया 22:3

परमप्रभुं थथे धयादी – खःगु व पाय्‌छिगु ज्‍या या! लुतय् याकाच्‍वंम्‍ह मनूयात अत्‍याचारीया ल्‍हातं बचय् या! परदेशी, मांबौ मदुपिं व भाःत मदुपिन्‍त क्‍वत्‍यके बी मते! थ्‍व थासय् दोष मदुपिनिगु हिबाः वय्‌केबी मते!

यर्मिया 6:13

“दक्‍कलय् चिधंम्‍हंनिसें दक्‍कलय् तःधंम्‍ह तक फुक्‍कं लोभी जूगु दु। अगमवक्तात व पुजाहारीत सकसिनं ध्‍वंलायेगु ज्‍या याइगु।

यर्मिया 6:6

दक्‍व शक्ति दुम्‍ह परमप्रभुं थथे धयादी, “यरूशलेमया सिमा पालाः पःखाः लिक्‍क घेरय् याइगु द्वम्‍बचात दय्‌कि! जिं थ्‍व शहरयात सजाँय बी छाय्‌धाःसा थन अत्‍याचार हे अत्‍याचार दु।

यर्मिया 7:6

छिमिसं विदेशी, मां बौ मदुपिं व भाःत मदुपिं मिस्‍तय्‌त क्‍वमत्‍यल धाःसा वा थ्‍व थासय् दोष मदुपिन्‍त मस्‍यात धाःसा अले थःत स्‍यंकीपिं मेपिं द्यःतय्‌त पुजा यायेगु त्‍वःतल धाःसा,

यर्मिया 8:10

छाय्‌धाःसा जिं इमि कलाःपिं मेपिं मनूतय्‌त व इमिगु बुँ न्‍हूपिं मालिकतय्‌त बी। दक्‍कलय् चिधंम्‍हंनिसें दक्‍कलय् तःधंम्‍ह तक फुक्‍कं लोभी जूगु दु। अगमवक्तात व पुजाहारीत सकसिनं ध्‍वंलायेगु ज्‍या याइगु।

इजकिएल 18:12

गरीब व मगाःमचाःपिन्‍त क्‍वत्‍यलीगु, खुइगु, बरः तयातःगु सामान लित मबीगु, मूर्तितपाखे स्‍वइगु व घच्‍चाइपुस्‍से च्‍वंगु ज्‍या याइगु।

इजकिएल 19:6

व सिंहतय्‌गु दथुइ थुखे उखे वये वने याना जुल। छाय्‌धाःसा व आः छम्‍ह बल्‍लाःम्‍ह सिंह जुइ धुंकल। वं शिकार यायेगु सय्‌कल, वं मनूत नल।

इजकिएल 19:7

वं इमिगु किल्‍लात स्‍यंकाबिल, इमिगु शहरत तहसनहस यानाबिल। व थ्‍वय्‌क हाःगु सलं देश व अन दुपिं सकलें ग्‍यात।

इजकिएल 19:9

इमिसं वयात हुकं पन्‍जलय् तयाः बेबिलोनयाम्‍ह जुजुयाथाय् हल। इस्राएलया डाँडा डाँडाय् वयागु सः गुबलें ताये मदय्‌मा धकाः इमिसं वयात कुनातल।

इजकिएल 22:6

“‘स्‍व! छंगु पःखाः दुने दुपिं सकलें शासकतय्‌सं गय् यानाः थःगु बल मनू स्‍यायेगुलिइ छ्यलाच्‍वंगु।

इजकिएल 33:31

इमिसं न्‍ह्याबलें याःथें जिमि मनूत छन्‍थाय् वइ अले छंगु खँ ध्‍यान बियाः न्‍यनेत छंगु न्‍ह्यःने च्‍वनी। तर इमिसं छं धाःथें याइ मखु। इमिगु म्‍हुतुइ मिसाह्यः खँ जक दइ, तर इमिगु नुगलं ध्‍यबा जक माली।

मीका 2:2

इमिसं मनूतय्‌गु छेँबुँ लोभ यानाः लाका काइ। इमिसं मनूतय्‌गु छेँ व सर्बय ठगय् यानाः काइ।

मीका 3:10

छिमिसं हि बाः वय्‌काः सियोनयात अले मभिंगु ज्‍या यानाः यरूशलेमयात दय्‌कीगु।

सपन्‍याह 3:3

वया नायःतय्‌त गर्जे जुइपिं सिंहत खः। वया न्‍यायकर्तात गुँखिचात खः गुपिन्‍सं कन्‍हय् सुथय् तक छुं ल्‍यं तइ मखु।

रोमी 1:29

थज्‍याःपिं मनूतय्‌गु नुगः थज्‍याःगुलिइ जक जायाच्‍वनी – पापी ज्‍या, मभिंगु ज्‍या, लोभ, मभिंगु इच्‍छा, नुगः मुइकेगु, मनू स्‍यायेगु, ल्‍वापु यायेगु, थगय् यायेगु, हेय्‌काः कायेगु व कर्पिन्‍त क्‍वह्यंकेगु,

१ कोरिन्‍थी 6:10

खुँत, लोभीत, अय्‌लाः त्‍वनाजुइपिं, कर्पिन्‍त मभिंका जुइपिं, अले थगय् यानाजुइपिं – थज्‍याःपिं मनूतय्‌त परमेश्‍वरयागु राज्‍यय् दुकाइ मखु।

कलस्‍सी 3:5

अय्‌जूगुलिं संसारयागु ज्‍याखं छिमिसं थःत कःघाना च्‍वँ। व्‍यभिचार याये मते, मभिंगु ज्‍याखँ याये मते, लाः लाः थें सना जुइ मते, मभिंगु मतिइ तया जुइ मते, कर्पिनिगुली मिखा वंके मते, गुगु मूर्ति पुजा यायेगु ति हे ग्‍यं।

यहोशू 7:21

झीसं लाका कयागु सामानय् जिं बेबिलोनयागु छपु बांलाःगु गा, निसः शेकेल ति वहः व नेय्‌गू शेकेल ति लुँयागु कथि खनाबलय् जितः ल्‍वःवन अले जिं उपिं कया। उपिं जिगु पाल दुने बँय् सुचुका तयागु दु। व दकलय् क्‍वय् वहः दु।”

२ पत्रुस 2:14

इमिसं न्‍ह्याबलें व्‍यभिचार यायेत जक स्‍वयाच्‍वनी। न्‍ह्याक्‍व हे पाप याना जूसां इपिं गुबलें लुमधं। इमिसं बमलाःपिं मनूतय्‌त थःगु ल्‍हातय् काइ। अले इमिगु मन हे लोभ यायेगु ज्‍याय् लाये धुंकल। परमेश्‍वरयागु सराः इमित हे लाइ।

२ पत्रुस 2:3

अज्‍याःपिं मनूतय्‌सं लोभलालचय् लानाः छिमिके हेय्‌का कायेत मखुगु खँ दय्‌काः स्‍यनी। न्‍हापांनिसें हे अज्‍याःपिं मनूत दोषी खः धकाः परमेश्‍वरं धयादीगु दु। अय्‌जूगुलिं अज्‍याःपिं मनूत याकनं हे हासनास जुयावनी।

१ शमूएल 8:3

वया काय्‌पिन्‍सं धाःसा थः बौनं याःकथं मयात। तर इमिसं थःगु जक भिं यायेगु बिचाः यानाः धिबा कयाः न्‍याय स्‍यंकेगु यात।