यर्मिया 22:13 - नेवाः बाइबल

¹³ मभिंगु ज्‍या यानाः थःगु छेँ दय्‌कीम्‍हय्‌सित धिक्‍कार दु, थःगु च्‍वय्‌या क्‍वथा अन्‍याय यानाः दय्‌कीम्‍ह व थःगु हे देशय् च्‍वंपिन्‍त सितिकं सेवा याकिम्‍ह, अले इमित इमिसं याःगु ज्‍याया ज्‍यालाबी मखुम्‍हय्‌सित धिक्‍कार दु।

यर्मिया 22:13 ပူးပေါင်းရင်းမြစ်များ

२ इतिहास 36:4

मिश्र देशयाम्‍ह जुजुं यहोआहाजया किजा एल्‍याकीमयात यरूशलेम व यहूदाया फुक्‍क थासय् याःम्‍ह जुजु दय्‌कल। जुजु निकों वयागु नां हिलाः यहोयाकीम तल। वया दाजु यहोआहाजयात धाःसा जुजु नेकों मिश्र देशय् यंकल।

२ इतिहास 36:5

यहोयाकीम निइन्‍यादँ दुबलय् जुजु जूगु खः, वं यरूशलेमय् झिंछदँ राज्‍य यात। वं परमप्रभु थः परमेश्‍वरया मिखाय् मभिंगु ज्‍या यात।

अय्‍यूब 31:39

जिं उकिया अन्‍न धिबा मपुसें नयागु दुसा म्‍हय्‌तय्‌गु नुगः ख्‍वयेकागु दुसा

यशैया 5:8

धिक्‍कार छिमित, गुपिन्‍सं छेँया छें जाय्‌कल अले बुँया बुँ जक न्‍यानाः मेपिन्‍त थाय् हे मदय्‌काबिल। देशय् छिपिं जक हे च्‍वनी।

यर्मिया 17:11

मखुकथं धन कमय् याःम्‍ह मनू, मेपिनिगु खेँचं मचा थ्‍वय्‌कीम्‍ह झंगः थें खः। बच्‍छि आयु वनीबलय् हे उगु धनं वयात त्‍वःताः वनी। लिपतय् व मूर्ख ठहरय् जुइ।

यर्मिया 22:18

अथे जुयाः यहूदाया जुजु योशियाहया काय् यहोयाकीमया बारे परमप्रभुं थथे धयादी, “‘हाय, जिमि किजा! हाय, जिमि केहेँ!’ धयाः इपिं वयागु निंतिं ख्‍वइ मखु। ‘हाय, जिमि मालिक! हाय, वय्‌कःया गौरव!’ धयाः इपिं वयागु लागि ख्‍वइ मखु।

लेवी 19:13

“‘छिमिसं जःलाखःलापिन्‍त ध्‍वंलानाः इमिगु छुं नं काये मते, अले इमिगु छुं नं लुतय् यानाः काये मते। “‘ज्‍याला कयाः ज्‍या याइपिनिगु धिबा वयात मब्‍यूसें सुथय् तक तयातये मते।

मीका 3:10

छिमिसं हि बाः वय्‌काः सियोनयात अले मभिंगु ज्‍या यानाः यरूशलेमयात दय्‌कीगु।

हबकूक 2:12

“धिक्‍कार दु वयात, गुम्‍हं स्‍याये पालीगु हिं शहर दय्‌की, अधर्म यानाः नगर पलिस्‍था याइ।

मलाकी 3:5

दक्‍व शक्ति दुम्‍ह परमप्रभुं धयादी, “अबलय् जि न्‍याय यायेत छिमिथाय् वये। अले तन्‍त्रमन्‍त्र याइपिं, व्‍यभिचारीत, मखुगु साक्षी बीपिं, ज्‍यामितय्‌त ज्‍यालाय् स्‍याइपिं अले भाःत मदुपिं मिस्‍त, मां-बौ मदुपिं मस्‍तय्‌त क्‍वत्‍यलातःपिं, परदेशीतय्‌गु न्‍याय लाका काइपिं, जि खनाः मग्‍याइपिं थुपिं सकसिगु विरोधय् जिं हथासं साक्षी बी।”

व्‍यवस्‍था 15:13

छिमिसं वयात त्‍वःताछ्वइबलय् खालि ल्‍हाः छ्वये मते।

याकूब 5:4

छिमिसं बुँइ ज्‍या याःपिं मनूतय्‌त ज्‍याला हे मब्‍यूसे तयातःगु दु। छिमिसं अन्‍याय यात धकाः व ज्‍यामित हालाच्‍वंगु दु। अन्‍याय जुल धकाः इपिं हालाच्‍वंगु सः दकलय् तःधंम्‍ह व शक्ति दुम्‍ह प्रभु परमेश्‍वरं न्‍यनादीगु दु।