यर्मिया 21:5 - नेवाः बाइबल

⁵ ल्‍हाः ल्‍ह्वनाः बल्‍लाःगु लप्‍पां जि थः हे तच्‍वःगु तम्‍वय् व क्रोधय् छिपिंलिसें ल्‍वाये।

यर्मिया 21:5 ပူးပေါင်းရင်းမြစ်များ

प्रस्‍थान 6:6

“उकिं इस्राएलीतय्‌त धा, ‘जि परमप्रभु खः। जिं छिमित मिश्रीतय्‌गु दासत्‍वं पित हये। जिं थःगु ल्‍हाः ल्‍ह्वनाः इमित तःधंगु सजाँय बियाः छिमित बचय् याये।

प्रस्‍थान 9:15

जिं थःगु ल्‍हाः न्‍ह्यज्‍याकाः छन्‍त व छिमि प्रजायात महामारीं कय्‌कूगु जूसा छ पृथ्‍वीं हे नाश जुयावने धुंकल जुइ।

यशैया 10:4

छिपिं कैदीत जुयाः लुफिं हानाः क्‍वःदइ वा सीपिनिगु दथुइ लानाच्‍वनी। अज्‍ज नं वय्‌कःया तं क्‍वलाःगु मदुनि, अले वय्‌कःया ल्‍हाः ल्‍ह्वनातःगु हे दनि।

यशैया 5:25

अथे जुयाः परमप्रभु थः प्रजालिसे तंचायादीगु दु अले इमित सजाँय बीत थःगु ल्‍हाः ल्‍ह्वनादीगु दु। पर्वतत थरथर खाइ अले सीम्‍हत धू थें लँय् अथें हे वांछ्वया तइ। तर उलि जुलं नं परमप्रभुया तं क्‍वलाइ मखुनि अले इमित सजाँय बीत वय्‌कःया ल्‍हाः ल्‍ह्वना तुं च्‍वनादी।

यशैया 63:10

अय्‌नं इपिं विद्रोही जुल, अले वय्‌कःया पवित्र आत्‍मायात दुःख बी। अथे जुयाः वय्‌कः इमि शत्रु जुयादिल, अले वय्‌कः थः हे इमिगु विरोधय् ल्‍वानादिल।

यशैया 9:12

अरामीतय्‌सं पुर्बपाखें व पलिश्‍तीतय्‌सं पच्‍छिमपाखें म्‍हुतु चाय्‌काः इस्राएलयात घुतुकुगु दु। अज्‍ज नं वय्‌कःया तं क्‍वलाःगु मदुनि, अले वय्‌कःया ल्‍हाः ल्‍ह्वनातःगु हे दनि।

यशैया 9:17

उकिं इमि ल्‍याय्‌म्‍हपिं मनूत खनाः परमप्रभु लय्‌तायामदी, न वय्‌कलं इमि मां बौ मदुपिं व भाःत मदुपिन्‍त माया यानादी। छाय्‌धाःसा फुक्‍क मनूत परमेश्‍वरयात मानय् मयाइपिं व दुष्‍ट खः। सकसिगु म्‍हुतुं मभिंगु खँ पिहां वइ। अज्‍ज नं वय्‌कःया तं क्‍वलाःगु मदुनि, अले वय्‌कःया ल्‍हाः ल्‍ह्वनातःगु हे दनि।

यशैया 9:21

मनश्‍शें एफ्राइमयात व एफ्राइमं मनश्‍शेयात नइ, अले इपिं निथिं यहूदाया विरोधय् जुइ। अज्‍ज नं वय्‌कःया तं क्‍वलाःगु मदुनि, अले वय्‌कःया ल्‍हाः ल्‍ह्वनातःगु हे दनि।

यर्मिया 32:17

“हे परमप्रभु परमेश्‍वर, छिं थःगु शक्ति व ताहाकःगु ल्‍हातं आकाश व पृथ्‍वी दय्‌कादिल। छिगु निंतिं छुं नं थाकु मजू।

यर्मिया 32:37

स्‍व! जिं थःम्‍हं हे इमित छु छु देशय् तंमय्‌ जबरजस्‍ती पित छ्वयागु खः अनं इमित लित हयाः थ्‍व हे शहरय् मुंके। जिं इमित याउँक च्‍वनेबी।

यर्मिया 36:7

सके इमिसं परमप्रभुयात प्रार्थना याइ ला। सकसिनं थथःगु मभिंगु पहःचहः त्‍वःती ला, छाय्‌धाःसा परमप्रभुं थ्‍व जातिया विरोधय् हये धयादीगु तं तःधं।”

यर्मिया 37:10

छिपिंलिसें ल्‍वाइपिं बेबिलोनीतय्‌गु फुक्‍क सेनायात छिमिसं त्‍याकल धाःसां अले इमि घाःपाः जूपिं जक पालय् ल्‍यनाच्‍वन धाःसां इपिं घाःपाः जूपिं वयाः थ्‍व शहरयात मिं नकाबी।”

यर्मिया 6:12

जिं थःगु ल्‍हाः थ्‍व देशय् च्‍वंपिनिगु विरोधय् ल्‍ह्वनेबलय् इमिगु छेँ, बुँ व मिस्‍त फुक्‍क मेपिनिगु जुइ,” परमप्रभुं धयादी।

विलाप 2:3

थःगु तसकं तःधंगु तमय् वय्‌कलं इस्राएलया दक्‍व शक्तियात नाश यानादिल। शत्रुतय्‌गु न्‍ह्यःने हे वय्‌कलं थःगु सुरक्षाया जःपा ल्‍हाः लिकयादिल। वय्‌कःयागु तं याकूबयाके प्‍यखेरं भस्‍म याइगु मि थें च्‍यात।

इजकिएल 39:3

अन जिं छंगु खव ल्‍हातय् दुगु धनुसयात कय्‌के, अले छंगु जव ल्‍हातय् दुगु वाणयात कुर्काबी।

इजकिएल 5:8

“उकिं जि, परमप्रभु परमेश्‍वरं थथे धाये – हे यरूशलेम, जि हे छंगु विरोधय् दु, अले मेगु जातितय्‌गु न्‍ह्यःने हे जिं थःम्‍हं छन्‍त सजाँय बी।

व्‍यवस्‍था 4:23

होश या! परमप्रभु छिमि परमेश्‍वरं छिपिंलिसें यानादीगु बाचा ल्‍वःमंके मते! वय्‌कलं दय्‌के मते धकाः धयादीगु छुकियागु नं मूर्ति दय्‌के मते!

व्‍यवस्‍था 4:34

छिमि परमप्रभु परमेश्‍वरं छिमित मिश्रय् यानादी थें छु सुं द्यवं मेगु जातिया दथुं पित हयाः थः मनूत दय्‌कूगु दु ला? छिमिसं खंक हे वय्‌कलं थःगु बल्‍लागु ल्‍हाः व चकंगु लँपु छ्यलादिल। वय्‌कलं महामारी व लडाइँ हयादिल, अले अजू चाइपुगु व ग्‍यानापुस्‍से च्‍वंगु ज्‍या यानादिल ला?