यर्मिया 21:4 - नेवाः बाइबल

⁴ ‘परमप्रभु इस्राएलया परमेश्‍वरं थथे धयादी, पःखाःया पिने घेरय् यानाच्‍वंपिं बेबिलोनीत व बेबिलोनया जुजुलिसें ल्‍वायेत छिमिसं छ्यलाच्‍वंगु छिमिगु ल्‍हातय् दुगु हतियार जिं थःम्‍हं हे छिमिगु विरोधय् छ्यले त्‍यनागु दु। अले व फुक्‍क हतियार मुंकाः जिं थ्‍व शहर दुने हये।

यर्मिया 21:4 ပူးပေါင်းရင်းမြစ်များ

यशैया 10:4

छिपिं कैदीत जुयाः लुफिं हानाः क्‍वःदइ वा सीपिनिगु दथुइ लानाच्‍वनी। अज्‍ज नं वय्‌कःया तं क्‍वलाःगु मदुनि, अले वय्‌कःया ल्‍हाः ल्‍ह्वनातःगु हे दनि।

यशैया 13:4

न्‍यँ, पर्वतय् तःसलं हाला हःगु सः, हूल हूल मनूतय्‌गु सः अले जाति जाति व राज्‍य राज्‍यत मुनाः हाला हःगु थें च्‍वं। दक्‍व शक्ति दुम्‍ह परमप्रभुं लडाइँया निंतिं सिपाइँत मुंकूगु दु।

यशैया 5:5

स्‍व, जिं जिगु दाखक्‍यबयात छु याये, व जिं छिमित धाये – जिं उकिया बाःर चीकाछ्वये, उकियात नाश जुइके बी, जिं उकिया पःखाः थुनाबी, गुँपशुतय्‌त व न्‍हुत्तुमत्तु न्‍हुकेबी।

यर्मिया 20:4

छाय्‌धाःसा परमप्रभुं थथे धयादी, ‘जिं थःम्‍हं हे छन्‍त छंगु थःगु हे निंतिं व छिमि पासापिनिगु निंतिं भयया कारण यानाबी। छं खंक हे इमित इमि शत्रुतय्‌गु तरवारं स्‍याइ। जिं फुक्‍क यहूदायात बेबिलोनया जुजुया ल्‍हातय् लःल्‍हानाबी। वं इमित ज्‍वनाः बेबिलोनय् यंकी, अथवा इमित तरवारं स्‍याइ।

यर्मिया 21:3

अले यर्मियां इमित धाल, “छिमिसं सिदकियाहयात थथे धा,

यर्मिया 32:24

“स्‍वयादिसँ, शहर कब्‍जा यायेत बेबिलोनीतय्‌सं प्‍यखेरं घेरय् याःगु दु। तरवार, अनिकाल व महामारीया कारणं शहर इमिगु ल्‍हातय् लाइ। छिं धयादीगु फुक्‍क खँ आः पूवन, व छिं खं।

यर्मिया 32:3

यहूदाया जुजु सिदकियाहं वयात थथे धयाः कुनातःगु खः, “छं छाय् थथे धयाः अगमवाणी ल्‍हानागु, ‘परमप्रभुं थथे धयादी – जिं थःम्‍हं हे थ्‍व शहर बेबिलोनया जुजुया ल्‍हातय् बीत्‍यनागु दु, वं थ्‍व का हे काइ।

यर्मिया 32:5

वं सिदकियाहयात बेबिलोनय् यंकी, जिं वयागु न्‍याय मयाःतले व अन हे च्‍वनी।’ परमप्रभुं धयादी, ‘छिपिं बेबिलोनीतनापं ल्‍वाःसां छिपिं ताःलाइ मखु।’”

यर्मिया 33:5

गुगु बेबिलोनीतलिसें लडाइँ जूबलय् थुंगु खः, ‘जिगु तंमय्‌ जिं स्‍याइपिं मनूतय्‌गु सीम्‍हं छेँत जाइ। थुकियागु फुक्‍क मभिंगु ज्‍याया निंतिं जिं थ्‍व शहरपाखें थःगु ख्‍वाः सुचुके।

यर्मिया 35:17

“उकिं दक्‍व शक्ति दुम्‍ह परमप्रभु परमेश्‍वर, इस्राएलयाम्‍ह परमेश्‍वरं थथे धयादी, ‘स्‍व! जिं थम्‍हं हे यरूशलेम व यरूशलेमय् च्‍वंपिं सकसिके जिं धयागु विपत्ति हयेत्‍यनागु दु। जिं इमित धया, तर इमिसं मन्‍यन, जिं इमित सःता, तर इमिसं लिसः मब्‍यू।’”

यर्मिया 39:3

अले बेबिलोनयाम्‍ह जुजुया सकलें हाकिमत वयाः दथुइच्‍वंगु ध्‍वाखाय् च्‍वन। इपिं हाकिमत थुपिं खः - सम्‍गरयाम्‍ह नेर्गल-सरेसर, मू हाकिम नेबो-सर्सेकिम, छम्‍ह तःधंम्‍ह हाकिम नेर्गल-सरेसर व बेबिलोनयाम्‍ह जुजुया मेपिं सकलें हाकिमत।

यर्मिया 52:18

इमिसं वेदी सफा यायेबलय् छ्यलीगु बेल्‍चा व नौ तयेगु थल, मत मिले याइगु ज्‍वलंत, बलि बीबलय् हि फइगु थलत, मकःत व आम्‍खुरा, ख्‍वल्‍चा, करुवा, फुक्‍क कँय्‌यागु सामान यंकल।

विलाप 2:3

थःगु तसकं तःधंगु तमय् वय्‌कलं इस्राएलया दक्‍व शक्तियात नाश यानादिल। शत्रुतय्‌गु न्‍ह्यःने हे वय्‌कलं थःगु सुरक्षाया जःपा ल्‍हाः लिकयादिल। वय्‌कःयागु तं याकूबयाके प्‍यखेरं भस्‍म याइगु मि थें च्‍यात।

विलाप 2:5

परमप्रभु शत्रु थें जुयादीगु दु, वय्‌कलं इस्राएलयात नाश यानादीगु दु। वय्‌कलं इस्राएलया दक्‍व बांबांलाःगु छेँत भज्‍यंक नाश यानादिल अले वया दक्‍व किल्‍लात थुनादीगु दु। वय्‌कलं यहूदाया म्‍ह्याय्‌यागु दुःखकष्‍ट व विलाप अप्‍वय्‌का ब्‍यूगु दु।

विलाप 2:7

परमप्रभुं थःगु वेदीयात मनंनिसें त्‍वःतादीगु दु, थःगु पवित्र थाय्‌यात त्‍वःतादीगु दु। वयागु दरबारतय्‌गु अंगःत तछ्यायेत वय्‌कलं शत्रुतय्‌गु ल्‍हातय् बियादिल। इपिं परमप्रभुया देगलय् हे नखःचखःया दिनय् थें सः थ्‍वय्‌कः हाल।

इजकिएल 39:3

अन जिं छंगु खव ल्‍हातय् दुगु धनुसयात कय्‌के, अले छंगु जव ल्‍हातय् दुगु वाणयात कुर्काबी।

होशे 9:12

इमिसं मचा बुइकाः तःधिकः याःसां जिं व मचायात काये। हाय! गज्‍याःगु दुःख इमित, गुबलय् जि इपिंपाखें लिहां वये।

जकरिया 14:2

जिं फुक्‍क जातितय्‌त यरूशलेमलिसे लडाइँ यायेत मुंके, अले व शहरयात काइ, छेँ पतिकं लुतय् याइ। अले मिस्‍तय्‌त बलात्‍कार याइ। शहरयापिं बच्‍छि मनूतय्‌त ज्‍वनाः विदेशय् यंकी। ल्‍यंदुपिं मनूत धाःसा शहरय् हे च्‍वनी।

मत्ती 22:7

“जुजुं तमं मि जुयाः सिपाइँतय्‌त छ्वयाः व ज्‍यानमारातय्‌त स्‍याकल। अले इमिगु शहर नं छ्वय्‌काबिल।