यर्मिया 21:12 - नेवाः बाइबल

¹² अय् दाऊदया घराना, परमप्रभुं थथे धयादी, “‘सुथ पतिकं न्‍याय या, सुयातं लुतय् याःगु खः वयात अत्‍याचार याःम्‍हय्‌सिगु ल्‍हातं त्‍वःतकि। मखुसा छिमिगु मभिंगु ज्‍यां यानाः जिगु तं मि थें ह्वानाह्वाना च्‍याइ। सुनानं उकियात क्‍वलाके फइ मखु।

यर्मिया 21:12 ပူးပေါင်းရင်းမြစ်များ

२ शमूएल 8:15

दाऊदं इस्राएल न्‍यंक शासन यात। वं फुक्‍कसिगु लागि खःकथं व न्‍यायकथं ज्‍या यात।

अय्‍यूब 29:17

जि मभिंम्‍ह मनूया वाकुधीयात त्‍वःथुला बीगु, अले वयागु म्‍हुतुं जिं शिकारयात लाकाकायेगु।

भजनसंग्रहया सफू 101:8

जिं न्‍हियान्‍हिथं सुथ पतिकं देशय् च्‍वंपिं दुष्‍टतय्‌त न्‍हंकेगु याये। परमप्रभुया शहरं मभिं ज्‍या याइपिं सकसितं पितिनाछ्वये।

प्रस्‍थान 18:13

कन्‍हय् खुन्‍हु मोशा मनूतय्‌गु न्‍याय यायेत फ्‍यतुल। सुथंनिसें बहनि तक मनूत वयागु जवंखवं दनाच्‍वन।

यशैया 1:17

भिं याये सय्‌कि। फुक्‍कसिगु निसाफ या, क्‍वत्‍यय्‌का च्‍वनेमाःपिन्‍त ग्‍वाहालि या, मांबौ मदुपिं मचातय्‌गु रक्षा या, विधवा मिसाया पंलिनाः नवानाब्‍यु।

यशैया 1:31

तसकं बल्‍लाःपिं मनूत सुका थें बमलाइ, इमिसं न्‍ह्याःगु याःसां मिकुचा थें जक जुइ निगुलिं छक्‍वलं भस्‍म जुइ, मि स्‍याइम्‍ह सुं दइ मखु।”

यशैया 7:13

अनंलि यशैयां धाल, “हे दाऊदया घराना, न्‍यँ! मनूतय्‌गु धैर्ययात जाँचय् यानाः मगात ला? छु छं जिमि परमेश्‍वरया धैर्ययात नं जाँचय् यायेगु ला?

यशैया 7:2

“अरामं इस्राएललिसें सन्‍धि यात” धयागु खँ दाऊदया घरानायाम्‍ह जुजु आहाजं न्‍यन। अबलय् यहूदाया जुजु व फुक्‍क प्रजात तसकं ग्‍यात इपिं ला फसं सिमात संकू थें हे थुर्र थुर्र खात।

यर्मिया 17:4

जिं छिमित सर्बयकथं बियागु जमिन छिमिगु थःगु हे दोषं यानाः छिमिसं त्‍वःते माली। छिमिसं म्‍हमस्‍यूगु देशय् जिं छिमित छिमि शत्रुतय्‌गु सेवा याकेबी। छाय्‌धाःसा जिगु तं मि थें जूगु दु, अले व न्‍ह्याबलें च्‍यानाच्‍वनी।”

यर्मिया 21:5

ल्‍हाः ल्‍ह्वनाः बल्‍लाःगु लप्‍पां जि थः हे तच्‍वःगु तम्‍वय् व क्रोधय् छिपिंलिसें ल्‍वाये।

यर्मिया 23:19

स्‍व, तम्‍वय् परमप्रभुयागु ग्‍वःफय् मुयावइ, दुष्‍टतय्‌गु छेनय् व न्‍याइ।

यर्मिया 23:2

अथे जूगुलिं थः मनूतय्‌त ज्‍वइपिं फैजवाःतय्‌त परमप्रभु इस्राएलयाम्‍ह परमेश्‍वरं थथे धयादी, “छिमिसं जिगु बथांयात छ्यालब्‍याल यानाबिल, छिमिसं इमित लिनाछ्वत, इमित मस्‍वः। उकिं छिमिसं याःगु मभिंगु ज्‍याया निंतिं जिं थःम्‍हं हे छिमित सजाँय बी,” परमप्रभुं धयादी।

यर्मिया 23:5

“स्‍व, थज्‍याःगु दिं वयाच्‍वंगु दु, गबले जिं दाऊदया वंशपाखें छगू धर्मी कचायात पिकाय्। वं जुजु जुयाः बुद्धिं शासन याइ। वं देशय् न्‍याय व पाय्‌छिगु ज्‍या याइ।

यर्मिया 36:7

सके इमिसं परमप्रभुयात प्रार्थना याइ ला। सकसिनं थथःगु मभिंगु पहःचहः त्‍वःती ला, छाय्‌धाःसा परमप्रभुं थ्‍व जातिया विरोधय् हये धयादीगु तं तःधं।”

यर्मिया 4:4

हे यहूदा व यरूशलेमयापिं मनूत, परमप्रभुया न्‍ह्यःने थःगु नुगः हिकी। मखुसा छिमिसं याःगु मभिंगु ज्‍यां यानाः जिगु तं मि थें च्‍यानाः पिहां वइ। सुनानं उकियात स्‍याये फइ मखु।

यर्मिया 44:22

छिमिसं याःगु मभिंगु ज्‍या व घच्‍चाइपुगु ज्‍या परमप्रभुं यक्‍व अप्‍वः सह यानादी मफुत। अले छिमिगु देश झिजांमिजां दंगु, मनू मदुगु सुनसान थाय् जुल। अले मनूतय्‌सं छिमिगु नां कयाः सराः बियेगु यानावयाच्‍वंगु दु, थौं नं अथे जुयाच्‍वंगु दु।

यर्मिया 5:14

अथे जुयाः दक्‍व शक्ति दुम्‍ह परमप्रभु परमेश्‍वरं थथे धयादी, “मनूतय्‌सं थज्‍याःगु खँ धयाच्‍वंगुलिं जिं थःम्‍हं हे थःगु वचन छंगु म्‍हुतुइ मि, अले थुपिं मनूतय्‌त भस्‍म जुइगु सिँ दय्‌काबी।”

यर्मिया 5:28

इपिं यक्‍व नयाः ल्‍ह्वंगु दु। इमिसं मभिंगु ज्‍या यायेगु गुबलें त्‍वःती मखु। इमिसं मांबौ मदुपिनिगु हक लाका काइ, मगाःमचाःपिनिगु न्‍याय याइ मखु।

यर्मिया 7:20

उकिं परमप्रभु परमेश्‍वरं धयादी, “थ्‍व थासय् जिं जिगु तं प्‍वंकाबी। मनू व पशु, ख्‍यलय् च्‍वंगु सिमा व बुँया बाली प्‍वंकाबी। जिगु तं मि थें च्‍यानाच्‍वनी, सुनानं उकियात क्‍वलाके फइ मखु।”

यर्मिया 7:5

छिमिसं धात्‍थें हे थःगु पहःचहः व ज्‍या भिंकल, छिमिसं छम्‍हय्‌सिनं मेम्‍हय्‌सित बांलाःगु व्‍यवहार यात धाःसा,

विलाप 4:11

तर आः परमप्रभुया तं क्‍वलात, वय्‌कलं थःगु च्‍याःगु तं प्‍वंकादिल। वय्‌कलं सियोनय् मि च्‍याकादिल, अथे जुयाः वयागु जगत दक्‍वं भज्‍यंक नाश जुल।

इजकिएल 22:31

उकिं जिं इमिके जिगु तंया मि प्‍वंकाः इमित भस्‍म याये। इमिसं याःगु फुक्‍क ज्‍या इमिगु हे छेनय् हयाबी, परमप्रभु परमेश्‍वरं धयादी।”

लेवी 26:28

जि तंचायाः छिमिगु विरोधय् वने, अले छिमिगु पापया लागिं जिं छिमित हानं न्‍हय्‌दुगं अप्‍वः सजाँय बी।

नहूम 1:6

वय्‌कःया तंया न्‍ह्यःने सु दने फइ? वय्‌कःयागु तच्‍वःगु तं सुनां सह याये फइ? वय्‌कःयागु च्‍यानाच्‍वंगु तं मि थें प्‍वंकी, अले वय्‌कःया न्‍ह्यःने ल्‍वहँधीत तज्‍याइगु जुइ।

सपन्‍याह 1:18

परमप्रभुया तंया दिंखुन्‍हु इमिगु लुँ व वहःनं इमित बचय् याये फइ मखु।” वय्‌कःयागु नुगः मुयाः पिहां वःगु मिं फुकं देशयात झ्‍वाः याइ छाय्‌धाःसा वय्‌कलं पृथ्‍वीयापिं सकल मनूतय्‌त आकाझाकां ग्‍यानपुस्‍से च्‍वंक न्‍हंकादी।

सपन्‍याह 3:5

इमिगु दथुइ च्‍वनादीम्‍ह परमप्रभु धर्मीम्‍ह खः, वय्‌कलं गुबलय् नं अन्‍याय यानादी मखु। वय्‌कलं सुथय् पतिकं थःगु न्‍याय क्‍यनादी। न्‍हियान्‍हिथं वय्‌कः चुकय् जुयादी मखु। अधर्मीतय्‌सं लाज धयागु हे सी मखु।

लूका 1:69

वय्‌कलं हे झीत छम्‍ह तसकं तःधंम्‍ह मुक्तिदाता बियादिल। झीम्‍ह मुक्तिदाता वय्‌कःया च्‍यः जुजु दाऊदया सन्‍तानपाखें झाइ।

रोमी 13:4

इपिं छिमित भिंगु यायेत तयातःपिं परमेश्‍वरया सेवकत खः। अय्‌नं छिमिसं मभिंगु ज्‍या याना जुल धाःसा इपिं खनाः छिपिं ग्‍याये माली, छाय्‌धाःसा सुनानं म्‍वाय्‌कं तरवार घाना वइ मखु। इपिं मभिंगु ज्‍याखँ यानाजुइपिन्‍त सजाँय बीत तयातःपिं परमेश्‍वरया सेवकत खः।

व्‍यवस्‍था 32:22

जिगु तं आः मि च्‍याःथें च्‍याये धुंकल। थुकिं पृथ्‍वीइ च्‍वंगु फुक्‍कं भस्‍म यानाबी। थ्‍व पातालय्‌ तक न्‍यनावनी, अले पहाडया हा तकं च्‍याकाबी।