यर्मिया 21:10 - नेवाः बाइबल

¹⁰ जिं थ्‍व शहरयात स्‍यंकेगु क्‍वःछीधुन, भिं यायेगु मखु, जि, परमप्रभुं धाये। थ्‍व शहरयात बेबिलोनयाम्‍ह जुजुया ल्‍हातय् बीगु जुइ। अले वं थ्‍व शहरयात मिं भस्‍म याइ।’

यर्मिया 21:10 ပူးပေါင်းရင်းမြစ်များ

२ इतिहास 36:19

इमिसं परमेश्‍वरया देगलय् मि छ्वय्‌काबिल, अले यरूशलेमया पखाः थुनाबिल, बेबिलोनया सिपाइँतय्‌सं अन दुगु फुक्‍क छेँ मि छ्वय्‌काबिल। अले यरूशलेमय् दुगु फुक्‍क मू वंगु सामान नाश यानाबिल।

भजनसंग्रहया सफू 34:16

मभिंगु ज्‍या याइपिनिपाखें धाःसा वय्‌कः फस्‍वयादी, अले इमिगु नां तक हे मल्‍यंक नाश यानादी।

यर्मिया 17:27

तर विश्रामबारयात पवित्र मानय् या! अले विश्रामबार खुन्‍हु कु क्‍वबियाः यरूशलेमया ध्‍वाखा ध्‍वाखाय्‌ जुयाः दुहां वये मते धइगु जिगु खँ छिमिसं ध्‍यान बियाः मन्‍यन धाःसा जिं उकिया ध्‍वाखात मि तयाबी। अले थुकिं यरूशलेमया किल्‍लात भज्‍यंक नाश याइ।’”

यर्मिया 26:6

जिं थ्‍व देगःयात शीलोयात थें नाश यानाबी, अले पृथ्‍वीयागु फुक्‍क जातितय्‌सं थ्‍व शहरया नां कयाः सराः बी।’”

यर्मिया 33:5

गुगु बेबिलोनीतलिसें लडाइँ जूबलय् थुंगु खः, ‘जिगु तंमय्‌ जिं स्‍याइपिं मनूतय्‌गु सीम्‍हं छेँत जाइ। थुकियागु फुक्‍क मभिंगु ज्‍याया निंतिं जिं थ्‍व शहरपाखें थःगु ख्‍वाः सुचुके।

यर्मिया 34:2

“परमप्रभु, इस्राएलयाम्‍ह परमेश्‍वरं थथे धयादी – यहूदायाम्‍ह जुजु सिदकियाहयाथाय् वनाः वयात थथे धा, ‘परमप्रभुं थथे धयादी – स्‍व! जिं थःम्‍हं हे थ्‍व शहरयात बेबिलोनयाम्‍ह जुजुया ल्‍हातय् बीत्‍यनागु दु। वं थुकियात मिं नकाबी।

यर्मिया 34:22

परमप्रभुं धयादी, ‘जिं थःम्‍हं हे आज्ञा बी, अले इमित थ्‍व शहरय् लित हये। इमिसं लडाइँ यानाः थ्‍व शहरयात त्‍याकाकाइ, अले थुकियात मिं नकाबी। अले जिं यहूदाया शहरयात मनू मदुगु सुनसान थाय् यानाबी।’”

यर्मिया 38:17

अले यर्मियां सिदकियाहयात धाल, “दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, ‘छि बेबिलोनयाम्‍ह जुजुया हाकिमतय्‌थाय् वन धाःसा बचय् जुइ अले थ्‍व शहरयात छ्वय्‌काबी मखु, छि व छिगु परिवार बचय् जुइ।

यर्मिया 38:18

तर छि बेबिलोनयाम्‍ह जुजुया हाकिमतय्‌थाय् मवन धाःसा थ्‍व शहरयात बेबिलोनीतय्‌गु ल्‍हातय् बिइगु जुइ, अले इमिसं थुकियात छ्वय्‌काबी, छि इमिगु ल्‍हातं बचय् जुइ फइ मखु।’”

यर्मिया 38:23

“छिकपिनि सकलें कलाःपिं व काय् म्‍ह्याय्‌पिन्‍त बेबिलोनीतय्‌थाय् यंकी। छि थः नं इमिगु ल्‍हातं बचय् जुइ मखु। छितः बेबिलोनयाम्‍ह जुजुं ज्‍वना यंकी। अले थ्‍व शहरयात मि तयाः छ्वय्‌काबी।”

यर्मिया 38:3

अले परमप्रभुं थथे धयादी, ‘थ्‍व शहरयात धात्‍थें हे बेबिलोनयाम्‍ह जुजुया ल्‍हातय् लःल्‍हाइ। वं थुकियात त्‍याकाकाइ।’”

यर्मिया 39:16

“वनाः कूशी एबेद-मेलेकयात धा, ‘दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी – जिं थ्‍व शहरय् भिं मखु, विनाश हयाः जिं थःम्‍हं हे धयागु खँ जिं पूवंकेत्‍यनागु दु। थ्‍व खँ उखुन्‍हु छंगु मिखाया न्‍ह्यःने हे पूवनी।

यर्मिया 39:8

बेबिलोनीतय्‌सं दरबार व मनूतय्‌गु छेँ छ्वय्‌काबिल, इमिसं यरूशलेमया पःखाः थुनाबिल।

यर्मिया 44:11

“उकिं दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी – स्‍व, जि थः हे छिमिगु विरोधय् वनाः छिमित स्‍यंके, अले यहूदाय् मनूत छम्‍ह नं मदय्‌काबी।

यर्मिया 44:27

छाय्‌धाःसा जिं इमित भिंया लागि मखु तर मभिंया लागि स्‍वयाच्‍वनागु दु, मिश्र देशय् दुपिं सकलें यहूदाया मनूत नाश मजुतले तरवार व अनिकालं सी।

यर्मिया 52:13

वं परमप्रभुया देगः, जुजुया दरबार, व यरूशलेमया फुक्‍क छेँ मिं नकाबिल। वं ततःखाःगु फुक्‍क छेँ मिं नकाबिल।

इजकिएल 15:7

अले जिं थःगु ख्‍वाः इमिगु विरोधय् तये, इपिं मिं पिहां वःसां इमित मिं हे भस्‍म यानाबी। जिं थःगु ख्‍वाः इमिगु विरोधय् स्‍वय्‌केबलय् छिमिसं जि हे परमप्रभु खः धकाः सी।

इजकिएल 24:11

अले थल खालि यानाः मिया च्‍वय् ति, व क्‍वायेमा, उकिया सिजः ह्याँउसे च्‍वनेमा। अले उकिया दुनेया फोहर नाया वनेमा, उकिया खतं नःगु क्‍वयावनेमा।

लेवी 17:10

“‘इस्राएलीत वा इपिं नापं च्‍वनाच्‍वंपिं परदेशीत मध्‍ये सुनानं हि नल धाःसा जिं व हि नइम्‍ह मनूयागु विरोध याये, अले वयात थः मनूतपाखें पितिनाछ्वये।

लेवी 26:17

जिं थःगु ख्‍वाः फस्‍वय्‌के। गुकें यानाः छिपिं शत्रुतय्‌गु ल्‍हातिं बुइ। छिमित हेपय् याइपिन्‍सं छिमित शासन याइ, सुनानं लिनाच्‍वंगु मदुसां छिपिं बिस्‍युं वनाच्‍वनी।

आमोस 2:5

अथे जुयाः जिं यहूदाय् मि तयाबी, उकिं यरूशलेमया किल्‍लात भज्‍यंक नाश याइ।”

आमोस 9:4

शत्रुतय्‌सं इमित ज्‍वनायंकूसां जिं इमित स्‍यायेत आज्ञा बी। “जिं इमिके विपत्ति हयेगु पक्‍का यानागु दु, इमित ग्‍वाहालि यायेगु निंतिं मखु।”

जकरिया 1:6

अय्‌नं जिं थः दास अगमवक्तातय्‌पाखें छिमि पुर्खातय्‌त बियागु वचन व ख्‍याच्‍वः इमिके पूरा जुल। “अले इमिसं पस्‍ताय् चायाः धाल, ‘दक्‍व शक्ति दुम्‍ह परमप्रभुं झीगु पहःचहः व ज्‍याकथं झीलिसें छु यायेगु क्‍वःछिनादीगु खः व वय्‌कलं झीपिंलिसे यानादिल।’”