यर्मिया 20:9 - नेवाः बाइबल

⁹ तर “जिं वय्‌कःया खँ पिकाये मखु, जिं हाकनं गुबलें वय्‌कःया नामय् नवाये मखु” धकाः जिं धाल धाःसा वय्‌कःया वचन जिगु नुगलय् च्‍यानाच्‍वंगु व जिगु क्‍वँचय् कुनाच्‍वंगु मि थें जुइ। उकियात पँपं जितः त्‍यानुसे च्‍वनी। धात्‍थें जिं व सह याये मफु।

यर्मिया 20:9 ပူးပေါင်းရင်းမြစ်များ

भजनसंग्रहया सफू 39:3

जितः झन छु याये छु याये जुयावल। गुलि बिचाः यात उलि हे मिं पूथें जुयावल। अले जिं थथे मधासे च्‍वने मफुत,

यर्मिया 23:29

जिगु वचन मि थें मच्‍वं ला? छु व ल्‍वहंयात तछ्याइगु छगू तःधंगु मुगः थें मच्‍वं ला?”

यर्मिया 23:9

अगमवक्तातय्‌गु बारे धाःसा जिगु नुगः पिच्‍याःगु दु। जिगु फुक्‍क क्‍वँय् थुरथुर खानाच्‍वंगु दु। परमप्रभु व वय्‌कःया पवित्र वचनया कारणं जि अय्‌लाखं काःम्‍ह मनू थें जूगु दु। दाखमद्यं काःम्‍ह मनू थें।

यर्मिया 4:19

जिगु नुगः! जिगु नुगः! जिगु नुगः स्‍यानाः वाथा वाथा कनाच्‍वंगु दु। जि सुम्‍क च्‍वने मफु। जिं तुरहीया सः व लडाइँया सः ताःगु दु।

यर्मिया 6:11

तर जि परमप्रभुया तमं जाःगु दु, अले जिं थुकियात पनातये मफु। “थुकियात लँय् दुपिं मस्‍तय्‌थाय् व ल्‍याय्‌म्‍हपिं मनूत मुनाच्‍वंथाय् प्‍वंकाब्‍यु! छाय्‌धाःसा कलाः भाःतपिं सकसितं ज्‍वनाः यंकीगु जुइ। बाज्‍यःवंपिं व ज्‍याथपिं तकं बचय् जुइ मखु।

इजकिएल 3:14

अले आत्‍मां जितः ल्‍ह्वनाः यंकादिल। म्‍हाइपुसे च्‍वंकाः तंमय्‌ जि वना। परमप्रभुया शक्ति जिके दुगु जुल।

इजकिएल 3:3

अनंलि वय्‌कलं जितः धयादिल, “अय् सीमानिम्‍ह मनू, जिं छन्‍त बियागु थ्‍व भ्‍वंथू न, थुकिं छंगु प्‍वाः जाय्‌की!” उकिं जिं व भ्‍वंथू नया, व जिगु म्‍हुतुइ कस्‍ति थें चाकुसे च्‍वन।

आमोस 3:8

सिंह गर्जय् जुइबलय् सु मग्‍याइ? परमेश्‍वरं न्‍ववानादीबलय् सुनां अगमवाणी न्‍वमवासे च्‍वने फइ?

योना 1:2

“तःधंगु शहर निनवेयापिं मनूतय्‌सं यानाच्‍वंगु मभिंगु ज्‍याखँ जिं स्‍यू। अथे जुयाः याकनं छ अन वनाः इमित उकिया लागि छिमित परमेश्‍वरं सजाँय बियादी धकाः धाः हुँ।”

योना 1:3

योना परमप्रभुयापाखें बिस्‍युं वनेत मेखे स्‍वयाः वन। व योप्‍पा थ्‍यन। वं अन तार्शीश वनेत्‍यंगु जहाज नापलात। धिबा पुलाः व जहाजय् च्‍वन। परमप्रभुयापाखें बिस्‍युं वनेत व तार्शीशपाखे वन।

लूका 9:62

वय्‌कलं वयात धयादिल – “हलो जोतय् यायां लिफः स्‍वया च्‍वनीम्‍ह मनू परमेश्‍वरया राज्‍ययागु ज्‍या यायेत मल्‍वः।”

प्रेरित 17:16

एथेन्‍सय् सिलास व तिमोथीयात पियाच्‍वंबलय् पावलं अन मूर्तिया मूर्ति जक खनाः तसकं नुगः मछिंकल।

प्रेरित 18:5

माकेडोनियां सिलास व तिमोथी कोरिन्‍थय् थ्‍यंकः वये धुंकाः पावलं मुक्‍कं भिंगु खँ जक न्‍यंका जुइगु यात। वं येशू हे मुक्ति बीम्‍ह ख्रीष्‍ट खः धकाः यहूदीतय्‌त साक्षी बियाजुल।

प्रेरित 4:20

जिमिसं थःपिन्‍सं खंगु व ताःगु खँ मधासे च्‍वने मफु।”