यर्मिया 20:7 - नेवाः बाइबल

⁷ हे परमप्रभु, छिं जितः ह्यय्‌कादिल। जिं थःत ह्यय्‌के बिया। छि जि स्‍वयाः बल्‍लाः, छिं जितः त्‍याकादीगु दु। न्‍हियान्‍हिथं जितः हेस्‍याइगु। सकलें जि खनाः न्‍हिलीगु।

यर्मिया 20:7 ပူးပေါင်းရင်းမြစ်များ

२ राजा 2:23

अनं एलीशा बेथेलय् थहां वन। व लँय् वनाच्‍वंबलय् शहरं छुं मिजंमस्‍त वयाः वयात थथे धयाः गिजय् यात, “अय् पाचु छ्यं, छ च्‍वय् थाहां हुँ। अय् पाचु छ्यं, छ च्‍वय् थाहां हुँ!”

अय्‍यूब 12:4

जिं परमेश्‍वरयात प्रार्थना याना, अले वय्‌कलं जितः लिसः बियादीगु जूसां जि जिमि पासापिनिगु निंतिं छगू न्‍हिइकीगु खँ जूगु दु। धर्मीम्‍ह व छुं दोष मदुम्‍ह मनू जूसां न्‍हिइकीगु खँ जूगु दु।

अय्‍यूब 30:9

“आः जितः इमि काय् म्‍ह्याय्‌पिन्‍सं हेस्‍याइगु। इमिगु दथुइ जि न्‍हिइकीगु खँ जूगु दु।

भजनसंग्रहया सफू 119:51

तःधंछु जुइपिन्‍सं जितः यक्‍व हे हिस्‍याःगु दु, अय्‌नं छिगु व्‍यवस्‍थापाखें जि लिचिलागु मदु।

यशैया 8:11

थुपिं मनूतय्‌गु लँपुइ जुइ मते धकाः थःगु तःधंगु शक्तिं परमप्रभुं जितः ख्‍याच्‍वः बियादीगु दु। वय्‌कलं जितः थथे धयादी,

यर्मिया 15:10

हाय, जिमि मां, छाय् छिं जितः बुइकादिया? जिलिसें फुक्‍क देशं ल्‍वापु व जवाःसवाः याइगु। जिं न त्‍याय् बियागु दु, न त्‍याय्‌ कयागु दु, अय्‌नं सकसिनं जितः सराः बीगु।

यर्मिया 15:18

जितः छाय् दुःख जुया तुं च्‍वंगु? जिगु घाःपाः छाय् तसकं स्‍याःगु व मलंगु? छु छि जिगु लागि धोखा बीगु खुसिचा थें व लः मदुगु मुहान थें खः ला?

यर्मिया 17:16

छिम्‍ह फैजवाः जुइगुपाखें जि बिस्‍युं वनागु मदु। जिं निराशया दिंया इच्‍छा यानागु मदु धकाः छिं स्‍यू। हे परमप्रभु, जिं छु धया व छिगु हे न्‍ह्यःने धाःगु खः धकाः छिं स्‍यू।

यर्मिया 20:9

तर “जिं वय्‌कःया खँ पिकाये मखु, जिं हाकनं गुबलें वय्‌कःया नामय् नवाये मखु” धकाः जिं धाल धाःसा वय्‌कःया वचन जिगु नुगलय् च्‍यानाच्‍वंगु व जिगु क्‍वँचय् कुनाच्‍वंगु मि थें जुइ। उकियात पँपं जितः त्‍यानुसे च्‍वनी। धात्‍थें जिं व सह याये मफु।

यर्मिया 29:26

‘परमप्रभुं छन्‍त यहोयादा पुजाहारीया पलेसा परमप्रभुया देगःया जिम्‍मा कायेत पुजाहारी ल्‍यःगु खः। छं अन अगमवक्तां थें ज्‍या याइम्‍ह सुं नं वँय्‌यात ककुइ नँ यख्‍खायाः सजाँय बीगु सिँया न्‍यवः न्‍ह्याकाः ब्‍यु।

यर्मिया 38:19

अले सिदकियाह जुजुं यर्मियायात धाल, “बेबिलोनीतय्‌थाय् बिस्‍युं वंपिं यहूदायापिं खनाः जि ग्‍याः। छाय्‌धाःसा बेबिलोनीतय्‌सं जितः इमिगु ल्‍हातय् बिल धाःसा इमिसं जिलिसें बांमलाःगु व्‍यवहार याइ।”

विलाप 3:14

फुक्‍क मनूत जि खनाः न्‍हिलीगु, न्‍हिच्‍छि हे इमिसं जितः हेस्‍यानाः म्‍ये हालीगु।

इजकिएल 3:14

अले आत्‍मां जितः ल्‍ह्वनाः यंकादिल। म्‍हाइपुसे च्‍वंकाः तंमय्‌ जि वना। परमप्रभुया शक्ति जिके दुगु जुल।

होशे 9:7

सजाँयया ई न्‍ह्यःने थ्‍यंकः वःगु दु। इमिगु पापया पलेसा काइगु ई वःगु दु। इस्राएलं थ्‍व खँ सी। छिमिगु यक्‍व पाप व तःधंगु इखयागु कारणं छंगु निंतिं अगमवक्तात मूर्ख व आत्‍मां जाःपिं मनूत वँय् थें जुइ।

योना 4:2

वं परमप्रभुयात धाल, “प्रभु, जिं थःगु देश त्‍वःते न्‍ह्यः थ्‍व हे खँ धयागु मखु ला? उकिं हे ला जि तार्शीशपाखे बिस्‍युं वनेत्‍यनागु खः। छि दया माया दीम्‍ह, तंचायेत लिबाकादीम्‍ह, नुगः क्‍यातुम्‍ह व सजाँय बी मयःम्‍ह खः धकाः जिं स्‍यू।

मीका 3:8

तर जि ला परमप्रभुया शक्तिं जाःगु दु, परमप्रभुया आत्‍मां जाःगु दु, अले न्‍याय व शक्तिं जाःगु दु। याकूबयात वयागु अपराध व इस्राएलयात वयागु पाप कनाबीत।

लूका 16:14

धिबा जक दुसा गाःपिं फरिसीतय्‌सं वय्‌कलं धयादीगु खँ न्‍यनाः वय्‌कःयात गिजय् यात।

लूका 23:11

अले हेरोद व वया सिपाइँतय्‌सं वय्‌कःयात गिजय् याये फक्‍व यानाः जुजुयागु थें ज्‍याःगु लं फिकाः पिलातसयाथाय् तुं लित छ्वयाहल।

प्रेरित 17:18

छन्‍हु पावलं इपिक्‍युरी व स्‍तोइकी दार्शनिकतय्‌त नापलात। पावलं इमित येशूयागु खँ व येशू सिनाः म्‍वानावःगु खँ न्‍यंकल। गुलिं गुलिंसिनं वयात थथे नं धाल – “थ्‍व मनू छु धकाः हालाच्‍वंगु?” गुलिसिनं धाल – “थ्‍वं ला अजू चायापुपिं द्यःतय्‌गु खँ न्‍यंकाजूगु थें च्‍वं।”

प्रेरित 17:32

थथे पावलं सीम्‍ह म्‍वाकूगु धकाः धाःगु खँ न्‍यनाः गुलिसिनं वयात हिस्‍यात, अले गुलिसिनं थथे धाल – “थ्‍व खँ जिमिसं हानं न्‍यने मानि।”

१ कोरिन्‍थी 9:6

बारनाबासं व जिं जक ज्‍या यानाः नया जुइमाः धयागु दु ला?

हिब्रू 11:36

गुलिसिनं हेस्‍याकाः जुइ माल, गुलिसिनं कोर्रां दाय्‌के माल, अले गुलिसिनं चिकाः झ्‍यालखानाय् कुंके माल।