यर्मिया 20:5 - नेवाः बाइबल

⁵ जिं थ्‍व शहरया फुक्‍क धन-सम्‍पत्ति, थन सःगु फुक्‍क, फुक्‍क मू वंगु सामान व यहूदाया जुजुपिनिगु फुक्‍क धन-सम्‍पत्ति इमि शत्रुतय्‌गु ल्‍हातय् बी। इमिसं व फुक्‍क बेबिलोनय् यंकी।

यर्मिया 20:5 ပူးပေါင်းရင်းမြစ်များ

२ इतिहास 36:10

बसन्‍तया इलय् नबूकदनेसर जुजुं यहोयाकीनयात ज्‍वनाः देगःया मू वंगु सामाननापं बेबिलोनय् यंकल। अले नबूकदनेसरं वया कका सिदकियाहयात यरूशलेमया व यहूदाया मेगु फुक्‍क थाय्‌या जुजु दय्‌कल।

यशैया 39:6

छंगु दरबारय् दुगु फुक्‍कं व छिमि पुर्खातय्‌सं थौं तक मुंकातःगु फुक्‍क बेबिलोनय् यंकीगु दिं धात्‍थें वइतिनि, छुं नं त्‍वःताथकी मखु, परमप्रभुं धयादी।

यर्मिया 12:12

मरुभूमियागु फुक्‍क नांगा डाँडाय् नाश याइपिं थाहां वःगु दु। परमप्रभुयागु तरवारं देशयागु छगू कुन्‍चांनिसें मेगु कुन्‍चा तक नाश याइ, अले सुं नं सुरक्षित जुइ मखु।

यर्मिया 15:13

“छिमिगु देशन्‍यंक जूगु छिमिगु फुक्‍क पापं यानाः छिमिगु धनसम्‍पत्ति व छिमिगु धुकूया सामान जिं लुतय् यानाहःगु सामान थें सितिकं इनाबी।

यर्मिया 17:3

थ्‍व देशय् दुगु जिगु पर्वत व छिमिगु फुक्‍क धन-सम्‍पत्ति छिमिगु पुजा याइगु थाय्‌नापं देश न्‍यंकया पापया कारणं जिं छिमि शत्रुतय्‌त लुटपाट याकेबी।

यर्मिया 3:24

तर झी ल्‍याय्‌म्‍हबलय् निसें हे उपिं मछालापुसे च्‍वंपिं द्यःतय्‌सं झी पुर्खातय्‌सं कमय् याःगु अर्थात इमि फै-च्‍वलय्, सा द्वहं व इमि काय् म्‍ह्याय्‌पिन्‍त क्‍वाप्‍प नयाबिल।

यर्मिया 32:24

“स्‍वयादिसँ, शहर कब्‍जा यायेत बेबिलोनीतय्‌सं प्‍यखेरं घेरय् याःगु दु। तरवार, अनिकाल व महामारीया कारणं शहर इमिगु ल्‍हातय् लाइ। छिं धयादीगु फुक्‍क खँ आः पूवन, व छिं खं।

यर्मिया 39:2

सिदकियाह जुजुं राज्‍य यानाच्‍वंगु झिंछगूगु दँया प्‍यंगूगु लाया गुंगूगु दिनय् उगु शहरया पःखाः तछ्यात।

यर्मिया 39:8

बेबिलोनीतय्‌सं दरबार व मनूतय्‌गु छेँ छ्वय्‌काबिल, इमिसं यरूशलेमया पःखाः थुनाबिल।

यर्मिया 4:20

छगू विपत्तिया लिपा मेगु विपत्ति वइ। छाय्‌धाःसा देश नाश जुइ धुंकूगु दु। आकाझाकां जिगु पाल नाश जुल, जि शरण कायेगु थाय् पलखं हे नाश जुल।

विलाप 1:10

वया शत्रुतय्‌सं वयागु दक्‍व मू मू वंगु ज्‍वलं लुतय् याःगु दु। मेगु जातियापिं मनूत, सुयात परमप्रभुं थःगु मुंज्‍याय् च्‍वनेत पनादीगु खः, इपिं वयागु पवित्र थासय् दुहां वंगु वं खन।

विलाप 1:7

थःत दुःख जुयाच्‍वंबलय् व थःत आपत जुयाच्‍वंबलय् यरूशलेमं थःगु न्‍हापांगु गौरव लुमंकल। वया मनूत शत्रुतय्‌गु ल्‍हातय् लाःबलय् वयात ग्‍वाहालि याइपिं सुं हे मन्‍त, वया शत्रुतय्‌सं यरूशलेमयागु हासनास खन, अले इपिं व खनाः न्‍हिल।

विलाप 4:12

सुं शत्रु यरूशलेमया मू ध्‍वाखात जुयाः दुहां वनी धकाः पृथ्‍वीया सुं जुजु व संसारया सुं मनुखं विचाः हे मयाः।

इजकिएल 22:25

वया शासकतय्‌सं मभिंगु ग्‍वसाः ग्‍वयाच्‍वंगु दु इपिं शिकारयात काचाकुचु याइपिं सिंह थें गर्जय् जुयाः च्‍वंगु दु। इमिसं मनूतय्‌त नल, इमिसं मू मू वंगु सामान लुतय्‌ यात, अले अनच्‍वंपिं यक्‍व मिस्‍तय्‌त भाःत मदुपिं यानाब्‍यूगु दु।

दानिएल 1:2

परमप्रभुं यहूदाया जुजु यहोयाकीम व देगःयागु लुँ, वहः व कँय्‌यागु छुं थलबल नबूकदनेसरया ल्‍हातय् बियादिल। अले वं थुपिं थलबल बेबिलोनियाय् दुगु थः द्यःया देगलय् यंकाः देगःयागु धुकुतिइ तल।

होशे 13:15

थः दाजुकिजातय्‌गु दथुइ व जियावसां, परमप्रभुपाखें छगू पुर्बया फय् मरुभूमिं जुया वइ। वयागु लःयागु मुहान सुनावनी, अले तुंथि च्‍वंगु लः नं सुनावनी। वयागु दक्‍व मूं वंगु चिज दुगु धुकुति लुतय् याइ।