यर्मिया 20:12 - नेवाः बाइबल

¹² हे धर्मीतय्‌त जाँचय् यानादीम्‍ह अले नुगः व मन दुवालादीम्‍ह दक्‍व शक्ति दुम्‍ह परमप्रभु, छिं इमित बदला कयादीगु जिं स्‍वये दयेमा, छाय्‌धाःसा जिं जिगु मुद्दा छितः हे लःल्‍हानागु दु।

यर्मिया 20:12 ပူးပေါင်းရင်းမြစ်များ

२ इतिहास 24:22

जुजु योआशं जकरियाया बाः यहोयादां थःत याःगु दया ल्‍वःमंकाः वया काय् जकरियायात स्‍याकेबिल। सीगु इलय् वं थथे धाल, “छिमिसं छु यानाच्‍वंगु खः, व परमप्रभुं खनेमा अले छन्‍त सजाँय बियादी।”

भजनसंग्रहया सफू 11:5

परमप्रभुं भिंपिं व मभिंपिं सकसितं जाँचय् यानादी। वय्‌कलं मभिंपिं व मनू स्‍यानाजुइपिन्‍त यय्‌कादी मखु।

भजनसंग्रहया सफू 139:23

हे परमेश्‍वर! जितः जाँचय् यानादिसँ, अले जिगु नुगलय् छु छु दु सिइकादिसँ। जितः लनास्‍वयादिसँ, अले जिगु बिचाः सिइकादिसँ!

भजनसंग्रहया सफू 17:3

छिं चान्‍हय् जिगु बिचाःयात वालाः स्‍वयादीगु दु। अले जिगु नुगःयात दुवालादीगु दु। छिं जितः बांलाक जाँचय् यानादीगु दु। अले जिगु छुं दोष मदु धकाः सीकादीगु दु। जिगु म्‍हुतुं मखुगु व मभिंगु खँ पिहां वइ मखु धकाः जितः विश्‍वास दु।

भजनसंग्रहया सफू 54:7

वय्‌कलं जितः फुक्‍क दुःखकष्‍टं छुत्‍कारा बियादिल। अले वय्‌कलं जिमि शत्रुतय्‌त बुकादीगु जिं खनागु दु।

भजनसंग्रहया सफू 58:10

पापीतय्‌त सजाँय ब्‍यूगु खनाः धर्मी मनूत लय्‌ताइ। इमिसं दुष्‍टतय्‌गु हिं थःपिनिगु तुति सिली।

भजनसंग्रहया सफू 59:10

परमेश्‍वरं जितः माया यानादी। अले वय्‌कः जिथाय् झाइ। परमेश्‍वरं जितः जिमि शत्रुत बूगु क्‍यनादी।

भजनसंग्रहया सफू 62:8

हे मनूत! वय्‌कःयात न्‍ह्याबलें विश्‍वास या। थःगु नुगः वय्‌कःयात चाय्‌काः क्‍यँ। छाय्‌धाःसा परमेश्‍वर झीगु शरण कायेगु थाय् खः। सेला

भजनसंग्रहया सफू 7:9

नुगः व बुद्धि दुवालादीम्‍ह हे परमेश्‍वर, छिं न्‍ह्याबलें भिंगु यानादी। दुष्‍टतय्‌गु मभिंगु ज्‍या न्‍हंकादिसँ, अले भिंगु याइपिन्‍त बचय् यानादिसँ।

भजनसंग्रहया सफू 86:4

थः दासयात लय्‌ताय्‌कादिसँ। छाय्‌धाःसा हे परमप्रभु, जिं थःगु मन छिपाखे हे ल्‍ह्वने।

यशैया 37:14

हिजकियां थ्‍व पौ दूततय्‌गु ल्‍हातं कयाः ब्‍वन। अले व परमप्रभुया देगलय् थाहां वनाः पौ प्‍वलाः परमप्रभुया न्‍ह्यःने तयाबिल।

यशैया 38:14

इखुंचा व सलांत्‍याः झंगलं थें जिं चिरबिर यानाः हाला। सुकुभत्तुं थें विलाप याना, च्‍वय्‌ आकाशय् स्‍वस्‍वं हे जिगु मिखा त्‍यानुइ धुंकल। हे परमप्रभु, जि दुःखय् लाःगु दु। छिं हे जितः ग्‍वाहालि यानादिसँ।”

यर्मिया 11:20

तर हे दक्‍व शक्ति दुम्‍ह परमप्रभु, छिं खःकथं न्‍याय यानादी। छिं मनूतय् नुगः दुवालादी। छिं इमित बदला कयादीगु जिं स्‍वये दयेमा, छाय्‌धाःसा छितः हे जिं जिगु मुद्दा लःल्‍हानागु दु।

यर्मिया 12:8

जि थः मनूत जिगु लागिं गुँयाम्‍ह सिंह थें जूगु दु। इपिं जितः स्‍वयाः गर्जय् जूगु दु, उकिं जितः इपिं मयः।

यर्मिया 17:10

“जि परमप्रभुं मनूतय्‌गु मनयात दुवालाः स्‍वये, इमिगु नुगःयात जाँचय् याये। छम्‍ह छम्‍हय्‌सित जिं वयागु पहःचहः व ज्‍या स्‍वयाः फल बी।”

यर्मिया 17:18

जितः दुःख बीपिं हे मछाले मालेमा, तर जितः धाःसा मछाले म्‍वाय्‌कादिसँ। इमित ख्‍यानादिसँ तर जितः ग्‍यायेगुपाखें बचय् यानादिसँ। इमिके आतंकया दिं हयादिसँ अले निदुगं नाशं इमित चुंचुं यानादिसँ।

१ पत्रुस 2:23

थःत ब्‍वः ब्‍यूपिन्‍त वय्‌कलं ब्‍वः बियामदी। अय्‌च्‍वंक दुःखकष्‍ट बिलं नं वय्‌कलं ख्‍याच्‍वः बियामदी, बरु ननिमवासे वय्‌कलं बांलाक न्‍याय यानादीम्‍ह परमेश्‍वरयाके भरोसा तयादिल।

१ पत्रुस 4:19

अय्‌जूगुलिं परमेश्‍वरयागु इच्‍छा कथं दुःख स्‍यूम्‍हय्‌सिनं भिंगु ज्‍या यायेगु मत्‍वःतुसे सृष्‍टि यानादीम्‍ह परमेश्‍वरयाके भरोसा तया च्‍वँ।

प्रकाश 18:20

हे स्‍वर्गय् च्‍वंपिं मनूत, व नाश जूगुलिं लय्‌ता! हे परमेश्‍वरया मनूत, प्रेरितत व अगमवक्तात लय्‌ता। छिमित गथे याःगु खः वयात परमेश्‍वरं अथे हे न्‍याय यानादिल।”

प्रकाश 2:23

वया मस्‍तय्‌त जिं स्‍यानाबी। मनूतय्‌गु मन व नुगः वातुवालाः स्‍वइम्‍ह जि हे खः धकाः अले जक फुक्‍क मण्‍डलीं सीका काइ। छिमिसं याना जूगु ज्‍या स्‍वयाः जिं नं छिमित माःगु याये।

प्रकाश 6:10

थुपिं तसकं हाला हल – “शक्ति दुम्‍ह, पवित्रम्‍ह व सत्‍यम्‍ह परमप्रभु, पृथ्‍वीइ च्‍वंपिन्‍त छिं गुबलय् जिमित स्‍याःगु पलेसा कायेत न्‍याय यानादीगु?”

१ शमूएल 1:15

हन्‍नाहं लिसः बिल, “अथे मखु, जिमि प्रभु! जि तसकं दुःखय् लाःम्‍ह मिसा खः। जिं छुं नं अय्‌ला त्‍वनागु मदु, जिं ला परमप्रभुया न्‍ह्यःने थःगु दुःख जक प्‍वंकागु खः।