यर्मिया 20:11 - नेवाः बाइबल

¹¹ तर परमप्रभु बहादुर सिपाइँ थें जिलिसें दु। उकिं जितः क्‍वत्‍यलिपिं लुफिं हायाः दइ। इमिसं जितः त्‍याके फइ मखु। इपिं ताःलाइ मखु, इपिं मछाले माली, इमिगु अपमान गुबलें लोमंकी मखु।

यर्मिया 20:11 ပူးပေါင်းရင်းမြစ်များ

भजनसंग्रहया सफू 129:2

“जि ल्‍याय्‌म्‍ह जूबलय् निसें हे सास्‍ती बियावयाच्‍वंगु दु, अय्‌नं इमिसं जितः त्‍याकूगु मदु।

भजनसंग्रहया सफू 35:26

जितः दुःख जूबलय् लाय्‌बुयाजूपिं फुक्‍कं आशां द्यायेमा, थःपिन्‍त जि स्‍वयाः तःधं धकाः जूपिं फुक्‍कं न्‍हाय् वंकाः मछाला जुइमालेमा।

भजनसंग्रहया सफू 40:14

जितः स्‍यायेत स्‍वःपिं लज्‍या चाये मालेमा, अले इतिमिति कनेमा। जिगु दुःखय् लय्‌तायाजूपिं लिज्‍यां वनेमा, अले मछालाः जुइमा।

भजनसंग्रहया सफू 47:2

दक्‍वसिबय् तःधंम्‍ह परमप्रभुलिसे झी ग्‍यायेमाः, वय्‌कः पृथ्‍वी न्‍यंकया तःधंम्‍ह जुजु खः।

भजनसंग्रहया सफू 6:10

जि शत्रुत फुक्‍कसिनं लज्‍या चायेमाली, अले ग्‍याइ। इपिं फुक्‍कं थत्‍थें मछालाः बिस्‍युं वनी।

भजनसंग्रहया सफू 65:5

हे जिमित उद्धार याइम्‍ह परमेश्‍वर, छिं जिमिगु प्रार्थनाया लिसः अजू चायापुगु ज्‍या यानाक्‍यनाः बियादी। पृथ्‍वीया कुंकुलामय् च्‍वंपिं मनूत व समुद्रया तापाक्‍क तापाक्‍क च्‍वंपिं मनूतय्‌सं नं छितः विश्‍वास याःगु दु।

भजनसंग्रहया सफू 66:5

परमेश्‍वरं छु यानादिल धकाः स्‍वः वा, वय्‌कलं मनूतय्‌थाय् गज्‍याः गज्‍याःगु अजू चायापुगु ज्‍या यानादिल।

यशैया 41:10

अथे जुयाः ग्‍याये मते, छाय्‌धाःसा जि छनापं हे दु। नुगः क्‍वतुंके मते, छाय्‌धाःसा जि हे छिमि परमेश्‍वर खः। जिं छन्‍त बल्‍लाके। जिं छन्‍त ग्‍वाहालि याये। जिगु धार्मिकताया जव ल्‍हातं जिं छन्‍त तिबः बी।

यशैया 41:14

हे कीचा याकूब, ग्‍याये मते! हे चिधंगु इस्राएल, जिं हे छन्‍त ग्‍वाहालि याये।” परमप्रभु, छन्‍त उद्धार यानादीम्‍ह इस्राएलया दक्‍वसिबय् तःधंम्‍ह पवित्र परमेश्‍वरं थथे धयादी।

यशैया 45:16

मूर्ति दय्‌कीपिं फुक्‍कं लाजय् लाइ अले इपिं फुक्‍कसिगु छकलं बेइज्‍जत जुइ।

यर्मिया 1:18

अय् यर्मिया, न्‍यँ! थ्‍व देशयापिं फुक्‍क यहूदाया जुजु, भारदार, पुजाहारी व मनूत छंगु विरोधय् दनी। तर थौं इमिगु सामना यायेगु शक्ति जिं छन्‍त बी। छचाःखेरं पःखाः दुगु शहर थें, नँयागु थां व कँय्‌या पःखाः थें जिं छन्‍त बल्‍लाकाबी।

यर्मिया 1:19

इपिं छलिसें ल्‍वाः वइ, तर इमिसं छन्‍त त्‍याके फइ मखु, छाय्‌धाःसा छन्‍त रक्षा यायेत जि छलिसें दइ,” जि परमप्रभु न्‍ववानागु दु।

यर्मिया 1:8

इपिं खनाः छ ग्‍याये मते, छाय्‌धाःसा छन्‍त रक्षा यायेत जि छनापं दइ। जि परमप्रभु न्‍ववानागु दु।”

यर्मिया 15:15

छिं स्‍यू, हे परमप्रभु, जितः लुमंकादिसँ, जितः वास्‍ता यानादिसँ। जिगु निंतिं जितः कसाः बीपिन्‍त बदला कयादिसँ। छि सह याये फुम्‍ह खः, जितः यंकादी मते! छिगु लागिं जिं गुलि ब्‍वः फये माल! व लुमंकादिसँ।

यर्मिया 15:20

जिं छन्‍त थ्‍व प्रजाया निंतिं कँय्‌यागु बल्‍लाःगु किल्‍ला दुगु पःखाः दय्‌काबी। इमिसं छंगु विरोधय् लडाइँ याइ, तर इमिसं छन्‍त त्‍याकी मखु, छाय्‌धाःसा छन्‍त बचय् यायेत व उद्धार यायेत जि छलिसें दु,” परमप्रभुं धयादी।

यर्मिया 17:18

जितः दुःख बीपिं हे मछाले मालेमा, तर जितः धाःसा मछाले म्‍वाय्‌कादिसँ। इमित ख्‍यानादिसँ तर जितः ग्‍यायेगुपाखें बचय् यानादिसँ। इमिके आतंकया दिं हयादिसँ अले निदुगं नाशं इमित चुंचुं यानादिसँ।

यर्मिया 22:22

फसं छिमि सकलें फैजवाःतय्‌त ब्‍वय्‌कायंकी, अले छन्‍त ग्‍वाहालि याइपिन्‍त ज्‍वनाः देशं पिने यंकी। छं मभिंगु ज्‍या याःगुलिं छ मछालेमाली अले छन्‍त हेपय् याइ।

यर्मिया 23:40

अले जिं छिमिके लज्‍या व हेला हयाबी, गुगु न्‍ह्याबलें दयाच्‍वनी अले गुबलें ल्‍वःमंकी मखु।”

यर्मिया 32:18

छिं द्वलंद्वःयात थःगु सदां दया क्‍यनादी। तर छिं मनूतय्‌त इमि मांबौपिनिगु पापया निंतिं सजाँय नं बियादी। हे तःधंम्‍ह व बल्‍लाःम्‍ह परमेश्‍वर, गुम्‍हय्‌सिगु नां दक्‍व शक्ति दुम्‍ह परमप्रभु खः,

दानिएल 12:2

अले ग्‍वाः ग्‍वाः सी धुंकूपिं मनूत, गुलिं अनन्‍त जीवनया लागिं, गुलिं धाःसा लज्‍या व न्‍ह्याबलें क्‍वह्यंकाच्‍वनेगु लागि दना वइ।

रोमी 8:31

आः थ्‍व खँयात झीसं छु धायेगु? परमेश्‍वर झीनाप दीसा झीनाप ल्‍वाइपिं सु?

२ तिमोथी 4:17

उबलय् प्रभुं हे जि नाप झायाः जितः बांलाक भिंगु खँ न्‍यंकेत शक्ति बियादिल। अय्‌जूगुलिं जिं यहूदीमखुपिन्‍त भिंगु खँ न्‍यंके फत। थुकथं वय्‌कलं जितः सिंहयागु म्‍हुतुं बचय् यानादिल।