यर्मिया 2:4 - नेवाः बाइबल

⁴ हे याकूबया घराना, इस्राएलया घराना, परमप्रभुया वचन न्‍यँ।

यर्मिया 2:4 ပူးပေါင်းရင်းမြစ်များ

यर्मिया 10:1

अय् इस्राएलया घराना, परमप्रभुं छिमित छु धयादी व न्‍यँ।

यर्मिया 13:15

स्‍व! ध्‍यान बियाः न्‍यँ! तःधं जुइ मते, छाय्‌धाःसा परमप्रभुं थथे धयादीगु दु।

यर्मिया 19:3

छं थथे धा, ‘हे यहूदाया जुजुपिं व यरूशलेमयापिं सकलें मनूत, परमप्रभुया वचन न्‍यँ! दक्‍व शक्ति दुम्‍ह परमप्रभु इस्राएलया परमेश्‍वरं थथे धयादी – न्‍यँ, जिं थःम्‍हं हे थ्‍व थासय् थज्‍याःगु सर्वनाश हये गुकिं यानाः उकिया बारे न्‍यनीपिं सकसिगु न्‍हाय्‌पं वाइंया मिनी।

यर्मिया 2:3

उबलय्, इस्राएल परमप्रभुया निंतिं पवित्र खः, व वय्‌कःया सन्‍तानत मध्‍ये न्‍हापांम्‍ह खः। वय्‌कःया मनूतय्‌त मभिं याःपिं फुक्‍क दोषी ठहरय् जुल, अले इमिके विपत्ति वल।’” परमप्रभुं धयादी।

यर्मिया 2:5

परमप्रभुं थथे धयादी, “छिमि पुर्खातय्‌सं जिके छु दोष खन? छुकिं यानाः इपिं जिपाखें तापात? इमिसं ज्‍यालगे मजूपिं मूर्तित पुजा यात, अले थः हे ज्‍यालगे मजुल।

यर्मिया 31:1

परमप्रभुं धयादी, “उबलय् जि इस्राएलया फुक्‍क कुलया परमेश्‍वर जुइ, अले इपिं जि प्रजा जुइ।”

यर्मिया 33:24

“थुपिं मनूतय्‌सं जिं ल्‍ययागु निगू राज्‍ययात जि, परमप्रभुं त्‍वःतूगु दु धकाः धयाच्‍वंगु छं मस्‍यू ला? अथे जुयाः थुमिसं जि मनूतय्‌त तसकं मयय्‌कीगु अले इमित छगू जाति खः धकाः मानय् मयाः।

यर्मिया 34:4

“‘अय्‌नं हे यहूदायाम्‍ह जुजु सिदकियाह, परमप्रभुयागु थ्‍व वचन न्‍यँ। छंगु बारे परमप्रभुं थथे धयादी – छन्‍त तरवारं स्‍याइगु जुइ मखु।

यर्मिया 5:21

हे मूर्ख व बुद्धि मदुपिं मनूत, छिपिं मिखा दयाः नं मखंपिं, न्‍हाय्‌पं दयाः नं मताःपिं, थ्‍व खँ न्‍यँ!

यर्मिया 7:2

“परमप्रभुया देगःया मू लुखाय् दनाः थ्‍व खँ न्‍यंकि, “‘परमप्रभुया आराधना यायेत थ्‍व मू लुखां दुहां वःपिं छिपिं यहूदायापिं सकलें मनूत, परमप्रभुया वचन न्‍यँ।

होशे 4:1

अय् इस्राएलीत, परमप्रभुया वचन न्‍यँ! छाय्‌धाःसा थ्‍व देशय् च्‍वंपिन्‍त परमप्रभुया द्वपं दु – “थ्‍व देशय् विश्‍वास याये बहसू मदु। सदां दइगु दयामाया मदु, व परमेश्‍वरया बारे ज्ञान नं मदु।

मीका 6:1

परमप्रभुं धयादीगु खँ ध्‍यान बियाः न्‍यँ– “दँ, पर्वतय् न्‍ह्यःने छिमिसं थःगु उजुर न्‍ह्यःने तयाब्‍यु, छिमिसं छु धाइ डाँडातय्‌सं न्‍यनेमा।