यर्मिया 2:35 - नेवाः बाइबल

³⁵ छं थथे धाल, ‘जि निर्दोषम्‍ह खः, वय्‌कः जिलिसें तंचायादी मखु।’ तर जिं पाप यानागु मदु धकाः छं धाःगुलिं जिं थःम्‍हं हे छंगु न्‍याय याये।

यर्मिया 2:35 ပူးပေါင်းရင်းမြစ်များ

अय्‍यूब 33:9

छिं धयादिल, ‘जि दोषी मखु, जिं छुं द्वंकागु मदु। जि निर्दोष खः, जिं छुं पाप यानागु मदु।

हितोपदेश 28:13

थःगु पापया पश्‍चाताप मयात कि छ गुबलें थाहां वये फइ मखु। छं थःगु पापया पश्‍चाताप यानाः त्‍वःतल धाःसा परमेश्‍वरयागु दया माया छन्‍त दइ।

यशैया 58:3

इमिसं धाइ, ‘जिपिं अपसं च्‍वनागु छाय् छिं मखंगु? जिपिं क्‍वमिलु जुयागु खँय् छिं छाय् वास्‍ता यानामदियागु?’ “छाय्‌धाःसा छिपिं अपसं च्‍वंगु दिंखुन्‍हु छिमिसं थःगु जक इच्‍छा पूवंकी, अले छिमि ज्‍याकःमि फुक्‍कसित क्‍वत्‍यलेगु याइ।

यर्मिया 16:10

“छं थ्‍व जातिया मनूतय्‌त थ्‍व फुक्‍क खँ धाइबलय् इमिसं छन्‍त थथे धकाः न्‍यनी, ‘छाय् परमप्रभुं झीत थथे बांमलाक सजाँय बीगु फैसला यानादीगु? झीसं छु द्वंकागु दु? झीसं परमप्रभु परमेश्‍वरया विरोधय् छु पाप यानागु दु?’

यर्मिया 2:23

“जिं थःत अशुद्ध यानागु मदु, बालद्यःयात पुजा यानागु मदु धकाः छं गय् यानाः धाये फुगु? छं बेसीइ गज्‍याःगु वेश्‍याया व्‍यवहार यात? अन छं छु यात व बिचाः या। छ येचाःम्‍ह ऊँट थें थुखे उखे तसकं ब्‍वाँय् जुइगु!

यर्मिया 2:29

“छिमिसं जितः छाय् पाः यानागु? छिपिं सकसिनं जिगु विरोधय् अपराध याःगु दु,” परमप्रभुं धयादी।

यर्मिया 2:9

“उकिं जिं हाकनं छिमित पाः याये, अले छिमि छय्‌पिन्‍त नं पाः याये” परमप्रभुं धयादी।

यर्मिया 25:31

हल्‍लाया लिथ्‍वः पृथ्‍वीया ताताःपाःगु थासय् तक ताये दइ। छाय्‌धाःसा पृथ्‍वीया फुक्‍क जातितलिसें परमप्रभुया मुद्दा दु, वय्‌कलं फुक्‍क मनूतय्‌गु न्‍याय यानादी। दुष्‍टतय्‌त धाःसा वय्‌कलं तरवारं पालादी,’” परमप्रभुं धयादी।

इजकिएल 17:20

जिं वयागु विरोधय् थःगु जाः ह्वले, अले व जिगु जालय् लाइ। जिं वयात बेबिलोनय् हये, वं जितः विश्‍वासघात याःगुलिं जिं वयागु इन्‍साफ याये।

रोमी 7:9

जि छकः ला व्‍यवस्‍था मसीकं म्‍वानाच्‍वने धुंकूम्‍ह मनू खः। गुबलय् आज्ञा सिल अबलय् पाप म्‍वात।