यर्मिया 2:34 - नेवाः बाइबल

³⁴ छंगु वसतय् स्‍वजापिं चीमितय्‌गु हिया दाग दु। डाँकातय्‌गु हिया दाग ला मखु। थ्‍व फुक्‍क जुइ धुंकाः नं,

यर्मिया 2:34 ပူးပေါင်းရင်းမြစ်များ

२ राजा 21:16

मनश्‍शेनं यक्‍व निर्दोष मनूत नं स्‍यात, वं स्‍याःपिं मनूतय्‌गु हिं यरूशलेमया छगू कुन्‍चांनिसें मेगु कुन्‍चातक जाःगु खः। अले वं यहूदायात पाप याकल, इमिसं परमप्रभुया मिखाय् बांमलाःगु ज्‍या यात।

२ राजा 24:4

मनश्‍शें निर्दोष मनूतय्‌गु हिं यरूशलेमयात जाय्‌काब्‍यूगु खः। अले परमप्रभुं क्षमा बी मास्‍ति वयेकामदी।

प्रस्‍थान 22:1

“सुनानं द्वहं वा फै खुयाः स्‍यात वा मिल धाःसा वं छम्‍ह द्वहंया पलेसा न्‍याम्‍ह द्वहं व छम्‍ह फैया पलेसा प्‍यम्‍ह फै पुलेमाः।

प्रस्‍थान 22:2

“चान्‍हय् छेँय् खुयाच्‍वंबलय् खुँयात ज्‍वनाः दाःबलय् व सित धाःसा वयागु हियागु दोष दाःम्‍हय्‌सित लाइ मखु।

यशैया 57:5

पुजा याइगु स्‍वसिमातय्‌गु दथुइ व फुक्‍क झ्‍याम्‍म च्‍वंगु सिमाया क्‍वय् येचाःपिं थें च्‍वं। छिमिसं थःकाय् म्‍ह्याय्‌पिन्‍त न्‍हसिकापय् व ल्‍वहंकापिइ बलि छाइ।

यशैया 59:3

छाय्‌धाःसा छिमिगु ल्‍हाः हिं त्‍वपूगु दु व छिमिगु पतिंचाय् दोष कीगु दु अले छिमिगु म्‍हुतुं मखुगु खँ ल्‍हाःगु दु अले छिमिगु मेचां मभिंगु खँ ल्‍हाःगु दु।

यशैया 59:7

इमिगु तुति पापया ज्‍या यायेत ब्‍वाँय् वनी अले छुं दोष मदुपिनिगु हिबाः न्‍ह्याकेत इपिं हथाय् चाइ। इमिगु बिचाः अधर्मया बिचाः खः। दुःख व नाशं इमिगु लँ म्‍हसीकी।

यर्मिया 19:4

छाय्‌धाःसा इमिसं जितः त्‍वःतूगु दु, अले थ्‍व थाय् विदेशी द्यःतय्‌गु थाय् दय्‌कूगु दु। इमिसं थःपिन्‍सं, इमि पुर्खातय्‌सं व यहूदाया जुजुपिन्‍सं म्‍हमस्‍यूपिं मेपिं द्यःतय्‌गु लागि धुपाँय् च्‍याकाः इमिसं थ्‍व थाय्‌यात द्वं मदुपिं मनूतय्‌गु हिं जाय्‌कूगु दु।

यर्मिया 2:33

मतिनामि माला जुइत छ गुलि सः। छं मभिंपिं मिस्‍तय्‌त नं अथे यायेगु स्‍यंगु दु।

यर्मिया 6:15

छु इपिं थःगु घच्‍चाइपुगु ज्‍या याये धुंकाः लज्‍या चाल ला? मखु, इपिं भचा नं लज्‍या चाःगु मदु छाय्‌धाःसा इपिं लज्‍या चाये हे मसः। उकिं मेपिं पतन जूपिंनापं इपिं नं पतन जुइ। जिं इमित सजाँय बीबलय् इपिं नाश जुइ” परमप्रभुं धयादी।

यर्मिया 7:31

इमिसं थः काय्‌म्‍ह्याय्‌पिं मेपिं द्यःतय्‌गु निंतिं मिइ भोग बीत हिन्‍नोमया ब्‍यासिइ दुगु तोपेतय् पुजा यायेगुथाय् दय्‌कूगु दु। जिं अथे यायेगु आज्ञा बियागु मखु, अज्‍याःगु खँ जिं मतिइ नं तयागु मदु।

यर्मिया 7:6

छिमिसं विदेशी, मां बौ मदुपिं व भाःत मदुपिं मिस्‍तय्‌त क्‍वमत्‍यल धाःसा वा थ्‍व थासय् दोष मदुपिन्‍त मस्‍यात धाःसा अले थःत स्‍यंकीपिं मेपिं द्यःतय्‌त पुजा यायेगु त्‍वःतल धाःसा,

यर्मिया 8:12

छु इपिं थःगु घच्‍चाइपुगु ज्‍या याये धुंकाः लज्‍या चाल ला? मखु, इपिं भचा नं लज्‍या चाःगु मदु छाय्‌धाःसा इपिं लज्‍या चाये हे मसः। उकिं मेपिं पतन जूपिंनापं इपिं नं पतन जुइ। जिं इमित सजाँय बीबलय् इपिं नाश जुइ

विलाप 1:9

वयागु अशुद्धता वयागु वसतय् दु। वं थःगु लिपाजुइगुया वास्‍ता हे मयाः। व तसकं हे बांमलाक क्‍वःदल, वयात हःपाः बीपिं सुं हे मदु। “हे परमप्रभु, जिगु दुःखकष्‍टयात स्‍वयादिसँ, छाय्‌धाःसा शत्रु त्‍याःगु दु।”

विलाप 4:14

आः इपिं लँय् लँय् कांपिं थें पचिपचि यानाः जुइ। इपि हिया कारणं अशुद्ध जूगु दु। थुलि तक कि सुनानं इमिगु लं तक नं थीगु आँट याइ मखु।

इजकिएल 20:31

छिमिसं थः मस्‍तय्‌त कोसेलिकथं मिइ बलि छायाः थौं तक हे थःगु मूर्तितपाखें थःत अशुद्ध यानाच्‍वंगु दु। अय् इस्राएलया घराना, छु! जिं छिमित जिके सल्‍लाह काय्‌के बीगु ला? गथे जि धात्‍थें म्‍वाःम्‍ह खः, जि, परमप्रभु परमेश्‍वरं धाये, छिमिसं जिके न्‍यनेकने यायेदइ मखु।

इजकिएल 22:25

वया शासकतय्‌सं मभिंगु ग्‍वसाः ग्‍वयाच्‍वंगु दु इपिं शिकारयात काचाकुचु याइपिं सिंह थें गर्जय् जुयाः च्‍वंगु दु। इमिसं मनूतय्‌त नल, इमिसं मू मू वंगु सामान लुतय्‌ यात, अले अनच्‍वंपिं यक्‍व मिस्‍तय्‌त भाःत मदुपिं यानाब्‍यूगु दु।

इजकिएल 23:45

तर धर्मी मनूतय्‌सं धाःसा इमित व्‍यभिचारिणी व मनू स्‍याइपिं मिस्‍त धकाः न्‍यायया सजाँय बी, छाय्‌धाःसा इपिं व्‍यभिचारिणी मिस्‍त खः। इमिगु ल्‍हातय् मनू स्‍याःगुया हि लाःगु दु।

इजकिएल 24:7

“‘छाय्‌धाःसा वं बाः वय्‌कूगु हि आः तक नं वयागु हे दथुइ दु। वं व हि बँय् तयाः धुलं त्‍वःमपू, तर नांगागु ल्‍वहंधिकय् तल।

इजकिएल 9:9

वय्‌कलं जितः धयादिल, “इस्राएल व यहूदाया घरानाया पाप तसकं तःधं। देश मनू स्‍यायेगु ज्‍यां जाःगु दु अले शहर अन्‍यायनं जाःगु दु। इमिसं धाइगु, ‘परमप्रभुं देशयात त्‍वःतादीगु दु, परमप्रभुं मखं।’