यर्मिया 2:31 - नेवाः बाइबल

³¹ “हे थ्‍व पुस्‍तायापिं मनूत, परमप्रभुयागु वचनय् ध्‍यान ब्‍यु। “छु जि इस्राएलया लागि मरुभूमि वा तसकं खिउँगु देश जुल ला? छाय् जिमि प्रजां थथे धाइगु, ‘जिपिं थःयत्‍थे वने दु। आः छिथाय् गुबलें वये मखुत।’

यर्मिया 2:31 ပူးပေါင်းရင်းမြစ်များ

१ राजा 11:22

फारों न्‍यन, “थन छन्‍त मगाःगु छु दु धकाः छन्‍त थःगु देशय् लिहां वने मास्‍ति वःगु? हददं लिसः बिल, “थन जितः मगाःगु छुनं मदु, अय्‌नं दया यानाः जितः वनेबियादिसँ।”

२ इतिहास 31:10

सादोकया परिवारयाम्‍ह तःधंम्‍ह पुजाहारी अजर्याहं लिसः बिल, “मनूतय्‌सं थःगु देछा देगलय् छाये हःबलय् निसें जिमित नयेत गाक्‍क दत अले ल्‍यंगु नं दु। परमप्रभु थः प्रजायात सुवाः बियादीगुलिं थुलिमछि ल्‍यंगु नं दु।”

अय्‍यूब 21:14

अय्‌नं इमिसं परमेश्‍वरयात धाइ, ‘जिमित त्‍वःतादिसँ। जिमित छिगु लँपु सीकेमास्‍ति मवः।

भजनसंग्रहया सफू 10:4

दुष्‍टतय्‌सं तःधंछु जुयाः परमप्रभुयात माली मखु। इमिगु बिचालय् परमेश्‍वर धयाम्‍ह द हे मदु।

भजनसंग्रहया सफू 12:4

इमिसं धयाजुइ, “जिमिसं थःगु खं थःत माःगु पूवंके। जिमि थः मंदु थें धयाजुये। जिमित सुनानं पने फइ मखु।”

हितोपदेश 30:9

यक्‍व दत कि जिं छितः हे ल्‍वःमंकाः धायेफु, “परमप्रभु धयाम्‍ह सु खः?” अले यक्‍व चीमि जुल कि नं खुयाः नयाः जिं परमेश्‍वरया पवित्रगु नांयात क्‍वह्यंके फु।

यशैया 45:19

जिं खिउँगु देशय् सुनां मसीक न्‍वमवाना, ‘जिं छन्‍त मफतय् माला’ धकाः याकूबया सन्‍तानयात मधया। जि परमप्रभुं सत्‍य नवाये, जिं पाय्‌छिगु खँ घोषणा याये।”

यर्मिया 2:20

“यक्‍व न्‍हापा हे छं थःगु जुवा त्‍वःथुल, सिखःयात चफ्‍फुनाबिल, अले धाल, जिं छिगु सेवा याये मखुत। धात्‍थें फुक्‍क डाँडा डाँडाय् व फुक्‍क वाउँगु सिमाया क्‍वय् व वेश्‍या थें क्‍वछुल।

यर्मिया 2:25

छंगु तुति नांगां मजूतले, अले छंगु कथु मगंतले छ ब्‍वाँय् वने मते। अय्‌नं छं धाल, ‘थ्‍व फुक्‍क म्‍वाःमदुगु खँ खः! जिं विदेशी द्यःतय्‌त माया याये, जि इमिगु हे ल्‍युने वने!’

यर्मिया 5:5

जि हाकिमतय्‌थाय् वने, अले इमित कने, छाय्‌धाःसा इमिसं परमप्रभुया लँ व थः परमेश्‍वरया कानून स्‍यू।” तर इपिं सकलें मिलय् जुयाः जुवायात त्‍वथुलाब्‍यूगु दु, अले सिखःयात चफ्‍फुनाब्‍यूगु दु।

यर्मिया 5:6

उकिं जंगलं छम्‍ह सिंह वयाः इमित स्‍यानाबी, सुख्‍खा इलाकां छम्‍ह गुँखिचा वयाः इमित नाश याइ, छम्‍ह चितुवा इमिगु शहरया लिक्‍क पियाच्‍वनी, अनं सुं पिहां वःसा वयात कुचा कुचा याइ, छाय्‌धाःसा इपिं तसकं विद्रोही जुल, इमिगु अधर्म यक्‍व दु।

इजकिएल 14:5

इमिगु मूर्तितय्‌गु कारणं जितः त्‍वःतावंपिं इस्राएलया घरानाया नुगःयात जिं हाकनं ज्‍वनेत जिं थथे याये।’

होशे 13:6

गुबलय् जिं इमित नका त्‍वंका, उबले इमि प्‍वाः जाल अले सन्‍तुष्‍ट जुल। इपिं घमण्‍डी जुल, अले इमिसं जितः ल्‍वःमंकल।

आमोस 1:1

तकोय् च्‍वंपिं फैजवाःत मध्‍ये छम्‍ह आमोसया वचन। वं इस्राएलय् भुखाय् ब्‍वःगु निदँ न्‍ह्यः इस्राएलया बारे थ्‍व दर्शन खन। उबलय् उज्‍जियाह यहूदाया जुजु व येहोआशया काय् यारोबाम इस्राएलया जुजु खः।

मीका 6:9

न्‍यँ, परमप्रभुं यरूशलेमय् च्‍वंपिं सकसित सःता च्‍वनादीगु दु। हे परमप्रभु! छिगु नांया भय कायेगु ज्ञान खः। “राजदण्‍ड व उकियात ल्‍यःम्‍हय्‌सिगु खँ बांलाक न्‍यँ।

१ कोरिन्‍थी 4:8

माक्‍व फुक्‍क छिमिके दये धुंकल मखु ला? छिपिं तःमि जुइ धुन मखु ला? जिपिं मदुसां छिपिं जुजु थें हे जुइ धुन मखु ला? जिमित ला छिपिं धात्‍थें हे जुजु जूगु जूसा यः, छाय्‌धाःसा जिपिं नं छिपिंनाप जुजु जुइ दइ।

व्‍यवस्‍था 31:20

इमि पुर्खातलिसें बी धकाः पाफयाः बचं बियागु दुरु व कस्‍ति न्‍ह्याइगु देशय् जिं इमित हये। अले अन इपिं प्‍वाः जाय्‌क नयाः ल्‍ह्वनीबलय् इमिसं मेपिं द्यःतय् ल्‍यू वनाः इमित पुजा याइ, अले जितः त्‍वःताः जिगु बाचा त्‍वाथुली।

व्‍यवस्‍था 32:15

यशूरून बांलाक नयेत्‍वने दयाः तसकं ल्‍ह्वनावल। अले इमिसं थःपिन्‍त सृष्‍टि यानादीम्‍ह परमेश्‍वर, बल्‍लाःम्‍ह रक्षकयात त्‍वःताहल।

व्‍यवस्‍था 32:18

परमेश्‍वर, छिमित जीवन बियादीम्‍ह बल्‍लाःम्‍ह रक्षकयात छिमिसं त्‍वःताहल। परमेश्‍वर, छिमि बाःयात छिमिसं ल्‍वमंकाहल।