यर्मिया 2:28 - नेवाः बाइबल

²⁸ तर छिमिसं थःगु निंतिं दय्‌कूपिं द्यःत गन वन? छिमित दुःख जुइबलय् इमिसं छिमित बचय् याये फुसा इपिं वयेमा। हे यहूदा, छिमि गुलि शहरत दु, छिमि द्यःत नं उलि हे दु।

यर्मिया 2:28 ပူးပေါင်းရင်းမြစ်များ

२ राजा 3:13

एलीशां इस्राएलया जुजुयात धाल, “छाय् छि जिथाय् वयाच्‍वनागु? झासँ, छिकपिनि मां-बौया अधर्मी अगमवक्तातय्‌त हे न्‍यनादिसँ।” योरामं धाल, “मखु, छाय्‌धाःसा परमप्रभुं हे जिपिं स्‍वम्‍ह जुजुपिन्‍त छकलं मोआबया ल्‍हातय् बीत सःतादिल।”

यशैया 45:20

“छिपिं फुक्‍कं छथाय् मूंवा। छिपिं जात-जातियापिं शरण कायेत वःपिं, फुक्‍क जिगु न्‍ह्यःने वा। सिँया मूर्तित क्‍वबिया जुइपिं, अले बचय् याये मफुपिं द्यःतय्‌के प्रार्थना याइपिं छुं हे मस्‍यूपिं खः।

यशैया 46:2

द्यःत क्‍वछुइ अले नापं भ्‍वसुली। द्यःतय्‌सं थःत बचय् याये फइ मखु। इपिं द्यःतय्‌त कब्‍जा यानाः यंकी।

यशैया 46:7

इमिसं उकियात ब्‍वहलय् तयाः क्‍वबिया जुइ, अले उकियात तयेमाःगु थासय् तइ, अले व धस्‍वानाच्‍वनी। व थासं व थः हे थुखे उखे न्‍ह्यानावने फइ मखु। सुं मनूत न्‍ह्यःने वयाः तसलं हाला ग्‍वाहालि फ्‍वंसां वं लिसः बी फइ मखु, अले वयागु दुःखकष्‍टपाखें वं बचय् याये फइ मखु।”

यशैया 57:13

छिमिसं ग्‍वाहालिया निंतिं बिन्‍ति यायेबलय् छिमिसं मुंकागु मूर्तितय्‌सं छिमित बचय् यायेमा! फसं इमित ब्‍वय्‌कायंकी, छगू हे सासलं इपिं सकसित ब्‍वय्‌कायंकी। तर सुनां जिके शरण काइ वं देशय् अधिकार याइ, अले जिगु पवित्र पर्वतय् नं अधिकार याइ।”

यर्मिया 1:16

जिं थः प्रजायात सजाँय बी, छाय्‌धाःसा इमिसं पाप याःगु दु, जितः त्‍वःतूगु दु, मेमेपिं द्यःतय्‌गु निंतिं धुपाँय् च्‍याकूगु दु, अले थःम्‍हं दय्‌कूगु द्यःतय्‌त भागि याःगु दु।

यर्मिया 11:12

अले यहूदा व यरूशलेमयापिं मनूतय्‌सं थःपिन्‍सं बलि छाःम्‍ह द्यःतय्‌त सःती। तर विपत्तिया इलय् उपिं द्यःतय्‌सं इमित बचय् याये फइ मखु।

यर्मिया 11:13

हे यहूदा, छिमिगु गुलि शहरत दु, उलि हे छिमि द्यःत नं दु। यरूशलेमय् गल्‍लि गल्‍लि दु, मछालापुसे च्‍वंम्‍ह बालद्यःया लागि छिमिसं धुपाँय् च्‍याकीगु वेदीत नं उलि हे दय्‌कूगु दु।’

यर्मिया 30:7

हाय! व दिं गुलि ग्‍यानापुसे च्‍वंगु दिं जुइ। व थें ज्‍याःगु मेगु दिं दइ मखु। जिमि मनूत याकूबया सन्‍तानया निंतिं व दुःखया दिं जुइ तर व वपाखें बचय् जुयाः वइ।’”

यर्मिया 37:19

‘छितः व थ्‍व देशयात हमला यायेत बेबिलोनयाम्‍ह जुजु वइ मखु’ धकाः छितः अगमवाणी ल्‍हाःपिं छिकपिनि अगमवक्तात गन दु?

होशे 10:1

इस्राएल न्‍यनावनाच्‍वंगु छमा दाखमा खः। वं ला थःगु हे लागि फल सय्‌कल। गुलि यक्‍व वं फल सय्‌कल उलि हे वं वेदीत दय्‌कल। थःगु देशय् गुलि अन्‍न सल उलि हे वं थः पुजा यायेगु ल्‍वहंया थांत बांलाकल।

हबकूक 2:18

“मनूतय्‌सं कियाः दय्‌कातःगु मूर्तिया छु मू दु धकाः? वा मखुगु खँ ल्‍हायेगु स्‍यनीगु धातुया मूर्तिया छु मू दु धकाः? कारिगरं थःगु ल्‍हातं दय्‌कुम्‍हसिके भलसा तइ। वं ज्‍यालगे मजूगु मूर्तित दय्‌की, व मूर्तिं न्‍ववाये फइ मखु।

हबकूक 2:19

धिक्‍कार वयात, सुनां सिँयात थथे धाइ, ‘म्‍वाना वा!’ अय् न्‍ववाय् मफुगु ल्‍वहं, ‘दँ!’ छु व मूर्तिं छिमित छुं खँ स्‍यने फइ ला? व ला लुँ व वहलं भुनातःगु दु, उकी सासः हे मदु।”

व्‍यवस्‍था 32:37

अले वय्‌कलं धयादी, “इमि द्यःत गन वन, इमिसं शरण काःगु ल्‍वहंधी?

न्‍यायकर्ता 10:14

वनाः छिमिसं ल्‍यःपिं द्यःतय्‌के ग्‍वाहालि फ्‍वँ, इमिसं हे छिमित दुःख जुइबलय् बचय् यायेमा।”