यर्मिया 2:26 - नेवाः बाइबल

²⁶ “गथे छम्‍ह खुँ ज्‍वनीबलय् लज्‍या चाइ, अथे हे इस्राएलया घराना, इमि जुजुपिं, हाकिमत, पुजाहारीत व अगमवक्तात लज्‍या चाइ।

यर्मिया 2:26 ပူးပေါင်းရင်းမြစ်များ

एज्रा 9:7

जिमि पुर्खातय्‌गु इलंनिसें थौं तक हे जिमिसं तःधंगु पाप यानागु दु। जिमिगु पापं यानाः जिपिं, जिमि जुजु व पुजाहारीत विदेशी जुजुपिनिगु ल्‍हातय् लात। जिपिं मध्‍ये गुलिंसित स्‍यात, गुलिंसित ज्‍वनाः विदेशय् यंकल। जिमित लुटपाट यात, तसकं क्‍वह्यंकल, बेइज्‍जत यात। थौं तक नं अथे हे जुयाच्‍वंगु दु।

भजनसंग्रहया सफू 97:7

मूर्ति पुजा याइपिं, मूर्तितय्‌गु बारे घमण्‍ड याइपिं सकलें मछाले माली। परमप्रभुया न्‍ह्यःने फुक्‍क द्यःतय्‌सं छ्यं क्‍वछुकाः आराधना याइ।

यशैया 1:29

थुकथं “छिमिसं पुजा यायेगु स्‍वसिमाया सिमा प्‍यूगूलिं व मूर्ति पुजा यायेगु बगैँचात दय्‌कूगुलिं छिपिं लाजय् लाये तिनि।

यशैया 44:11

मूर्तियात पुजा याइपिं फुक्‍कं लाजय् लाइतिनी। कारिगरत छुं नं मखु तर इपिं ला मनूत जक खः। इपिं सकलें मुनाः जाँचय् दं वयेमाः। इपिं सकलें ग्‍याइ अले लाजय् लाइ।

यशैया 44:9

मूर्तित दय्‌कीपिं फुक्‍कं ज्‍यालगय् मजूपिं खः, इमिसं तसकं मू वंगु ताय्‌काच्‍वंगु थुपिं मूर्ति छति नं मू मवं। इमिगु पंलिनाः न्‍वंवाइपिं कांपिं खः, इपिं छुं हे मस्‍यूपिं जुयाः थःपिन्‍त लाजय् लाकाच्‍वंगु दु।

यर्मिया 2:36

न्‍हूगु लँ लित। छ छाय् थुलिमछि थुखे उखे चाःहिलाजुयागु? गथे अश्‍शूरपाखें छ आशां द्यात अथे हे मिश्रपाखें नं छ आशां द्याइ।

यर्मिया 22:22

फसं छिमि सकलें फैजवाःतय्‌त ब्‍वय्‌कायंकी, अले छन्‍त ग्‍वाहालि याइपिन्‍त ज्‍वनाः देशं पिने यंकी। छं मभिंगु ज्‍या याःगुलिं छ मछालेमाली अले छन्‍त हेपय् याइ।

यर्मिया 32:32

इस्राएल व यहूदायापिं मनूत, इमि जुजुपिं व हाकिमत, इमि पुजाहारीत व अगमवक्तात, यहूदायापिं मनूत व यरूशलेमयापिं मनूतय्‌सं फुक्‍क मभिंगु ज्‍या यानाः जितः तंचाय्‌कूगु दु।

यर्मिया 4:9

“उबलय् जुजु व नायःतय्‌गु नुगः क्‍वतुनी। पुजाहारीत वातां जुइ, अगमवक्तात अजू चाइ,” परमप्रभुं धयादी।

यर्मिया 48:27

छं इस्राएलयापिं मनूतय्‌त हेस्‍यानागु मखु ला? वा वयात खुँतय्‌गु दथुइ ज्‍वंगु खः ला? छाय्‌धाःसा छं वयागु बारे न्‍ववाक्‍व पतिकं छं वयात हेस्‍यानाः थःगु छ्यं संकीगु।

इजकिएल 16:54

थुकथं इमित सान्‍त्‍वना बीत थःम्‍हं याःगु फुक्‍क ज्‍याया निंतिं छं बेइज्‍जत भोगय् याइ अले छ मछाले माली।

इजकिएल 22:26

वया पुजाहारीत जिगु व्‍यवस्‍थाया अःखतं वंगु दु अले जिगु पवित्र चिजत स्‍यंकूगु दु। इमिसं पवित्र व साधारणया दथुइ छुं मपाकु। इमिसं शुद्ध व अशुद्ध छुं मपाः धकाः स्‍यंगु दु। इमिसं जिगु विश्रामबार नं मानय् मयाः, इमिगु दथुइ जि अपमानित जूगु दु।

जकरिया 5:4

दक्‍व शक्ति दुम्‍ह परमप्रभुं धयादी, ‘जिं सराः छ्वयाहये, अले खुँयागु छेँ व जिगु नामय् पाफयाः मखुगु खँ ल्‍हाइम्‍हय्‌सिगु छेँ व दुहां वनी अले दुने च्‍वनाः उकियात नाश यानाबी, सिँ व ल्‍वहंयात तक नं नाश यानाबी।’”

रोमी 6:21

न्‍हापा लज्‍या चायापुगु ज्‍या जक याना जुयाबलय् छिमित छु इनाम दत? थथे लज्‍या चायेमाःगु ज्‍याखँ यानाजुइपिं मनूत लिपा नरकय् वनी।