यर्मिया 2:24 - नेवाः बाइबल

²⁴ छ मरुभूमिइ च्‍वनीम्‍ह ज्‍वःचिनीगु इलय् फसय् नँतुनाजुइम्‍ह मिसाम्‍ह गुँगधा थें खः। सुनां वयागु येचाःगु पने फइ? वयात यय्‌कीपिन्‍सं वयात माला जुइम्‍वाः, छाय्‌धाःसा व इमिथाय् ब्‍वाँय् वइ।

यर्मिया 2:24 ပူးပေါင်းရင်းမြစ်များ

अय्‍यूब 11:12

गथे गुँ गधाया मचा मनू जुयाः जन्‍म जुइ फइ मखु अथे हे मूर्खम्‍ह मनू बुद्धिमान जुइ फइ मखु।

अय्‍यूब 39:2

इमिसं ग्‍वःला तक थः मचा प्‍वाथय् क्‍वबियाजुइ छं स्‍यू ला? इमिसं मचा बुइकीगु ई छं स्‍यू ला?

यर्मिया 14:6

गुँ गधात नांगा डाँडाय् दनाः ध्‍वंचात थें स्‍वाँ स्‍वाँ वय्‌की। घाँय् मदुगुलिं इमिगु मिखा बुलुसे च्‍वनी।”

यर्मिया 2:27

इमिसं सिँयात धाइ, ‘छ जिम्‍ह अबु खः,’ अले ल्‍वहंयात धाइ, ‘छं जितः बुइकूगु खः।’ इमिसं थःगु ख्‍वाः मखु थःगु जँन्‍हुफाः जिपाखे स्‍वकूगु दु। अय्‌नं दुःख जुइबलय् इमिसं धाइ, ‘वयाः जिमित बचय् यानादिसँ!’

इजकिएल 16:33

मिजंपिन्‍सं सकलें वेश्‍यातय्‌त कोसेलि बी, तर छं ला अःखः थः फुक्‍क प्रेमीपिन्‍त कोसेलि बिल। छलिसें व्‍यभिचार यायेत इपिं प्‍यखेरं छन्‍थाय् वयेमा धकाः छं कोसेलि बिल।

होशे 5:15

इमिसं थःगु पाप स्‍वीकार मयातले जि लिहां वनाः थःगु थासय् च्‍वने, इमिसं जिगु ख्‍वाः स्‍वयेत माला जुइ। इमित दुःखकष्‍ट जुइबलय् इमिसं जितः तसकं माली।”

होशे 8:9

गुँगधा याकःचा थुखे उखे वना जूगु थें इपिं अश्‍शूरय् वन। एफ्राइमं ज्‍याला कयाः थः प्रेमीतनापं थःत मियाछ्वःगु दु।