यर्मिया 2:20 - नेवाः बाइबल

²⁰ “यक्‍व न्‍हापा हे छं थःगु जुवा त्‍वःथुल, सिखःयात चफ्‍फुनाबिल, अले धाल, जिं छिगु सेवा याये मखुत। धात्‍थें फुक्‍क डाँडा डाँडाय् व फुक्‍क वाउँगु सिमाया क्‍वय् व वेश्‍या थें क्‍वछुल।

यर्मिया 2:20 ပူးပေါင်းရင်းမြစ်များ

१ राजा 12:32

वं च्‍यागूगु लाया झिंन्‍यान्‍हु खुन्‍हु यहूदाय् हनीगु नखः थें छगू नखः शुरु यात, वेदीइ बलि छाल। बेथेलय् थःम्‍हं दय्‌कूपिं द्वहंचातय्‌त बलि छाल। बेथेलय् थःम्‍हं दय्‌कूगु पुजा यायेगु थाय्‌या निंतिं पुजाहारीतय्‌त नं ल्‍यल।

१ राजा 14:23

इमिसं थःगु निंतिं पुजा याइगु थाय्, च्‍वखगु ल्‍वहंया थां व अशेरा द्यःमय्‌जुया थांत फुक्‍क गुँच्‍वकाय् च्‍वकाय् व फुक्‍क वाउँगु सिमाया क्‍वय् थापं यात।

भजनसंग्रहया सफू 107:14

वय्‌कलं इमित तसकं खिउँगु व कालया किपालुं पित हयादिल, अले इमिगु सिखः कुचा कुचा यानादिल।

भजनसंग्रहया सफू 2:3

इपिं हाला जुइ, “इमिगु सिखः चफ्‍फुना छ्व अले न्‍यवः इमिगु त्‍वयाः वान्‍छ्वया ब्‍यु।”

भजनसंग्रहया सफू 78:58

इमिसं मेपिं द्यःतय्‌गु पुजा यायेगुथाय् दय्‌काः परमेश्‍वरयात तंम्‍वय्‌कल। इमिसं थःगु मूर्तिपाखें वय्‌कःयात नुगः मुइकाबिल।

प्रस्‍थान 19:8

मनूतय्‌सं छप्‍पँ जुयाः लिसः बिल, “परमप्रभुं छु छु या धयादिल फुक्‍कं जिमिसं याये।” अले मोशां इमिगु थ्‍व खँ परमप्रभुयात न्‍यंकल।

प्रस्‍थान 24:3

अले मोशां मनूतय्‌थाय् वनाः परमप्रभुयागु फुक्‍कं वचन व नियम न्‍यंकल, अले इमिसं छसलं थथे धाल, “परमप्रभुं धयादीगु फुक्‍कं वचन व नियम जिमिसं मानय् याये।”

प्रस्‍थान 3:8

अथे जुयाः इमित मिश्रीतय्‌गु ल्‍हातं त्‍वःतकाः व देशं मेगु भिंगु व तःधंगु दुरु व कस्‍ति बाः वयाच्‍वंगु कनानी, हित्ती, एमोरी, परिज्‍जी, हिव्‍वी व यबूसीतय्‌गु देशय् हयेत जि क्‍वहां वयागु दु।

यशैया 1:21

स्‍वःसा, विश्‍वास याये बहःजूगु शहर आः गथे छम्‍ह वेश्‍या थें जुल! न्‍याय व धार्मिकतां जाःगु शहर तर आः स्‍याइपालिपिन्‍सं जाःगु दु!

यशैया 10:27

उखुन्‍हु इमिगु कु छिमिगु ब्‍वहलय् व इमिगु ककुसिँ छिमिगु गःपतं चीकाछ्वइ वय्‌कलं दासत्‍वया जुवा त्‍वःथुलादी अले थुकियात छिमिगु ब्‍वहलं चीकादी।

यशैया 14:25

जिं अश्‍शूरीतय्‌त जिगु हे देशय् नाश याये, जिं इमित जिगु पर्वतय् पालिं न्‍हुत्तुन्‍हुयातये, अश्‍शूरीतय्‌गु जुवां व इमिसं क्‍वबिया च्‍वंगु ब्‍वःझं जिमि प्रजायात मुक्त याये।”

यशैया 9:4

छाय्‌धाःसा छिं इमिगु जुवा व ब्‍वहलय् च्‍वंगु कथियात, इमित अत्‍याचार याःपिनिगु तुतांयात त्‍वथुलादीगु दु। अले इमित मिद्यानया सिपाइँतय्‌त बुकु थें छिं थः प्रजायात अत्‍याचार याःपिन्‍त व क्‍वत्‍यलातःपिन्‍त बुकादीगु दु।

यर्मिया 13:27

जिं छ व्‍यभिचारी जूगु व येचाःगु खनागु दु। ख्‍यलय् ख्‍यलय् व डाँडा डाँडाय् छं घचाइपुगु मूर्तित पुजा याना जूगु जिं खनागु दु। हे यरूशलेम छन्‍त धिक्‍कार! गुबलय् तक छ अशुद्ध जुयाच्‍वनेगु?”

यर्मिया 17:2

वाउँगु वाउँगु सिमाया क्‍वय् व ततःजाःगु डाँडाय् दुगु वेदीत व अशेराया थांत इमि काय् म्‍ह्याय्‌पिन्‍सं नं लुमंकी।

यर्मिया 2:31

“हे थ्‍व पुस्‍तायापिं मनूत, परमप्रभुयागु वचनय् ध्‍यान ब्‍यु। “छु जि इस्राएलया लागि मरुभूमि वा तसकं खिउँगु देश जुल ला? छाय् जिमि प्रजां थथे धाइगु, ‘जिपिं थःयत्‍थे वने दु। आः छिथाय् गुबलें वये मखुत।’

यर्मिया 3:13

“छं थः परमप्रभु परमेश्‍वरया विरोधय् विद्रोही जुया, छं फुक्‍क वाउँगु सिमाया क्‍वय् द्यःतय्‌त पुजा यानाः जिगु विरोधय् व्‍यभिचार याना धकाः स्‍वीकार जक या,” परमप्रभुं धयादी।

यर्मिया 30:8

“‘दक्‍व शक्ति दुम्‍ह परमप्रभुं धयादी, उखुन्‍हु जिं व जुवा इमिगु ककुं त्‍वथुलाबी, अले इमिगु सिखः कुचा कुचा यानाबी। इपिं हाकनं विदेशीतय् दास जुइ मखु।

यर्मिया 5:5

जि हाकिमतय्‌थाय् वने, अले इमित कने, छाय्‌धाःसा इमिसं परमप्रभुया लँ व थः परमेश्‍वरया कानून स्‍यू।” तर इपिं सकलें मिलय् जुयाः जुवायात त्‍वथुलाब्‍यूगु दु, अले सिखःयात चफ्‍फुनाब्‍यूगु दु।

इजकिएल 16:28

छं अश्‍शूरीतलिसें नं वेश्‍याया ज्‍या यात, छाय्‌धाःसा छ लुमधंम्‍ह खः। अथे जूसां छ लुमधं।

इजकिएल 16:31

लँया कुन्‍चा पतिकं थःगु द्वम्‍बः व चुक पतिकं छं थःगु पुजा यायेगु तःजाःगु थाय् दय्‌कल। अय्‌नं छ वेश्‍या थें जूगु मदुनि, छाय्‌धाःसा छं ज्‍यालायात घृणा यात।

इजकिएल 16:41

इमिसं छंगु छेँत छ्वय्‌काबी, अले यक्‍व मिसातय्‌गु न्‍ह्यःने छन्‍त सजाँय बी। थुकथं जिं छन्‍त छंगु वेश्‍याया ज्‍यापाखें पने, छं थः प्रेमीपिन्‍त गुबलें ज्‍याला नं बी माली मखु।

इजकिएल 20:28

जिं पाफयाः इमित बी धयागु देशय् इमित हयाबलय्, गन गन इमिसं तःज्‍जाःगु वा झ्‍याम्‍म जूगु सिमा खन, अन अन इमिसं थःगु बलिदानत छाल, जितः तं पिकाइगु इमिगु भेटी छाल। इमिसं थःगु नस्‍वाःगु गुँगू थन अले थःगु त्‍वँसाबलि छाल।

इजकिएल 23:5

“जिमि कलाः जूसां ओहोलां वेश्‍याया ज्‍या याना हे च्‍वन, अले अश्‍शूरय् च्‍वंपिं प्रेमीतलिसें लसपस यायेगु त्‍वःमतू।

होशे 1:2

परमप्रभुं होशेपाखें दकलय् न्‍हापा नवानादीबलय्, परमप्रभुं होशेयात धयादिल, “हुँ, वनाः छम्‍ह वेश्‍यालिसें ब्‍याहा या। वयागु वेश्‍या ज्‍यां बूम्‍ह सन्‍तानयात थः नाला का, छाय्‌धाःसा इस्राएलं परमप्रभुया ल्‍यू वनेगु त्‍वःताः वेश्‍यायागु थें यक्‍व ज्‍या याःगु दु।”

होशे 2:5

इमि मां विश्‍वास याये बहःम्‍ह मजुल, इपिं सुयागु प्‍वाथय् दुगु खः, वं मछालापुस्‍से च्‍वंगु ज्‍या याःगु दु। वं धाल, ‘जितः मरि, लः, ऊन, वसः, जैतूनया चिकं व दाखमद्य बीपिं थः प्रेमीतय्‌गु ल्‍यूल्‍यू जि वने।’

होशे 3:3

अले जिं वयात धया, “छ यक्‍व दिं तक जि नाप च्‍वनेमाः। छं वेश्‍याया ज्‍या याये मते, सुं मिजंनापं भेलय्‌ बुया जुइ मते अले जिं नं छन्‍त अथे हे याये।”

होशे 4:13

इमिसं पहाडया च्‍वकाय् च्‍वकाय् बलि छाइ अले डाँडाय् डाँडाय् बांलाक किचः वइगु तःतमागु, न्‍यनावंगु सिमाया क्‍वय् धुपाँय् च्‍याकी। अथे जुयाः छिमि म्‍ह्याय्‌पिं बांमलाक स्‍यन, अले छिमि भौपिंन्‍सं व्‍यभिचार याना जुल।

होशे 9:1

अय् इस्राएलयापिं मनूत! मेगु जात जातियापिं मनूत थें लय् लय्‌ताये मते। छाय्‌धाःसा छिपिं थः परमेश्‍वरनापं विश्‍वास यायेबहः मजूगु दु। अन्‍नया दक्‍व खलाय् वेश्‍या ज्‍या याइपिनिगु ज्‍याला कायेत छिमिसं यय्‌काच्‍वन।

लेवी 26:13

जि छिमित मिश्र देशं पितहयाम्‍ह परमप्रभु छिमि परमेश्‍वर खः। छिपिं मिश्रीतय् दास जुयाच्‍वने मज्‍यू धकाः जिं छिमित मिश्रं पित हयागु खः। जिं छिमित झ्‍यातुगु कु लिकयाः छ्यं धस्‍वाकाः जुइपिं यानागु दु।

नहूम 1:13

आः इमिगु झ्‍यातुगु कु जिं छंगु ब्‍वहलं लिकायाबी, अले छिमित चिनातःगु सिखः चफुनाबी।”

व्‍यवस्‍था 12:2

छिमिसं व देश त्‍याकाकाइबलय् अनयापिं मनूतय्‌सं तःजाःगु डाँडाय्‌, ततःमागु सिमा क्‍वय् व पर्वत पर्वतय् थः द्यःतय्‌त पुजा याइगु थाय् छिमिसं भज्‍यंक स्‍यंकाब्‍यु।

व्‍यवस्‍था 15:15

मिश्रय् छिपिं दास जुयाच्‍वंबलय् परमप्रभु छिमि परमेश्‍वरं छिमित त्‍वःतकाहयादीगु खँ लुमंकि। अथे जुयाः थौं जिं छिमित थ्‍व आज्ञा बी।

व्‍यवस्‍था 26:17

“परमप्रभु हे झी परमेश्‍वर खः, झीपिं वय्‌कःया लँपुइ वने, वय्‌कःया विधि, आज्ञा व नियम मानय् याये, वय्‌कःया खँ न्‍यने” धकाः छिमिसं थौं बचं याःगु दु।

व्‍यवस्‍था 4:20

छिमित धाःसा परमप्रभुं न नाय्‌कीगु मिगा थें ज्‍याःगु मिश्रं वय्‌कःया थः मनू व सर्बय दय्‌केत पिकयाहयादिल, थौं तक जूगु थें।

व्‍यवस्‍था 4:34

छिमि परमप्रभु परमेश्‍वरं छिमित मिश्रय् यानादी थें छु सुं द्यवं मेगु जातिया दथुं पित हयाः थः मनूत दय्‌कूगु दु ला? छिमिसं खंक हे वय्‌कलं थःगु बल्‍लागु ल्‍हाः व चकंगु लँपु छ्यलादिल। वय्‌कलं महामारी व लडाइँ हयादिल, अले अजू चाइपुगु व ग्‍यानापुस्‍से च्‍वंगु ज्‍या यानादिल ला?

व्‍यवस्‍था 5:27

छि थः हे न्‍ह्यःने झासँ अले परमप्रभु झी परमेश्‍वरं धयादीगु फुक्‍क खँ जिमित धयादिसँ अले जिमिसं न्‍यने।”

यहोशू 1:16

अले इमिसं यहोशूयात थथे लिसः बिल, “छिं जिमित छु छु आज्ञा बियादिल व जिमिसं याये, अले छिं गन गन छ्वयादिल अन अन जिपिं वने।

यहोशू 24:24

अले मनूतय्‌सं यहोशूयात धाल, “जिमिसं परमप्रभु झी परमेश्‍वरयागु हे सेवा याये अले वय्‌कःया खँ न्‍यने।”

यहोशू 24:26

थुपिं फुक्‍क खँ यहोशूं परमेश्‍वरयागु व्‍यवस्‍थाया सफुलिइ च्‍वल। अले वं छगः तःग्‍वःगु ल्‍वहँ कयाः स्‍वसिमाक्‍वय् पवित्रथाय् सतिक थन।

प्रकाश 17:1

न्‍हय्‌गः ख्‍वल्‍चा ज्‍वनातःम्‍ह स्‍वर्गदूत मध्‍ये छम्‍ह स्‍वर्गदूतं वयाः जितः थथे धाल – “थन वा, यक्‍व लः दुथाय् च्‍वंम्‍ह नांजाःम्‍ह वेश्‍यायात याःगु न्‍याय जिं छन्‍त क्‍यनाबी।

न्‍यायकर्ता 10:6

हाकनं इस्राएलीतय्‌सं अराम, सीदोन व मोआबयापिं अले अम्‍मोनीत व पलिश्‍तीतय् द्यःत अले बालद्यः व अश्‍तोरेत द्यःमय्‌जुयात पुजा यानाः परमप्रभुया मिखाय् मभिंगु ज्‍या यात। इमिसं परमप्रभुयात त्‍वःतल अले वय्‌कःया सेवा नं मयात।

न्‍यायकर्ता 2:11

अनंलि इस्राएलीतय्‌सं परमप्रभुया मिखाय् मभिंगु ज्‍या यात। इमिसं बालद्यःयात पुजायात।

न्‍यायकर्ता 2:13

इमिसं परमप्रभुया आराधना यायेगु त्‍वःताः बाल द्यःतय्‌त व अश्‍तोरेत द्यःमय्‌जुतय्‌त पुजायात।

१ शमूएल 12:10

अले इमिसं ग्‍वाहालिया निंतिं तःसलं परमप्रभुयात थथे धाल, जिमिसं पाप यानागु दु छाय्‌धाःसा जिपिं छि परमप्रभुपाखें फहिलाः बाल व अश्‍तोरेत मूर्तितय्‌गु पुजा यानागु खः। तर जिमित जिमि शत्रुतपाखें बचय् यानादिसँ। अले जिमिसं छिगु हे सेवा याये।