यर्मिया 2:18 - नेवाः बाइबल

¹⁸ नील खुसिया लः त्‍वनेत छाय् मिश्र देशय् वनेगु? यूफ्रेटिस खुसिया लः त्‍वनेत छाय् अश्‍शूर देशय् वनेगु?

यर्मिया 2:18 ပူးပေါင်းရင်းမြစ်များ

२ इतिहास 28:16

उबलय् यहूदायाम्‍ह जुजु आहाजं अश्‍शूरयाम्‍ह जुजुयाथाय् दूत छ्वयाः ग्‍वाहालि फ्‍वन।

यशैया 23:3

तःधंगु लखय् शिहोरया अन्‍न वल, नील खुसिया बाली टुरोसया कमाइ खः। अले व देश जाति-जातितय्‌गु व्‍यापार यायेगुथाय् जुल।

यशैया 31:1

धिक्‍कार छिमित, सु मिश्र देशय् ग्‍वाहालिया निंतिं वनी अले सलतय्‌के भरोसा तइ। अले इमिसं अल्‍याख रथत व सल गइपिनिगु तःधंगु शक्तिइ भरोसा याइ, तर इमिसं इस्राएलया पवित्र परमेश्‍वरपाखे स्‍वइ मखु अले परमप्रभुया ग्‍वाहालियात माली मखु।

यशैया 7:20

व दिनय् परमप्रभुं यूफ्रेटिस पारियाम्‍ह अश्‍शूरया जुजुयात छ्यलादी, व जुजुं छिमित कब्‍जा याइ अले बेइज्‍जत याइ। व जुजु ख्‍वःचा थें जुइ। अले वं छंगु दाह्री, छंगु छेनय् च्‍वंगु व म्‍हय् च्‍वंगु फुक्‍क सँ खानाबी।

यर्मिया 2:36

न्‍हूगु लँ लित। छ छाय् थुलिमछि थुखे उखे चाःहिलाजुयागु? गथे अश्‍शूरपाखें छ आशां द्यात अथे हे मिश्रपाखें नं छ आशां द्याइ।

यर्मिया 31:22

हे विश्‍वास यायेबहः मजूम्‍ह म्‍ह्याय्, छ गुबलय् तक थुखे उखे चाःहिलाजुयेगु? परमप्रभुयागु छगू न्‍हूगु सृष्‍टि पृथ्‍वीइ खने दइ। छम्‍ह मिसां छम्‍ह मिजंयात रक्षा याइ।”

विलाप 4:17

ग्‍वाहालिया निंतिं मफतय् लँपु स्‍वस्‍वं­ जिमिगु मिखा बुलुइ धुंकल। सुरक्षाया निंतिं छगू जातिया लँपु स्‍वयाच्‍वना, अय्‌नं इमिसं जिमित बचय् याये मफुत।

विलाप 5:6

जिमिसं गाक्‍क नयेत्‍वनेगु निंतिं थःत मिश्र व अश्‍शूरयात लःल्‍हानाबिया।

इजकिएल 16:28

छं अश्‍शूरीतलिसें नं वेश्‍याया ज्‍या यात, छाय्‌धाःसा छ लुमधंम्‍ह खः। अथे जूसां छ लुमधं।

इजकिएल 17:15

तर जुजुं सलत व तःधंगु सेना कयाहयेत मिश्र देशय् दूतत छ्वयाः वयागु विरोधय् विद्रोह यात। छु व ताःलाइ ला? थज्‍याःगु ज्‍या याइम्‍ह छु व बचय् जुइ ला? सन्‍धि त्‍वाःथलाः नं छु व सजाँयपाखें बचय् जुइ ला?

इजकिएल 23:30

छन्‍त थज्‍याःगु अवस्‍थाय् हःगु खः। छाय्‌धाःसा जाति जातिया निंतिं छ वेश्‍या जुल अले इमिगु मूर्तितय्‌त पुजा यानाः छं थःत अपवित्र यात।

होशे 5:13

“एफ्राइमं थःगु ल्‍वय् खंबलय् अले यहूदां थःगु घाः खंबलय् एफ्राइमं अश्‍शूरया तःधंम्‍ह जुजुयाथाय् ग्‍वाहालिया निंतिं मनूत छ्वत। अय्‌नं वं छन्‍त लंके फइ मखु, वं छंगु घाःयात लंके फइ मखु।

होशे 7:11

“एफ्राइम बुद्धि मदुम्‍ह छम्‍ह बखुं थें खः – अःपुक हे ध्‍वं लायेफुम्‍ह व मूर्ख। आः हे इमिसं मिश्रयाके ग्‍वाहालि फ्‍वनी, आः हे इपिं अश्‍शूरपाखें वनी।

यहोशू 13:3

मिश्रया पुर्बयागु शिहोर खुसिंनिसें उत्तरपाखे एक्रोनयागु इलाका तक, थुपिं फुक्‍कयात कनानीतय्‌गु इलाका धकाः धाइ। थुकी पलिश्‍तीतय् न्‍याम्‍ह जुजुपिनिगु इलाका– गाजा, अश्‍दोद, अश्‍कलोन, गात व एक्रोन नं दुथ्‍या। अले दच्‍छिनय् अव्‍वीतय्‌गु इलाका।