यर्मिया 2:17 - नेवाः बाइबल

¹⁷ परमप्रभु छिमि परमेश्‍वरं छन्‍त लँय् यंकूसां हे वयात त्‍वःतूगुलिं छं थ्‍व खँ थःके हःगु मखु ला?

यर्मिया 2:17 ပူးပေါင်းရင်းမြစ်များ

१ इतिहास 28:9

“हे जिमि काय् सोलोमन, छं थः बौया परमेश्‍वरयात म्‍हसीकि, अले तनमनं वय्‌कःया सेवा या। वय्‌कलं झीगु फुक्‍क बिचाः व इच्‍छा स्‍यू। वय्‌कःयात माल धाःसा छं वय्‌कःयात नापलाकी, तर छं वय्‌कःयात त्‍वःतल धाःसा वय्‌कलं छन्‍त न्‍ह्याबलेंया लागि त्‍वःतादी।

२ इतिहास 15:2

अले व आसा जुजुयात नापलाः वन। वं आसायात थथे धाल, “अय् आसा, अय् यहूदा व बेन्‍यामीनयापिं सकलें मनूत! छिपिं परमप्रभुनापं दतले वय्‌कः नं छिपिंनाप दइ। छिमिसं वय्‌कःयात माल धाःसा छिमिसं वय्‌कःयात लुइकी। छिमिसं वय्‌कःयात त्‍वःतल धाःसा वय्‌कलं नं छिमित त्‍वःतादी।

अय्‍यूब 34:27

छाय्‌धाःसा इमिसं वय्‌कःया आज्ञा पालन यायेगु त्‍वःतल, अले वय्‌कःया गुगु नं लँपुयात वास्‍ता मयाः।

अय्‍यूब 4:8

जिं खनागु दु, अधर्म जोतय् याइपिन्‍सं अले विपत्ति ह्वलिपिन्‍सं व हे लइ।

भजनसंग्रहया सफू 107:7

परमेश्‍वरं इमित इपिं च्‍वने फइगु छगू शहरय् तप्‍यंक यंकादिल।

भजनसंग्रहया सफू 136:16

वय्‌कलं थः मनूतय्‌त मरुभूमिइ लँ क्‍यनादिल, वय्‌कःया दया माया सदां दयाच्‍वनी।

भजनसंग्रहया सफू 77:20

छिं थः मनूतय्‌त फैजवालं थें लँ क्‍यनादिल। अले मोशा व हारूनयात इमि नायः यानादिल।

हितोपदेश 15:10

सुनां भिंगु लँ त्‍वःतावनी, वयात बांमलाक सजाँय बी। सुनां अनुशासनयात घृणा याइ व सी।

यशैया 1:4

धिक्‍कार पापी जाति! दोषं क्‍वत्‍यकाच्‍वने माःपिं मनूत, दुष्‍ट ज्‍या यानाजुइपिनि मस्‍त, मभिंगु ज्‍या यानाजुइपिनि सन्‍तान, इमिसं परमप्रभुयात ल्‍वमंकूगु दु, इमिसं इस्राएलया पवित्र परमेश्‍वरयात हेला याःगु दु अले वय्‌कःपाखें फहिलावंगु दु।

यशैया 59:13

परमप्रभुया विरोधय् विद्रोही जूगु व वय्‌कःपाखें फस्‍वयागु दु, झी परमेश्‍वरयात हेला यानाः क्‍वत्‍यलेगु व विद्रोहया जाः ग्‍वःगु दु, अले झीगु नुगलय् ब्‍वलनावःगु मखुगु खँ हे झीसं धयाच्‍वनागु दु।

यर्मिया 13:22

छं “जितः थथे छाय् जुल?” धकाः मतिइ तल धाःसा छंगु पतसि खुगू व छन्‍त बलात्‍कार याःगु ला छंगु हे पापं यानाः खः।

यर्मिया 19:4

छाय्‌धाःसा इमिसं जितः त्‍वःतूगु दु, अले थ्‍व थाय् विदेशी द्यःतय्‌गु थाय् दय्‌कूगु दु। इमिसं थःपिन्‍सं, इमि पुर्खातय्‌सं व यहूदाया जुजुपिन्‍सं म्‍हमस्‍यूपिं मेपिं द्यःतय्‌गु लागि धुपाँय् च्‍याकाः इमिसं थ्‍व थाय्‌यात द्वं मदुपिं मनूतय्‌गु हिं जाय्‌कूगु दु।

यर्मिया 2:13

“छाय्‌धाःसा जिमि प्रजां निगू पाप याःगु दु, जि जीवन बीगु लःया मुहानयात इमिसं त्‍वःतूगु दु। अले थःगु निंतिं लः मच्‍वनीगु प्‍वाःगंगु त्‍यांकि दय्‌कूगु दु।”

यर्मिया 2:19

छंगु थःगु हे मभिंगु ज्‍यां छन्‍त सजाँय बी अले छं जितः त्‍वःतूगुलिं छं थःत हे दोष बी। छं जि परमप्रभु थः परमेश्‍वरयात त्‍वःतूगु व जिगु भय छंके मदुगु छगू मभिंगु व म्‍हाइपूगु खँ खः धकाः सीकाति,” प्रभु, दक्‍व शक्ति दुम्‍ह परमप्रभुं धयादी।

यर्मिया 4:18

“हे यहूदा, छंगु ज्‍याखं थ्‍व खँ छं थःके हल। छंगु पापं छंके थ्‍व दुःखकष्‍ट हःगु खः। उकिं छंगु नुगलय् सूगु दु।”

यर्मिया 44:3

थ्‍व इमिसं मभिंगु ज्‍या याःगुलिं जूगु खः। इमिसं छिमिसं म्‍हमस्‍यूपिं व छिमि पुर्खातय्‌सं म्‍हमस्‍यूपिं मेपिं द्यःत पुजा यानाः जितः तंचाय्‌कल।

यर्मिया 5:25

छिमिगु मभिंगु ज्‍यां यानाः थुपिं खँयात तापाक तःगु दु। छिमिगु पापं यानाः छिमित थ्‍व भिंगु खं तापाकाब्‍यूगु दु।

इजकिएल 39:24

जिं इमित इमिगु अशुद्धता व अपराध कथं सजाँय बिया, जिं जिगु ख्‍वाः इपिंपाखें फस्‍वय्‌का।”

होशे 13:9

“अय् इस्राएल, जिं छिमित भज्‍यंक नाश यानाबी, छाय्‌धाःसा छिपिं जिगु विरोधय् दु, छिमित ग्‍वाहालि याःम्‍हय्‌सिगु विरोधय्।

मीका 1:5

थुपिं फुक्‍व याकूबया अपराध व इस्राएलया घरानाया पापया कारणं जूगु खः। याकूबया अपराध छु खः लय्? छु व सामरिया मखु ला? यहूदाया द्यःपुजा याइगु थाय् गन दु? छु व यरूशलेम मखु ला?

गन्‍ती 32:23

“छिमिसं थःपिन्‍सं धाःथें मयात धाःसा छिमिसं परमप्रभुया न्‍ह्यःने पाप याःगु जुइ। अले छिमिगु पाप छिमित लाइ।

व्‍यवस्‍था 32:10

वय्‌कलं इमित फय्‌या ग्‍यानापुगु सलं जाःगु झिजांमिजां दंगु मरुभूमिइ लुइकादिल। वय्‌कलं इमित बचय् यानादिल, अले थःगु मिखाया नानिचायात थें सुसाःकुसाः यानादिल।

व्‍यवस्‍था 32:19

थ्‍व खनाः परमप्रभुं इमित त्‍वःतादिल, छाय्‌धाःसा थःकाय् म्‍ह्याय्‌पिन्‍सं वय्‌कःयात तंचाय्‌कूगु दु।