यर्मिया 2:16 - नेवाः बाइबल

¹⁶ अज्‍ज नोप व तहपनेशयापिं मनूत वयाः छिमिगु छ्यंया मुकुटयात तछ्याना ब्‍यूगु दु।

यर्मिया 2:16 ပူးပေါင်းရင်းမြစ်များ

२ राजा 18:21

न्‍यँ! छं मिश्र देशयागु भर काःगु दु, व ला तज्‍याःगु तिंकथि जक खः, उकिं मनूतय्‌गु ल्‍हातय् सुइ। उकी लिधन धाःसा घाःपाः जक जुइ। मिश्र देशयाम्‍ह जुजु फारोयागु भर काःम्‍ह न्‍ह्याम्‍हय्‌सिगु लागि नं थथे हे खः।

२ राजा 23:33

वं यरूशलेमय् शासन मयायेमा धकाः फारो नेकोनं वयात सिखलं चिनाः हमात देशया रिब्‍लाय् कुनाबिल। वं यहूदायात स्‍विप्‍यसः (३,४००) किलोग्राम वहः व स्‍विप्‍यंगू किलोग्राम (३४) लुँ कर पुइकल।

यशैया 19:13

सोअनया हाकिमत मूर्ख जुइ धुंकल। नोपया नायःतय्‌सं धोखा नयेधुंकल। इपिं थः मनूतय् मू ल्‍वहं थें जुयाः मिश्र देय्‌या मनूतय्‌त मखुगु लँय् यंकूगु दु।

यशैया 59:13

परमप्रभुया विरोधय् विद्रोही जूगु व वय्‌कःपाखें फस्‍वयागु दु, झी परमेश्‍वरयात हेला यानाः क्‍वत्‍यलेगु व विद्रोहया जाः ग्‍वःगु दु, अले झीगु नुगलय् ब्‍वलनावःगु मखुगु खँ हे झीसं धयाच्‍वनागु दु।

यशैया 8:8

इपिं खुसिबाः थें न्‍ह्यानाः यहूदा थ्‍यंक हे वइ। अले लः जायाः गःपः थ्‍यंक हे थ्‍यनी। इमिसं तःधिकःम्‍ह झंगलं ब्‍वय्‌कातःगु पपुतिं थें छगुं देशयात त्‍वपुयाबी, हे इम्‍मानुएल!”

यर्मिया 44:1

मिश्र देशया उत्तरय् च्‍वंगु शहरत मिग्‍दोल, तहपनेस, नोप व मिश्रय् दच्‍छिनपाखे च्‍वंपिं सकलें यहूदाया मनूतय्‌गु बारे परमप्रभुयागु थ्‍व वचन यर्मियायाथाय् वल।

यर्मिया 46:14

“मिश्र देशय् सुचं ब्‍यु! मिग्‍दोलय् घोषणा या, नोप व तहपनेसय् नं घोषणा या, ‘तयार जुयाः थथःगु थाय् कयाः दँ, छाय्‌धाःसा तरवारं छिमिगु प्‍यखेरं क्‍वापक्‍वाप नयाच्‍वंगु दु।’

यर्मिया 46:19

हे मिश्र देशय् च्‍वंपिं, कैदी जुयाः वनेत थःगु सामान प्‍वःच्‍यु, छाय्‌धाःसा नोप नाश जुइ, मनू मदयाः व झिजांमिजां जुइ।

यर्मिया 48:45

“बिस्‍युं जुयाच्‍वंपिं मनूत ग्‍वाहालि मदयाः हेश्‍बोनया किचलय् दनी। छाय्‌धाःसा हेश्‍बोनं छगू मि व सीहोनया दथुं ह्वानाह्वाना च्‍यानाच्‍वंगु मि पिहां वःगु दु। उकिं मोआबया कपाःतय्‌त व ल्‍वापु याइपिं घमण्‍डीतय्‌गु छ्यंक्‍वँय्‌यात भस्‍म यानाबी।

इजकिएल 30:13

“‘परमप्रभु परमेश्‍वरं थथे धयादी – “‘जिं मूर्तितय्‌त नाश यानाबी। नोपय् दुगु झ्‍वातात मदय्‌काबी। मिश्र देशय् हाकनं गुबलें शासक दइ मखु, थुकथं जिं थ्‍व देशय् आतंक थ्‍यंकाबी।

इजकिएल 30:16

जिं मिश्र देशय् मि तयाबी, अले पेलुसियम स्‍याः चायाः वाथा वाथा कनी। थेबेस शहरया पःखाःया छुं भाग दुनी, नोप धाःसा मदिक्‍क आपतय् लानाच्‍वनी।

होशे 9:6

इपिं आपत बिपतपाखें बिस्‍युं वःसां मिश्र देशय् च्‍वंपिन्‍सं इमिगु सीम्‍ह मुंकी अले नोपय् इमित थुनाबी। इमिगु वहःया धुकुतिइ, अले न्‍हापा इमिगु छेँ दुगु थासय् घाँय्‌घिइ व कंया झाः बुया वइ।

व्‍यवस्‍था 33:20

अले गाद कुलया बारे वं धाल, “गादया देश तःकू याइम्‍ह परमेश्‍वरयात तःधंकेमा। इपिं सिंह थें अन च्‍वनाच्‍वनी, शिकारया लप्‍पू व छ्यं चिरिफायाबीत।