यर्मिया 19:8 - नेवाः बाइबल

⁸ अले जिं थ्‍व शहरयात तहसनहस यानाः हेस्‍याइगु खँ यानाबी। शहर तहसनहस जूगु खनाः अनं जुयाः वये वने याइपिं सकलें वातां जुइ अले हेस्‍याइ।

यर्मिया 19:8 ပူးပေါင်းရင်းမြစ်များ

१ राजा 9:8

आः थ्‍व देगः ल्‍वहंया द्वं जुइ, थ्‍व देगःयागु न्‍ह्यःनें वनीपिं सकलें थ्‍व खनाः थारान्‍हुइ अले इमिसं थथे धाइ, ‘छाय् परमप्रभुं थ्‍व देशयात व थ्‍व देगःयात थथे यानादीगु जुइ?’

यर्मिया 18:16

थुकथं इमिसं थःगु देशयात घच्‍चाइपुगु न्‍ह्याबलेंया निंतिं न्‍हिइकीगु खँ दय्‌कल। अनं जुयाः वये वने याइपिं सकलें वातां जुइ अले थःगु छ्यं संकी।

यर्मिया 25:18

जि यरूशलेम व यहूदाया मेमेगु शहरय् वना अले अन च्‍वंपिं मनूत, जुजुपिं व हाकिमतय्‌त व त्‍वंके बिया। उबलय् निसें थौं तक उपिं शहरत झिजांमिजां दंगु मरुभूमिइ थें जुया हे च्‍वंगु दु, उपिं शहरत खनाः मनूत ग्‍याइगु अले उपिं शहरतय्‌त तसकं मय्‌कीगु। थौं तक मनूतय्‌सं इमिगु नां कयाः सराः बियेगु यानावयाच्‍वंगु दु।

यर्मिया 49:13

बोज्रा शहर नाशया द्वँ जुइ धकाः जिं थःगु हे नामय् पाफये। मनूत व शहर खनाः वातां जुइ, इमिसं थुकियात हेस्‍याइ, जिं इमित लिनाछ्वयागु फुक्‍क जातितय्‌गु दथुइ जिं इमित सराः, भय, गिल्‍ला व निन्‍दाया पात्र दय्‌के। थुकिया फुक्‍क शहरत न्‍ह्याबलेंया निंतिं झिजांमिजां जुइ,” परमप्रभुं धयादी।

यर्मिया 50:13

परमप्रभुया तमं यानाः अन सुं च्‍वने खनी मखु, तर व झिजांमिजां दंगुथाय् जुइ। बेबिलोन जुयाः वनीपिं सकलें अजू चाइ, अले घाः खनाः इपिं ग्‍याइ।

इजकिएल 27:36

जाति जातियापिं व्‍यापारीतय्‌सं छन्‍त हेस्‍याइगु, छ हाकनं गुबलें दइ मखुत, आः छंगु ग्‍यानापुक नाश जुइन।’”

लेवी 26:32

जिं देशयात नाश यानाबी। थ्‍व फुक्‍क खनाः अन च्‍वंवंपिं छिमि शत्रुत अजू चाइ।

मीका 6:16

छिपिं ओम्रीया विधित व आहाबया घरानायागु दक्‍व खँ पालन यानाः इमिगु थितिकुथिया ल्‍यूल्‍यू जुयाच्‍वंगुलिं जिं छिमित नाश यानाबी। छिमि मनूत दक्‍वसिनं हेपय् याकाः च्‍वनाच्‍वने माली। अले जाति जातियापिं मनूतय्‌सं नं छिमित हेस्‍यानाच्‍वनी।”

सपन्‍याह 2:15

थ्‍व छगू शहर खः, गुगु शहरं थःम्‍हं थःके गर्व यायेगु याइ अले मग्‍यासें च्‍वनाच्‍वनी, सुनां थःत थथे धाइ, “जि जि हे खः, जि बाहेक मेपिं सुं हे मदु।” आः स्‍व, व गज्‍याःगु उजाड जुल, गुँइ पशुत च्‍वनीगु थाय् जुल। व थाय् जुयावनीपिं फुक्‍कसिनं हेस्‍यानाः मुर्की क्‍यना वनी।

व्‍यवस्‍था 28:37

परमप्रभुं छिमित गन गन लिना छ्वयादी अनयापिं मनूत छिमिगु हालत खनाः अजू चाइ। छिमित खनाः इपिं न्‍हिली अले हेस्‍याइ।

व्‍यवस्‍था 29:22

छिमि लिपा वइपिं मचाखाचा व यक्‍व तापाःगु देशं वःपिं परदेशीतय्‌सं छिमिगु देशय् वःगु विपत्ति व परमप्रभुं देशय् हयादीगु ल्‍वय् खनी।