यर्मिया 19:7 - नेवाः बाइबल

⁷ “‘थ्‍व हे थासय् जिं यहूदा व यरूशलेमया योजनात स्‍यंकाबी। इमित थः शत्रुतय् न्‍ह्यःने तरवारं व इमित स्‍यायेत स्‍वयाच्‍वंपिनिगु ल्‍हातं स्‍याके बी। अले इमिगु सीम्‍ह धाःसा आकाशयापिं झंगःत व पृथ्‍वीयापिं पशुतय्‌त नयेत बी।

यर्मिया 19:7 ပူးပေါင်းရင်းမြစ်များ

२ राजा 21:14

जिं थः प्रजाया ल्‍यंदुपिन्‍त त्‍वःताः इमि शत्रुतय्‌गु ल्‍हातय् तयाबी। शत्रुतय्‌सं इमित त्‍याकी अले इमिगु देश लुटे याइ।

हितोपदेश 21:30

परमप्रभुयागु विरोधय् सुं नं मनूया बुद्धि, ज्ञान व ग्‍वसाः ताःलाये फइ मखु।

यशैया 29:14

अथे जुयाः जिं हाकनं छकः थ्‍व जातिया दथुइ तसकं अजू चायापुगु ज्‍या यानाः छक्‍क यानाबी, अले जिं ज्ञानीपिनिगु ज्ञानयात नाश यानाबी, अले बुद्धिमानतय्‌गु बुद्धियात ज्‍यालगय् मजुइकाबी।”

यशैया 8:10

थःपिनिगु निंतिं उपायत दय्‌कि तर उपिं ताःलाइ मखु। गुलि खँ ल्‍हाये मास्‍ति व ल्‍हा तर उपिं फुक्‍क ताःलाइ मखु, छाय्‌धाःसा परमेश्‍वर जिपिंनापं दी।

यर्मिया 15:2

अले ‘जिपिं गन वनेगु?’ धकाः इमिसं छन्‍त न्‍यन धाःसा छं इमित थथे धा, ‘परमप्रभुं थथे धयादी- “‘सीगु लागि च्‍वयातःगु दुसा सीत वनेमा, तरवारं सीगु च्‍वयातःगु दुसा तरवारं सीत वनेमा अले अनिकालं सीगु च्‍वयातःगु दुसा अनिकालं सीत व ज्‍वनाः यंकिगु च्‍वयातःगु दुसा ज्‍वंकाः वनेमा।’”

यर्मिया 15:9

न्‍हय्‌म्‍ह काय् म्‍ह्याय्‌पिनि मां मुर्छ्या जुयाः सी। न्‍हिनय् हे वयागु सूर्य बिनावनी। वयागु बेइज्‍जत जुइ, अले व लज्‍याय् लाइ। इमि तरवारं बचय् जूपिन्‍त धाःसा जिं इमि शत्रुतय्‌गु न्‍ह्यःने तरवारं स्‍याके बी,” परमप्रभुं धयादी।

यर्मिया 16:4

“इपिं ग्‍यानापुगु ल्‍वचं सी। इमिगु लागिं सुं नं ख्‍वइ मखु वा सुनानं इमित थुनी मखु। इपिं बँय् फोहर थें लानाच्‍वनी। इपिं तरवार व अनिकालं नाश जुइ, इमिगु सीम्‍ह आकाशयापिं झंगःपन्छित व पृथ्‍वीयापिं पशुतय्‌गु नयेगु नसा जुइ।”

यर्मिया 18:21

उकिं आः इमि काय्‌म्‍ह्याय्‌पिं नये मखंक सीमा! इमित तरवारं स्‍याके बियादिसँ! इमि कलाःपिं मस्‍त मदुपिं व भाःत मदुपिं जुइमा! इमि मिजंतय्‌त नं स्‍यायेमा! इमि ल्‍याय्‌म्‍हपिन्‍त नं लडाइँलय् तरवारं स्‍यायेमा!

यर्मिया 21:7

जि, परमप्रभुं धाये, अनंलि यहूदाया जुजु सिदकियाह, वया हाकिमत महामारी, तरवार व अनिकालं बचय्‌जूपिं थ्‍व शहरय् दुपिं मनूतय्‌त बेबिलोनया जुजु नबूकदनेसर व इमित स्‍यायेत स्‍वयाच्‍वंपिं शत्रुतय्‌गु ल्‍हातय् जिं लःल्‍हानाबी। वं इमित तरवारं स्‍याइ, वं इमित त्‍वःती मखु अले दया नं याइ मखु, माया नं याइ मखु।’

यर्मिया 22:19

बरु वयात गधायात थें थुनी, वयात साला यंकाः यरूशलेमया ध्‍वाखाया पिने वांछ्वयाबी।”

यर्मिया 22:25

जिं छन्‍त उपिं मनूतय्‌गु ल्‍हातय् बी, गुपिं खनाः छ ग्‍याः। जिं छन्‍त छंगु प्राण कायेत स्‍वयाच्‍वंपिं बेबिलोनया जुजु नबूकदनेसर व बेबिलोनीतय्‌त लःल्‍हानाबी।

यर्मिया 32:28

उकिं जि, परमप्रभुं थथे धाये – जिं थःम्‍हं हे थ्‍व शहरयात बेबिलोनीतय्‌गु व बेबिलोनयाम्‍ह जुजु नबूकदनेसरया ल्‍हातय् बीत्‍यनागु दु। वं थ्‍वयात त्‍याकाकाइ।

यर्मिया 34:20

जिं इमित स्‍यायेत स्‍वःपिं इमि शत्रुतय्‌गु ल्‍हातय् बी। इमिगु सीम्‍हत धाःसा आकाशयापिं झंगःत व पृथ्‍वीयापिं पशुतय्‌गु नसा जुइ।

यर्मिया 46:26

जिं इमित इमिगु ज्‍यान कायेत स्‍वःपिनिगु ल्‍हातय्, अर्थात बेबिलोनया जुजु नबूकदनेसर व वया हाकिमतय्‌गु ल्‍हातय् लःल्‍हानाबी। तर अनंलि मिश्र देशय् हाकनं न्‍हापा थें तुं मनूत च्‍वनी,” परमप्रभुं धयादी।

यर्मिया 7:33

थ्‍व प्रजाया सीम्‍हत आकाशया झंगःत व पृथ्‍वीयापिं पशुतय् नयेगु नसा जुइ। इमित ख्‍यानाछ्वइपिं सुं हे दइ मखु।

यर्मिया 8:2

मनूतय्‌सं माया यानाः सेवा याःगु, सल्‍लाह काःगु व पुजा याःगु सूर्य, तिमिला व आकाशया नगुतय्‌गु न्‍ह्यःने उपिं क्‍वँय्‌त ब्‍वइ। मुनाः चिहानय् थुनीगु पलेसा उपिं क्‍वँय् बँय् साः थें लानाच्‍वनी।

यर्मिया 8:8

“‘छिमिसं गथे यानाः धाये फइ, “जिपिं बुद्धिमान खः, अले परमप्रभुयागु व्‍यवस्‍था जिमिके दु?” तर स्‍व, शास्‍त्रीतय्‌गु फताहा कलमं उकियात फताहा दय्‌कूगु दु।

यर्मिया 8:9

बुद्धि दुपिं मछालेमाली, इमिगु नुगः क्‍वतुनी, अले इमित ज्‍वनी। इमिसं परमप्रभुया वचनयात त्‍वःतूगु दु, इमिके गज्‍याःगु बुद्धि दु?

विलाप 3:37

परमप्रभुं हे आज्ञा बियामदीतले सुनां धाःगु पूवंगु दु?

लेवी 26:17

जिं थःगु ख्‍वाः फस्‍वय्‌के। गुकें यानाः छिपिं शत्रुतय्‌गु ल्‍हातिं बुइ। छिमित हेपय् याइपिन्‍सं छिमित शासन याइ, सुनानं लिनाच्‍वंगु मदुसां छिपिं बिस्‍युं वनाच्‍वनी।

लेवी 26:25

छिमिसं जिगु बाचा त्‍वथूगुलीं जिं धात्‍थें हे छिमित सजाँय बी, अले गुबलय् छिपिं थथःगु शहरय् मुनाच्‍वनी, जिं छिमिगु दथुइ ल्‍वय् छ्वया हये। छिमित शत्रुतय्‌गु ल्‍हातय् बी।

रोमी 3:31

छु थ्‍व विश्‍वासं यानाः व्‍यवस्‍था ज्‍यालगय् मजुल ला? अहं, अथे मखु, बरु झीसं ला व्‍यवस्‍थायात झन जक बांलाक मानय् यानाच्‍वनागु जुइ।

रोमी 4:14

व्‍यवस्‍था मानय् याःगुलिं इमित थ्‍व संसार बियादीगु जूसा विश्‍वास छतिं हे ज्‍यालगय् मजुल, अले बाचा चिनादीगु नं सितिं वन।

१ शमूएल 17:46

थौंयागु दिं परमप्रभुं छन्‍त जिगु ल्‍हातय् लःल्‍हानादीगु दु, अले जिं छन्‍त स्‍याना छंगु छ्यं धेनाबी। थौं पलिश्‍तीतय्‌गु सीम्‍ह आकाशय् च्‍वंपिं चखुं व जमिनय् च्‍वंपिं जन्‍तुतय्‌त नकेगु जुइ। अले तिनि इस्राएलय् छम्‍ह परमेश्‍वर दु धकाः सारा संसारं सीका काइ।