यर्मिया 18:20 - नेवाः बाइबल

²⁰ छु! भिंया पलेसा मभिं याइ ला? अय्‌नं इमिसं जिगु प्राणया निंतिं गाः म्‍हूगु दु। इपिंपाखें छिगु तं चीकाछ्वयेगु लागि जिं इमिगु पंलिनाः नवायेत जि छिगु न्‍ह्यःने दना। व लुमंकादिसँ।

यर्मिया 18:20 ပူးပေါင်းရင်းမြစ်များ

अय्‍यूब 6:27

छिकपिन्‍सं ला मांबौ मदुपिनिगु लागि चिट्ठा तयादी, थः पासापिन्‍त तकं हिलादी।

भजनसंग्रहया सफू 106:23

उकिं वय्‌कलं इमित नाश याये धकाः धयादीगु खः, अय्‌नं वय्‌कःया नाश याइगु तं चीकाछ्वयेत वय्‌कःया ल्‍ययातःम्‍ह मनू मोशा वय्‌कःया न्‍ह्यःने दन।

भजनसंग्रहया सफू 119:95

दुष्‍टत जितः नाश यायेत पियाच्‍वंगु दु, तर जिं छिगु उपदेशय् ध्‍यान याये।

भजनसंग्रहया सफू 35:12

इमिसं जिगु भिंगु ज्‍याया पलेसा जितः मभिं याइ। जिगु नुगः तसकं क्‍वतुनी।

भजनसंग्रहया सफू 35:7

जिं छुं मयाकं इमिसं जितः जाः ग्‍वल जिं छुं मयाकं इमिसं जिगु निंतिं गाः म्‍हुल।

भजनसंग्रहया सफू 38:20

इमिसं जिगु भिंगु ज्‍याया पलेसा जितः मभिं यानाच्‍वंगु दु। अले जिं भिंगु ज्‍या यानागुया विरोधय् जुयाच्‍वंगु दु।

भजनसंग्रहया सफू 57:6

जिमि शत्रुतय्‌सं जिगु निंतिं जाः ग्‍वयातःगु दु। जि दुःखं न्‍यलेधुन। इमिसं जिगु लँय् गाः म्‍हुयातल, तर इपिं थःपिं हे व गालय् कुतुंवन। सेला

भजनसंग्रहया सफू 7:15

सुनां कर्पिनिगु निंतिं गाः म्‍हुइ व थःम्‍हं म्‍हूगु गालय् थः हे दुनी।

हितोपदेश 17:13

भिंगुया पलेसा मभिंगु याइम्‍हय्‌सिया छेँनं मभिं धयागु गुबलें चिलावनी मखु।

हितोपदेश 26:27

सुनां गाः म्‍हुइ, व थः हे गालय् कुतुं वनी। सुनां ल्‍वहं ग्‍वारातुइकी, लिखतं वयाः वयात हे लाःवइ।

उपदेशक 10:8

सुनां गाः म्‍हुइ व गालय् थः हे क्‍वबाये फु। पःखाः थुनीम्‍ह मनूयात सर्पं न्‍याये फु।

यर्मिया 11:14

“अथे जुयाः थ्‍व जातिया लागि प्रार्थना याये मते! थुपिं मनूतय्‌गु पंलिनाः बिन्‍ति याये मते! छाय्‌धाःसा इमिगु दुःखया इलय् इमिसं याःगु प्रार्थना जिं न्‍यने मखु।

यर्मिया 14:20

हे परमप्रभु, जिमिसं थःगु मभिंगु ज्‍या व जिमि तापाःबाज्‍यापिनिगु अपराध मानय् याये, जिमिसं धात्‍थें हे छिगु विरोधय् पाप यानागु दु।

यर्मिया 15:1

अले परमप्रभुं जितः धयादिल, “मोशा व शमूएल जिगु न्‍ह्यःने दंसां थ्‍व जातिपाखे जिगु मन वनी मखु। इमित जिगु न्‍ह्यःनं पितिनाछ्व! इमित वनेब्‍यु!

यर्मिया 17:18

जितः दुःख बीपिं हे मछाले मालेमा, तर जितः धाःसा मछाले म्‍वाय्‌कादिसँ। इमित ख्‍यानादिसँ तर जितः ग्‍यायेगुपाखें बचय् यानादिसँ। इमिके आतंकया दिं हयादिसँ अले निदुगं नाशं इमित चुंचुं यानादिसँ।

यर्मिया 18:19

हे परमप्रभु, जिगु खँ ध्‍यान बियाः न्‍यनादिसँ, अले जिम्‍ह शत्रुतय्‌सं छु धयाच्‍वन – व न्‍यनादिसँ।

यर्मिया 18:22

छिं आकाझाकां हमला याइपिं सिपाइँत हयादीबलय् इमिगु छेँनं ख्‍वःगु सः ताये दयेमा। छाय्‌धाःसा जितः ज्‍वनेत इमिसं छगू गाः म्‍हूगु दु, अले जिगु तुतिया निंतिं जाः ह्वःगु दु।

यर्मिया 27:18

इपिं अगमवक्तात खः अले इमिके परमप्रभुया वचन दु धइगु खःसा, परमप्रभुया देगलय् दुगु, यहूदाया जुजुया दरबारय् दुगु व यरूशलेमय् ल्‍यं दुगु मालसामान बेबिलोनय् मयंकेमा धकाः दक्‍व शक्ति दुम्‍ह परमप्रभुयाके इमिसं बिन्‍ति यायेमा।

यर्मिया 5:26

“जिमि मनूतय् दथुइ मभिंपिं मनूत च्‍वनाच्‍वंगु दु। इपिं झंगःपन्छित लायेत जाः ह्वलाच्‍वंपिं मनूत थें पियाच्‍वनी तर इमिसं मनूतय्‌त लायेत थःगु जाः ह्वलाच्‍वंगु दु।

यर्मिया 7:16

“उकिं, यर्मिया, छं थ्‍व प्रजाया निंतिं प्रार्थना याये मते। थुमिगु निंतिं इनाप नं याये मते। छाय्‌धाःसा जिं छंगु प्रार्थना न्‍यने मखु।

विलाप 3:59

हे परमप्रभु, जितः याःगु अत्‍याचार छिं खंगु दु। जिगु न्‍याय यानादिसँ।

यूहन्‍ना 10:32

वय्‌कलं इमित धयादिल – “बाःयापाखें जिं छिकपिन्‍त यक्‍व हे भिंगु ज्‍या यानाः क्‍यनागु दु, उकी मध्‍ये छुकिं यानाः छिकपिन्‍सं जितः ल्‍वहँतं कय्‌केत्‍यना?”

यूहन्‍ना 15:25

व्‍यवस्‍थाय् थथे च्‍वयातःगु खँ पूवंकेत हे थथे जूगु खः – ‘छुं म्‍वाय्‌क हे इमिसं जितः हेला यात।’

१ शमूएल 19:4

अथे जुयाः जोनाथनं थः बौ शाऊलयात थथे धाल, “स्‍वयादिसँ, थः दास दाऊदयात छुं मभिं याये मते। वं गुबलें छिगु मभिं याःगु मदु। वं याःगु ज्‍यां छितः फाइदा हे जूगु दु।