यर्मिया 18:10 - नेवाः बाइबल

¹⁰ इमिसं जिगु खँ मन्‍यंसे जितः मयःगु ज्‍या यात धाःसा अले जिगु खँ मन्‍यन धाःसा इमित भिं यायेगु जिगु बिचाःया बारे जिं हाकनं बिचाः याये।

यर्मिया 18:10 ပူးပေါင်းရင်းမြစ်များ

भजनसंग्रहया सफू 125:5

तर मखुगु लँपुइ वनिपिन्‍त दुष्‍टतनापं हे परमप्रभुं पितिना छ्वयादिसँ। इस्राएलय् शान्‍ति जुइमा।

इजकिएल 18:24

“तर धर्मी मनुखं थःगु धार्मिकता त्‍वःताः पापयात, अले दुष्‍ट मनुखं याःगु घच्‍चाइपुगु ज्‍या यात धाःसा छु व म्‍वाइ ला? वं न्‍हापा याःगु छुं नं धर्मया ज्‍या लुमंकीगु जुइ मखु। वयागु विश्‍वासघात व वं याःगु पापया कारणं व सी।

इजकिएल 33:12

“अथे जुयाः अय् सीमानिम्‍ह मनू, छिमि मनूतय्‌त धा, ‘सुं धर्मीम्‍ह मनुखं आज्ञा पालन मयात धाःसा इमिगु भिंगु ज्‍यां इमित बचय् याये फइ मखु, सुं मनुखं मभिंगु ज्‍या यायेगु त्‍वःतल धाःसा इमित इमिसं न्‍हापा याःगु मभिंगु ज्‍याया सजाँय जुइ मखु। सुं धर्मीम्‍ह मनुखं अपराध यात धाःसा वं याःगु न्‍हापायागु धार्मिकतां वयात बचय् याकेबी मखु।’

इजकिएल 33:18

सुं धर्मीम्‍ह मनुखं थःगु धार्मिकता त्‍वःताः मभिंगु ज्‍या यात धाःसा धात्‍थें हे व सी।

इजकिएल 45:20

सुनानं बिचाः मयासें अथवा मसीकं मचायेकं पाप याःगु दुसा, लाया न्‍हय्‌न्‍हु दुखुन्‍हु छिमिसं अथे हे यायेगु या। थुकथं देगःया निंतिं छिमिसं प्रायश्‍चित यायेगु या।

सपन्‍याह 1:6

परमप्रभुयागु ल्‍यू वनेगु त्‍वःता वंपिन्‍त, अले वय्‌कःयात ममालीपिं व वय्‌कःयाके न्‍यनेकने मयाःपिन्‍त जिं न्‍हंकाबी।”

गन्‍ती 14:22

मिश्र देशय् व मरुभूमिइ जिगु महिमा व अजू चायापुगु ज्‍या खनाः नं जिगु उजं मानय् मयाःपिं अले तःकमछि जिगु मन स्‍वःपिं थुपिं इस्राएलीतय्‌सं,

गन्‍ती 14:23

जिं थुमि पुर्खायात बी धकाः पाफयाः बचं बियागु देश स्‍वये खनी मखु। जितः हेला याइपिं सुनानं व देश गुबलें खनी मखु।

गन्‍ती 14:34

छिमिसं व देशय् चिवा कायेत पिइन्‍हु बिकूगु खः। उकिं छन्‍हुया दच्‍छि ल्‍याखं पिइदँ तक छिमिसं थःगु पापया सजाँय फयेमाली। थुकथं छिमिसं जिगु विरोध छु खः धकाः सी।’

१ शमूएल 13:13

शमूएलं शाऊलयात धाल, “छिसं मूर्ख ज्‍या यानादिल। परमप्रभु छिकपिनि परमेश्‍वरं छितः बियादीगु आज्ञाकथं छिसं यानामदी। छिसं मानय् याःगु जूसा वय्‌कलं छिगु राज्‍य इस्राएलय् सदांया निंतिं ल्‍ययादी।

१ शमूएल 15:11

“शाऊलयात जुजु यानाः जि तसकं पस्‍ताय् चाःगु दु, छाय्‌धाःसा व जिपाखें तापाक वंगु दु, अले वं जिगु आज्ञा मानय् याःगु नं मदु।” शमूएलयात छु धाये छु धाये जुल, अले वं चच्‍छि ख्‍वयाः परमप्रभुयात बिन्‍ति यात।

१ शमूएल 15:35

शमूएल थः मसीतले हाकनं गुबलें शाऊलयात नापलाः मवन। तर वं शाऊलया निंतिं दुखं च्‍वना हे च्‍वन। अनंलि शाऊलयात इस्राएलीतय् जुजु दय्‌काःगुलिं परमप्रभु तसकं पस्‍ताय् चाल।

१ शमूएल 2:30

“अथे जुयाः इस्राएलया परमप्रभु परमेश्‍वरं धयादी, ‘छिमि पुर्खां व छिमि परिवारं न्‍ह्याबलें जिगु न्‍ह्यःने सेवा यायेमा धकाः धयागु खः। तर परमप्रभुं थथे धयादी, थथे जुइ हे मज्‍यूगु खः। जितः हनाबना याइपिन्‍त जिं हनाबना याये अले जितः हेला याइपिन्‍त जिं नं हेला याये।