यर्मिया 17:8 - नेवाः बाइबल

⁸ व खुसि सिथय् पिनातःगु सिमा थें खः, गुकियागु हा लः तक न्‍यनावंगु दु। तांन्‍वःबलय् व ग्‍याइ मखु, छाय्‌धाःसा वयागु हः न्‍ह्याबलें वाउँसे च्‍वनी। वं न्‍ह्याबलें फल बियाच्‍वनी।”

यर्मिया 17:8 ပူးပေါင်းရင်းမြစ်များ

अय्‍यूब 29:19

जिगु हा लःपाखे न्‍यनावनी अले चच्‍छि हे जिगु कचाय् सुतिलः च्‍वनी।

अय्‍यूब 8:16

निभाः व लः यक्‍व काये खनाः थाहां वःगु मा थें इपिं जुइ। उकिया चुलित क्‍यबय् न्‍यनावनी।

भजनसंग्रहया सफू 1:3

व खुसि सिथय् पिनातःगु सिमा थें खः। वं न्‍ह्याबलें थःगु इलय् फल बी। अले वयागु हः नं गुबलें सुकूगनावनी मखु। वं याःगु न्‍ह्यागु ज्‍या नं पूवनी।

हितोपदेश 11:28

सम्‍पत्तिइ जक विश्‍वास याइपिं कुतुं वनी, धर्मीत धाःसा वाउँगु हः थें सुथां लानाच्‍वनी।

यशैया 58:11

परमप्रभुं छिमित धुवांधु न्‍ह्यलुवाः जुयाः यंकादी, अले तसकं तांन्‍वःगु थासय् नं छिमित लुधंकादी, अले छिमिगु क्‍वँय्‌यात बल्‍लाकादी। छिपिं यक्‍व लखं प्‍याःगु क्‍यब थें व गुबलें सुइ मखुगु बुँगाःचा थें जुइ।

यशैया 61:3

व सियोनय् दुखं च्‍वनाच्‍वंपिन्‍त नौया पलेसा तसकं बांलाःगु श्रीपेच, व दुखं पलेसा लसताया चिकं बीत, ख्‍वःगु नुगःया पलेसा प्रशंसाया वसः पुंकाबीत, वय्‌कःया गौरव खनेदयेमा धकाः इमित परमप्रभुं हे पिनादीगु धार्मिकताया स्‍वसिमात धकाः धाइ।

यर्मिया 39:18

‘जिं छन्‍त बचय् याये। छन्‍त तरवारं स्‍याइ मखु, तर छ थःगु ज्‍यान बचय् यानाः बिस्‍युं वनी। छाय्‌धाःसा छं जितः भरोसा याःगु दु,’ परमप्रभुं धयादी।”

इजकिएल 31:3

अश्‍शूर देशयात स्‍व, छगू इलय् व लेबनानया देवदारु खः, उकिया बांबांलाःगु कचां गुँयात किचः बियातःगु खः, उकिया च्‍वकात सुपाँय् दुथाय् तक थ्‍यनिगु खः।

इजकिएल 47:12

खुसिया सिथय् निखेंपाखे थीथी कथंयागु फलयागु सिमात बुया वइ। उमिगु हः सुकूगनावनी मखु। उमिगु फल गुबलें फुइ मखु। उमिसं फुक्‍क लाय् हे फल बी, छाय्‌धाःसा उमित प्‍याकिगु लः पवित्र थासं न्‍ह्याइगु खः। उमिगु फल नयेत व उमिगु हः ल्‍वय् लाय्‌केत जुइ।”