यर्मिया 17:7 - नेवाः बाइबल

⁷ “धन्‍य खः व मनू, गुम्‍हय्‌सिनं परमप्रभुयागु भलसा काइ, गुम्‍हय्‌सिगु आशा परमप्रभु खः।

यर्मिया 17:7 ပူးပေါင်းရင်းမြစ်များ

भजनसंग्रहया सफू 125:1

परमप्रभुयाके भरोसा तइपिं सकलें सियोन पर्वत थें खः, गुकियात संके फइ मखु तर न्‍ह्याबलें दनाच्‍वनी।

भजनसंग्रहया सफू 146:5

धन्‍य खः व मनू, गुम्‍हय्‌सिया ग्‍वाहालि याकूबया परमेश्‍वर खः, गुम्‍हय्‌सिनं परमप्रभु परमेश्‍वरयागु भलसा काइ।

भजनसंग्रहया सफू 2:12

वय्‌कःया काय्‌यात हनाबना ति। मखुसा वय्‌कः तंम्‍वयादी अले वय्‌कलं छिमित नाश यानादी। वय्‌कःया शरणय् वंपिं धाःसा धन्‍य जुइ।

भजनसंग्रहया सफू 20:8

इपिं लुफिं हानाः क्‍वदली तर झी बल्‍लानाः धस्‍वानाच्‍वनी।

भजनसंग्रहया सफू 34:8

परमेश्‍वर गुलि भिं धकाः थःम्‍हं हे सीकि, धन्‍यम्‍ह खः व, सुनां वय्‌कःयाके शरण काइ।

भजनसंग्रहया सफू 40:4

धन्‍य खः व मनू, गुम्‍हय्‌सिनं परमप्रभुयाके भलसा तइ, गुम्‍हय्‌सिनं मूर्ति पुजा याइ मखु, अले गुम्‍ह मखुपिं द्यःतय्‌त पुजा यानाजुइपिंलिसे जुइ मखु।

भजनसंग्रहया सफू 71:5

हे परमप्रभु, छि हे जक जिगु आशा खः। हे परमप्रभु, जिं मचांनिसें छिगु भरोसा कयागु दु।

भजनसंग्रहया सफू 84:12

दक्‍व शक्ति दुम्‍ह परमप्रभु! धन्‍य खः छितः भरोसा याःपिं मनूत।

हितोपदेश 16:20

छन्‍त छु स्‍यंगु खः, उकी ध्‍यान ब्‍यु, अले छंगु ज्‍या ताःलाइ। परमप्रभुयात विश्‍वास याइपिन्‍त आशिष दइ।

यशैया 30:18

अय्‌नं परमप्रभुं छिमिगु निंतिं दया यायेगु मतिइ तयादी। छिमिगु निंतिं माया यायेत वय्‌कः दनादी, छाय्‌धाःसा परमप्रभु न्‍याय यानादीम्‍ह परमेश्‍वर खः। वय्‌कःयात लं च्‍वनीम्‍ह धन्‍य खः।

यशैया 61:3

व सियोनय् दुखं च्‍वनाच्‍वंपिन्‍त नौया पलेसा तसकं बांलाःगु श्रीपेच, व दुखं पलेसा लसताया चिकं बीत, ख्‍वःगु नुगःया पलेसा प्रशंसाया वसः पुंकाबीत, वय्‌कःया गौरव खनेदयेमा धकाः इमित परमप्रभुं हे पिनादीगु धार्मिकताया स्‍वसिमात धकाः धाइ।

यर्मिया 39:18

‘जिं छन्‍त बचय् याये। छन्‍त तरवारं स्‍याइ मखु, तर छ थःगु ज्‍यान बचय् यानाः बिस्‍युं वनी। छाय्‌धाःसा छं जितः भरोसा याःगु दु,’ परमप्रभुं धयादी।”

दानिएल 3:28

जुजुं धाल, “शद्रक, मेशक व अबेद्‌नगोया परमेश्‍वरया प्रशंसा जुइमा। थःत विश्‍वास याइपिं व थःगु सेवा याइपिं थुपिं स्‍वम्‍ह मनूतय्‌त बचय् यायेत वय्‌कलं थः स्‍वर्गदूतयात छ्वयाहयादिल। इमिसं जिगु खँ मन्‍यं, थः परमेश्‍वरयात त्‍वःताः मेपिं द्यःतय्‌त पुजा यायेगु स्‍वयाः थः सिनावनेत तयार जुल।

सपन्‍याह 3:12

तर जिं छंगु दथुइ क्‍वमिलु व चिधंपिं मनूत त्‍वःता तये सुनां परमप्रभुया नामय् भलसा काइ।

एफिसी 1:12

झीपिं ख्रीष्‍टयाके भरोसा तयापिं दक्‍वसिबय् न्‍हापां हे ल्‍ययातःपिं खः। उकिं परमेश्‍वरयात झीसं तःधंके।