यर्मिया 17:4 - नेवाः बाइबल

⁴ जिं छिमित सर्बयकथं बियागु जमिन छिमिगु थःगु हे दोषं यानाः छिमिसं त्‍वःते माली। छिमिसं म्‍हमस्‍यूगु देशय् जिं छिमित छिमि शत्रुतय्‌गु सेवा याकेबी। छाय्‌धाःसा जिगु तं मि थें जूगु दु, अले व न्‍ह्याबलें च्‍यानाच्‍वनी।”

यर्मिया 17:4 ပူးပေါင်းရင်းမြစ်များ

१ राजा 9:7

जिं इस्राएलयात बियागु देशं इमित लिनाछ्वये अले जिं जिगु नांया इज्‍जतया निंतिं पवित्र यानागु थ्‍व देगः नं त्‍वःताबी। अले इस्राएलीत खनाः फुक्‍क मनूत न्‍हिली, अले फुक्‍क मनूतय्‌गु दथुइ इमित हेस्‍याइ अले क्‍वह्यंकी।

२ राजा 25:21

बेबिलोनयाम्‍ह जुजुं हमात देशया रिब्‍ला शहरय् इमित स्‍याकेबिल। थुकथं यहूदायापिं मनूतय्‌त थःगु देशं ज्‍वना यंकल।

नहेम्‍याह 9:28

“अय्‌नं शान्‍ति जुइ धुंकाः इमिसं हानं पापयात, उकिं छिं इमित शत्रुतय्‌गु ल्‍हातय् त्‍वःतादिल। इमिसं इमित थःगु अधीनय् तल। अय्‌नं हाकनं इमिसं छिके ग्‍वाहालि फ्‍वन। स्‍वर्गं छिं न्‍यनादिल, अले छि तसकं नुगः क्‍यातुम्‍ह जूगुलिं इमित तःक्‍वः मछि बचय् यानादिल।

यशैया 14:3

परमप्रभुं छिमिगु दुःखकष्‍ट व छिमिसं यानावःगु थाकुगु थाकुगु ज्‍यापाखें छिमित छुत्‍कारा बियादीबलय्

यशैया 30:33

छाय्‌धाःसा तोपेतयात न्‍हापा हे छम्‍ह जुजुया निंतिं तयार याःगु खः। तसकं च्‍याःगु मि व यक्‍व सिँनापं मि च्‍याकेत गाः चकंगु व तसकं गाः वंकूगु दु। च्‍यानाच्‍वंगु गन्‍धकयागु खुसिं थें परमप्रभुया सासलं वयात मि च्‍याकाबी।

यशैया 5:25

अथे जुयाः परमप्रभु थः प्रजालिसे तंचायादीगु दु अले इमित सजाँय बीत थःगु ल्‍हाः ल्‍ह्वनादीगु दु। पर्वतत थरथर खाइ अले सीम्‍हत धू थें लँय् अथें हे वांछ्वया तइ। तर उलि जुलं नं परमप्रभुया तं क्‍वलाइ मखुनि अले इमित सजाँय बीत वय्‌कःया ल्‍हाः ल्‍ह्वना तुं च्‍वनादी।

यशैया 50:11

तर आः छिपिं फुक्‍क सुनां थःगु निंतिं मि च्‍याकी अले च्‍यानाच्‍वंगु थःगु मिप्‍वाः काइ, छिपिं हुँ! छिमिगु मि व छिमिसं च्‍याकूगु मिप्‍वाःया जलय् न्‍यासि हुँ। छिमिसं जिगु ल्‍हाःपाखें थ्‍व हे खँ काये खनी, छिमिसं तःधंगु दुःखकष्‍ट फयेमाली।

यशैया 66:24

“अले इपिं पिहां वयाः जिगु विरोधय् जिराहा जूपिं मनूतय्‌गु सीम्‍ह स्‍वःवइ। इमिगु की सी मखु, इमिगु मि सी मखु, अले इपिं फुक्‍क मनूत व जातितय्‌त घच्‍चाइपुस्‍य च्‍वनी।”

यर्मिया 12:7

“जिं जिमि मनूत इस्राएलयात त्‍वःताबी। जिगु सर्बय जिं वांछ्वयाबी। जितः यःम्‍हय्‌सित जिं वया शत्रुतय्‌गु ल्‍हातय् बी।

यर्मिया 15:14

जिं छिमित छिमिसं म्‍हमस्‍यूगु देशय् छिमि शत्रुतय्‌गु दास यानाबी। छाय्‌धाःसा जिगु तमं छगू मि च्‍याकी, गुगु छंगु विरोधय् च्‍याइ।”

यर्मिया 16:13

उकिं जिं छिमित छिमिसं व छिमि तापाःबाज्‍यापिन्‍सं म्‍हमस्‍यूगु मेगु देशय् वांछ्वयाबी। अन छिमिसं चान्‍हि मेपिं द्यःतय्‌गु सेवा याइ। जिं छिमित दया याये मखु।’”

यर्मिया 18:23

अय्‌नं हे परमप्रभु, जितः स्‍यायेत स्‍वयाच्‍वंपिनिगु फुक्‍क ग्‍वसाः छिं स्‍यू, इमिगु अधर्मयात क्षमा यानादी मते! थःगु मिखां इमिगु पाप हुयादी मते! इपिं छिगु न्‍ह्यःने नाश जुइमा। थःगु तंया इलय् छिं इपिंलिसें थज्‍याःगु हे व्‍यवहार यानादिसँ।

यर्मिया 2:14

“छु इस्राएल च्‍यः खः ला? छु व छेँय् बूम्‍ह दास खः ला? छाय् वयात लुतय् यात लय्?

यर्मिया 21:12

अय् दाऊदया घराना, परमप्रभुं थथे धयादी, “‘सुथ पतिकं न्‍याय या, सुयातं लुतय् याःगु खः वयात अत्‍याचार याःम्‍हय्‌सिगु ल्‍हातं त्‍वःतकि। मखुसा छिमिगु मभिंगु ज्‍यां यानाः जिगु तं मि थें ह्वानाह्वाना च्‍याइ। सुनानं उकियात क्‍वलाके फइ मखु।

यर्मिया 22:28

छु! थ्‍व मनू यहोयाकीन छगः सुनां वास्‍ता मयाःगु वांछ्वयातःगु तज्‍याःगु थल खः ला? छाय् वयात वया काय्‌म्‍ह्याय्‌पिंनापं इमिसं म्‍हमस्‍यूगु देशय् वांछ्वयाबीगु?

यर्मिया 5:19

इमिसं ‘झी परमप्रभु परमेश्‍वरं छाय् झीत थथे यानादीगु?’ धकाः धयाहइबलय्, यर्मिया, छं इमित थथे धा, ‘गथे छिमिसं जितः त्‍वःताः थःगु हे देशय् मेपिं द्यःतय्‌त सेवा यात, अथे हे छिमिसं नं विदेशय् परदेशीतय्‌गु सेवा याइ।’”

यर्मिया 5:29

थुकिया लागि छु जिं थुमित सजाँय मबियेगु ला? छु जिं थज्‍याःगु जातियाके बदला मकायेगु ला? परमप्रभुं धयादी।

यर्मिया 7:20

उकिं परमप्रभु परमेश्‍वरं धयादी, “थ्‍व थासय् जिं जिगु तं प्‍वंकाबी। मनू व पशु, ख्‍यलय् च्‍वंगु सिमा व बुँया बाली प्‍वंकाबी। जिगु तं मि थें च्‍यानाच्‍वनी, सुनानं उकियात क्‍वलाके फइ मखु।”

विलाप 1:12

थ्‍व लँपु जुयावनीपिं सकलें मनूत, छु छिमित थुकियागु छुं वास्‍ता मदु ला? प्‍यखेरं स्‍व व बिचाः या, थःगु तःधंगु तंया दिनय्, परमप्रभुं जितः बियादीगु दुःखकष्‍ट थें ज्‍याःगु मेगु छुं दुःख दु ला?

विलाप 5:2

जिमिगु सर्बय परदेशीतय्‌गु ल्‍हातय् लाःगु दु। जिमिगु छेँ परदेशीतय्‌गु जूगु दु।

इजकिएल 21:31

जिं थःगु तं छंके प्‍वंके। जिगु च्‍याःगु तंया मि छंगु विरोधय् पिकाये। जिं छन्‍त नाश याये सःपिं व दयामदुपिं मनूतय्‌गु ल्‍हातय् बी।

इजकिएल 7:24

उकिं जिं इमिगु छेँत अधिकार यायेत मेगु जातियापिं तसकं मभिंपिं मनूत हये। जिं बल्‍लाःपिनिगु घमण्‍ड नं खतम यानाबी अले इमिगु पवित्र थाय्‌त अशुद्ध याइगु जुइ।

व्‍यवस्‍था 28:25

परमप्रभुं छिमित शत्रुतय्‌गु न्‍ह्यःने बुकेबी। इपिंलिसें ल्‍वायेत छिपिं छपु लँ जुयाः वइ अय्‌नं न्‍हय्‌पु लँ जुयाः बिस्‍युं वनी। छिपिं पृथ्‍वी न्‍यंकंया निंतिं भयया खँ जुइ।