यर्मिया 17:3 - नेवाः बाइबल

³ थ्‍व देशय् दुगु जिगु पर्वत व छिमिगु फुक्‍क धन-सम्‍पत्ति छिमिगु पुजा याइगु थाय्‌नापं देश न्‍यंकया पापया कारणं जिं छिमि शत्रुतय्‌त लुटपाट याकेबी।

यर्मिया 17:3 ပူးပေါင်းရင်းမြစ်များ

२ राजा 24:13

परमप्रभुं धयादीगु थें परमप्रभुया देगःयागु व दरबारया धुकुतियागु फुक्‍क धन वं लिकाल, अले परमप्रभुयागु देगःयागु निंतिं इस्राएलयाम्‍ह जुजु सोलोमनं दय्‌कूगु लुँयागु फुक्‍क सामान यंकल।

भजनसंग्रहया सफू 78:58

इमिसं मेपिं द्यःतय्‌गु पुजा यायेगुथाय् दय्‌काः परमेश्‍वरयात तंम्‍वय्‌कल। इमिसं थःगु मूर्तिपाखें वय्‌कःयात नुगः मुइकाबिल।

यशैया 27:9

थुकिं याकूबया अर्धम्‍हयात पुइकायंकी, वय्‌कलं इमिगु पाप चिकाः छ्‌इबलय् थ्‍व लिच्‍वः जुइ– इमिसं वेदीया फुक्‍क ल्‍वहंत भ्‍वसाभ्‍वसा वंगु तुयुगु ल्‍वहं थें चुंचुं याइबलय् अशेरा द्यःमय्‌जुया थां व धुपाँय् च्‍याकीगु वेदीत हाकनं थनी मखु।

यर्मिया 12:12

मरुभूमियागु फुक्‍क नांगा डाँडाय् नाश याइपिं थाहां वःगु दु। परमप्रभुयागु तरवारं देशयागु छगू कुन्‍चांनिसें मेगु कुन्‍चा तक नाश याइ, अले सुं नं सुरक्षित जुइ मखु।

यर्मिया 15:13

“छिमिगु देशन्‍यंक जूगु छिमिगु फुक्‍क पापं यानाः छिमिगु धनसम्‍पत्ति व छिमिगु धुकूया सामान जिं लुतय् यानाहःगु सामान थें सितिकं इनाबी।

यर्मिया 20:5

जिं थ्‍व शहरया फुक्‍क धन-सम्‍पत्ति, थन सःगु फुक्‍क, फुक्‍क मू वंगु सामान व यहूदाया जुजुपिनिगु फुक्‍क धन-सम्‍पत्ति इमि शत्रुतय्‌गु ल्‍हातय् बी। इमिसं व फुक्‍क बेबिलोनय् यंकी।

यर्मिया 21:13

जि थः हे छंगु विरोधय् दु, अय् यरूशलेम, अय् थ्‍व ब्‍यासिया च्‍वय् च्‍वंपिं, ल्‍वहंया ल्‍वहं दुगु तज्‍जाःगु माथंवंगु थासय् च्‍वंपिं, जि, परमप्रभुं धाये, छिमिसं धाइ “सुनां जिमित हमला याये फइ? वा जिपिं च्‍वनेगु थासय् सु दुहां वये फइ?”

यर्मिया 26:18

“यहूदाया जुजु हिजकियाया इलय् मोरेशेतयाम्‍ह मीकां अगमवाणी ल्‍हात। यहूदायापिं फुक्‍क मनूतय्‌त वं थथे धाल, ‘दक्‍व शक्ति दुम्‍ह परमप्रभुं थथे धयादी, “‘सियोनयात बुँ थें जोते याइ, यरूशलेम नाश जुयाः द्वँ चिनी, देगः दुगु डाँडा धाःसा झाःया झाः दुगु द्वम्‍बःचा थें जुइ।’

विलाप 1:10

वया शत्रुतय्‌सं वयागु दक्‍व मू मू वंगु ज्‍वलं लुतय् याःगु दु। मेगु जातियापिं मनूत, सुयात परमप्रभुं थःगु मुंज्‍याय् च्‍वनेत पनादीगु खः, इपिं वयागु पवित्र थासय् दुहां वंगु वं खन।

इजकिएल 16:39

अले जिं छन्‍त छं प्रेमीपिन्‍त लःल्‍हानाबी, अले इमिसं छंगु द्वम्‍बःचायात थुनाबी, अले छंगु ततःजाःगु वेदीत नाश यानाबी। इमिसं छंगु वसः जबरजस्‍ती त्‍वःकी। अले छंगु बांबांलाःगु तिसात लाकाकयाः छन्‍त नांगा यानाः त्‍वःताबी।

इजकिएल 23:46

“परमप्रभु परमेश्‍वरं थथे धयादी – इमिगु विरोधय् छगू भीड हजि, अले इमित लुट व आतंकयात लःल्‍हानाब्‍यु।

इजकिएल 6:3

अले धा, ‘हे इस्राएलया पर्वतत, परमप्रभु परमेश्‍वरयागु थ्‍व वचन न्‍यँ! पर्वतत व डाँडात, खुसिचा व बेँसीतय्‌त परमप्रभु परमेश्‍वरं थथे धयादी – स्‍व, जिं थःम्‍हं हे छिमिथाय् लडाइँ हयेत्‍यनागु दु, अले जिं छिमि पुजा याइगु थाय्‌यात नाश याये।

लेवी 26:30

जिं छिमिगु पुजा यायेगु देगःचात स्‍यंकाबी, अले छिमिगु धुपाँय्‌ च्‍याकेगु मकःयात नं स्‍यंकाबी, अले छिमिगु सीम्‍हयात उपिं जीवन मदुगु मूर्तितय्‌गु द्यःने तयाबी। जिं स्‍वइबलय् छिपिं घचाइपुसे च्‍वंपिं जुइ धुंकूगु दु।

मीका 3:12

अथे जुयाः छिमिगु कारणं यानाः सियोनयात बुँ थें जोतय् याइ, यरूशलेम नाश जुयाः द्वँ चिनी, देगःया डाँडा धाःसा झाः बुयावया त्‍वःपुयाच्‍वंगु द्वम्‍बःचा थें जुइ।

सपन्‍याह 1:13

इमिगु धन-सम्‍पत्ति लाका काइ, इमिगु छेँ मेपिन्‍सं थुनाबी। इमिसं छेँ दय्‌कूसां उकी इपिं च्‍वने दइ मखु। इमिसं दाखमा पिइ अय्‌सां इमिसं व दाखमद्य त्‍वनेखनी मखु।”